1 Timotius 3:2 - Perjanjian Baru Bahasa Melayu Maluku Utara

² Karna itu, ada sarat-sarat untuk orang-orang yang pimpin jemaat. Dorang itu pe cara hidup musti bagini: hidup butul, dia pe bini cuma satu, dia bisa batahang diri, dia tau ator hal bae-bae, dia sopan, dia suka tarima orang di dia pe ruma, dia pande mangajar,

1 Timotius 3:2 ပူးပေါင်းရင်းမြစ်များ

Lukas 1:6

Dorang dua laki bini ini hidup butul pa Tuhan Allah pe muka, deng dong iko samua Dia pe parenta deng aturan-aturan, kong tarada yang bisa kase sala pa dorang.

Lukas 2:36

Di Ruma Ibada Pusat itu me ada nene satu yang pe nama Hana. Dia itu nabi, yang jaga kase turus Tuhan Allah pe pasáng pa orang-orang. Hana ini pe papa pe nama Fanuel dari suku Asyer. Dia perna kawing kong hidup sama-sama deng dia pe laki tuju taong,

Roma 12:13

Ngoni musti tolong pa orang-orang yang so jadi Tuhan Allah pe umat yang pe hidup kekurangan. Kong ngoni musti tarima pa orang-orang di ngoni pe ruma deng hati sanang.

Filipi 2:15

supaya ngoni hidup deng hati bersi, deng tarada orang yang bisa kase sala pa ngoni. Kalu ngoni pe hidup macam bagitu, orang akan lia ngoni pe bae itu sama deng dong lia bintang-bintang yang kase tarang dunia ini. Itu akan jadi jelas pa orang-orang, ngoni memang Tuhan Allah pe ana-ana yang tarada sala di tenga-tenga orang yang jahat deng orang yang tara tau apa yang butul.

1 Timotius 3:12

Diaken itu pe bini musti cuma satu saja, deng dia musti tau urus dia pe ana-ana deng dia pe keluarga sandiri.

1 Timotius 3:8

Bagitu lagi diaken-diaken yang jaga bantu di jemaat. Dorang pe cara hidup musti bagini: kalakuang bae yang biking orang hormati pa dorang, tara munafik, tara pangmabo, deng tara gila doi.

1 Timotius 4:3

Dorang kase ajar kata, orang tara bole kawing, deng tara bole makang makanang yang dorang bilang haram. Padahal, Tuhan Allah so biking samua makanang la torang makang. Jadi kalu torang yang percaya yang iko ajaran yang butul itu mo makang, bole, asal makang deng bilang tarimakasi pa Tuhan Allah.

1 Timotius 5:10

deng orang-orang musti tau dia itu orang bae-bae. Dia urus dia pe ana-ana bae-bae, suka tarima orang laeng di dia pe ruma, jaga layani pa orang-orang yang percaya pa Tuhan, deng jaga bantu pa orang-orang susa. Jadi dia itu salalu biking bae pa samua orang.

1 Timotius 5:22

Kong jang ngana capat-capat taru ngana pe tangan untuk lantik pa orang yang mo layani di jemaat. Kalu ada orang yang biking dosa, jang ngana taiko biking dosa sama deng dorang. Ngana musti jaga ngana pe hidup supaya tetap bersi.

1 Timotius 5:9

Janda yang jemaat daftar mo bantu itu, dia pe sarat bagini: umur anam pulu taong ka atas, selama dia masi baruma tangga, dia setia deng laki satu,

2 Timotius 2:24

Torang yang karja untuk Tuhan tara pantas baku malawang. Mala torang musti bae-bae pa samua orang, ajar bae-bae pa orang-orang, deng sabar pa samua orang.

Titus 2:2

Ngana kase ajar pa laki-laki yang so tua supaya dorang mampo batahang diri, deng dong pe kalakuang musti bae yang biking orang hormati pa dorang. Dorang musti tau bawa diri bae-bae, percaya kuat pa Tuhan, deng sayang pa orang laeng. Biar susa me, dorang musti tetap iko pa Tuhan.

Ibrani 13:2

Ngoni musti tarima pa orang-orang yang ngoni bolong kanal di ngoni pe ruma. Barang, ada babarapa orang yang tarima pa orang laeng pa dong pe ruma, dong kira orang biasa, padahal yang dong tarima itu malaekat-malaekat.

Ibrani 3:14

Barang, kalu torang tetap pegang turus apa yang torang so percaya dari pertama sampe waktu dunia ini kiamat, torang akan dapa bagian dari samua yang ada pa Yesus Kristus.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

1 Petrus 4:9

Ngoni me musti tarima orang laeng di ngoni pe ruma deng sanang hati, jang mengelu.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.