1 Timotius 3:4 - Perjanjian Baru Bahasa Melayu Maluku Utara

⁴ Dia me musti tau ator bae-bae dia pe keluarga, deng dia pe ana-ana me musti hormati deng dengar-dengaran pa dia.

1 Timotius 3:4 ပူးပေါင်းရင်းမြစ်များ

Kisah Para Rasul 10:2

Dia ini rajin iko Tuhan Allah pe mau. Dia deng dia pe keluarga jaga semba pa Tuhan Allah. Dia jaga bantu pa orang-orang Yahudi yang susa deng dia me rajin berdoa pa Tuhan Allah.

Efesus 5:24

Jadi sama deng jemaat dengar-dengaran pa Yesus Kristus, bagitu lagi deng bini-bini musti dengar-dengaran pa dorang pe laki dalam sagala hal.

Filipi 4:8

Jadi sudara-sudara, ini kita pe nasehat terahir yang kita mo bilang pa ngoni. Ngoni musti pikir turus-turus samua yang ada guna macam bagini: samua yang butul, samua yang pantas orang hormati, samua yang adil, samua yang tara biking ngoni berdosa, samua yang bae, samua yang bagus yang orang suka mo kase carita, deng samua yang pantas untuk orang puji. Ngoni musti pikir turus samua itu.

1 Timotius 3:12

Diaken itu pe bini musti cuma satu saja, deng dia musti tau urus dia pe ana-ana deng dia pe keluarga sandiri.

Titus 1:6

Tiap orang yang ngana pili mo jadi penatua, dia pe cara hidup musti butul, deng dia musti hidup setia pa satu bini saja. Dia pe ana-ana me musti percaya pa Yesus Kristus, deng tarada orang yang bilang ana-ana itu suka biking barang yang jahat atau dorang itu pangmalawang.

Titus 2:2

Ngana kase ajar pa laki-laki yang so tua supaya dorang mampo batahang diri, deng dong pe kalakuang musti bae yang biking orang hormati pa dorang. Dorang musti tau bawa diri bae-bae, percaya kuat pa Tuhan, deng sayang pa orang laeng. Biar susa me, dorang musti tetap iko pa Tuhan.

Titus 2:7

Kong Titus, ngana lagi pe kalakuang musti bagus, supaya ngana bole jadi conto pa dorang. Kalu ngana mangajar, musti deng hati yang bersi deng sunggu-sunggu.