1 Timotius 3:6 - Perjanjian Baru Bahasa Melayu Maluku Utara

⁶ Orang yang pimpin jemaat tara bole orang yang baru percaya pa Yesus Kristus, supaya jang dorang makang puji. Karna kalu dorang makang puji, dorang jadi sombong, kong Tuhan Allah mo hukum pa dorang sama deng Tuhan Allah hukum pa Iblis, setang-setang pe raja.

1 Timotius 3:6 ပူးပေါင်းရင်းမြစ်များ

Lukas 10:18

Yesus bilang pa dorang, “Iyo, butul. Kita so lia Iblis, setang-setang pe raja dapa buang dari langit, dia jatu capat sama deng kilat.

1 Korintus 3:1

Sudara-sudara, tuhari waktu kita masi sama-sama deng ngoni, kita tara bisa ajar pa ngoni sama deng kita ajar pa orang yang Roh Kudus so kuasai. Kita cuma kase ajar, ajaran yang gampang ngoni mangarti sama deng kita ajar pa orang-orang yang masi iko manusia pe mau yang suka biking dosa. Barang, ngoni pe percaya pa Yesus Kristus bolong kuat, sama deng ana kacil yang baru lahir.

1 Korintus 8:1

Skarang kita mo bicara tentang daging yang orang so biking persembahan untuk dorang pe puji-puji. Memang ngoni orang percaya so tau, orang pe puji-puji itu tarada kuasa. Tapi karna ngoni so tau itu, ada dari ngoni yang jadi sombong. Lebe bae ngoni baku sayang, itu yang bole kase kuat orang pe percaya.

2 Korintus 12:7

Jadi supaya kita tara jadi sombong deng penglihatan-penglihatan yang hebat itu, Tuhan Allah kase biar setang, Iblis pe ana bua kase sengsara pa kita deng panyake satu. Panyake itu bole kase sama deng duri yang tabiar pa kita pe dalam badan, kong panyake itu biking kita menderita supaya kita jang jadi sombong.

1 Timotius 3:7

Orang yang pimpin jemaat musti punya nama bae di luar jemaat, supaya jang ada orang yang mo carita busu tentang dia, deng dia tara gampang tagoda iko Iblis pe mau.

1 Timotius 6:4

dia itu biking diri mangarti, padahal dia tara tau apa-apa. Dia cuma suka baku malawang tentang arti dari kata-kata karna dia pe pikiran tara butul. Dia yang biking sampe orang baku mangiri, bakalae, kase tara bae orang pe nama, deng baku curiga.

2 Timotius 3:4

Dorang suka bahianat, tara bapikir panjang, biking diri tau, deng lebe suka basanang-sanang iko dong pe mau sandiri daripada iko Tuhan Allah pe mau.

1 Petrus 2:2

Ngoni musti suka skali Tuhan pe Firman, sama deng bayi yang baru lahir yang suka skali minum dia pe mama pe aer susu. Deng bagitu, ngoni pe percaya pa Tuhan mo lebe tatamba kuat kong ngoni akan dapa slamat dari dosa-dosa.

1 Petrus 5:5

Bagitu lagi deng ngoni yang masi muda, ngoni musti dengar-dengaran pa orang-orang yang lebe tua. Ngoni samua musti baku bantu deng jang basombong satu deng yang laeng, karna ada tatulis di Kitab Suci bagini, “Tuhan Allah tara suka deng orang yang sombong, tapi Dia kase Dia pe bae pa orang yang tara sombong.”

2 Petrus 2:4

Ambe conto, dulu malaekat-malaekat yang biking dosa me Tuhan Allah hukum. Dia buang pa dorang di neraka, turus ika deng rante pa dorang di tampa yang galap itu. Dorang di situ tara kaluar sampe hari kiamat, waktu Tuhan Allah mo adili pa samua orang.

Yudas 1:6

Bagitu lagi deng malaekat-malaekat. Tuhan Allah so kase kuasa pa dorang, tapi ada dia pe batas. Cuma ada dari malaekat-malaekat itu yang tara puas deng dong pe batas kuasa yang Tuhan Allah kase, jadi dorang kaluar kase tinggal dong pe tampa tinggal di sorga. Malaekat-malaekat itu, Tuhan Allah ika pa dorang deng rante yang tara bisa talapas, kong tahang pa dorang di tampa yang paling galap, sampe di waktu Tuhan mo adili pa manusia.