1 Timotius 3:14 - Perjanjian Baru Bahasa Melayu Maluku Utara

¹⁴ Timotius, kita harap kita capat mo pigi baku dapa deng ngana. Tapi biar bolong baku dapa, kita so tulis surat ini pa ngana kamuka.

1 Timotius 3:14 ပူးပေါင်းရင်းမြစ်များ

1 Korintus 11:34

Kalu ada yang lapar, lebe bae dia baalas dulu dari ruma. Deng bagitu, waktu ngoni bakumpul iko perjamuan, ngoni tara dapa hukuman dari Tuhan. Kong tentang hal-hal yang laeng lagi, nanti kita datang baru kita bilang.

1 Tesalonika 2:18

Barang, torang ada rencana mo pigi pa ngoni. Kita sandiri me so babarapa kali coba mo pigi, tapi Iblis, setang-setang pe raja biking sampe torang tara jadi pigi pa ngoni.

1 Timotius 3:13

Kalu diaken-diaken itu layani jemaat bae-bae, pasti jemaat hormati pa dorang. Deng bagitu, dorang tara rasa malu bicara pa sapa saja tentang dorang pe percaya pa Kristus Yesus.

1 Timotius 3:15

Jadi kalu kita ada alangan kong terlambat datang, kita pe surat so sampe pa ngana kamuka. Deng kita pe surat ini, ngana bole tau, bagimana orang percaya musti hidup sebagai Tuhan Allah pe keluarga. Kita pe maksut bilang Tuhan Allah pe keluarga, itu pe maksut, Tuhan Allah yang hidup pe jemaat. Dia pe jemaat itu yang musti pegang kuat ajaran yang butul, sama deng tiang raja deng fandasi yang biking ruma jadi kuat.

1 Timotius 4:13

Sementara ngana tunggu pa kita mo datang di Efesus, ngana musti rajin baca Kitab Suci untuk orang-orang percaya di situ. Ngana me musti kase smangat pa dorang supaya dorang lebe percaya pa Tuhan deng ajar pa dorang bae-bae.

Filemon 1:22

Sementara itu, kita minta tolong supaya ngana kase siap kamar satu untuk kita pake di ngana pe ruma. Karna kita baharap deng yakin, Tuhan Allah mo jawab ngoni pe doa supaya kita bole mo kaluar dari penjara ini kong mo sama-sama ulang deng ngoni samua.

Ibrani 13:23

Kita mau ngoni tau, Timotius torang pe sudara yang percaya itu so bebas dari penjara. Jadi kalu dia so datang pa kita, torang mo sama-sama ka sana pigi pa ngoni.

2 Yohanes 1:12

Memang masi banya yang kita mo bilang pa ngoni, tapi lebe bae jang lewat surat. Kita harap bisa baku dapa deng ngoni la bisa bicara langsung deng ngoni, supaya torang pe hati butul-butul sanang.

3 Yohanes 1:14

Kita harap, tara lama lagi tong dua baku dapa, la tong bacarita langsung.