1 Timotius 3:1 - Perjanjian Baru Bahasa Melayu Maluku Utara

¹ Memang butul yang orang jaga bilang ini, “Orang yang suka mo pimpin pa orang-orang percaya di jemaat, tugas yang dia suka itu bagus skali.”

1 Timotius 3:1 ပူးပေါင်းရင်းမြစ်များ

Lukas 15:10

Kita bilang pa ngoni, di sorga me bagitu, Tuhan Allah pe malaekat-malaekat sanang skali kalu ada satu orang yang berdosa kong dia bertobat.”

Kisah Para Rasul 1:20

Kong Petrus bilang lagi, “Dulu raja Daud so tulis memang tentang Yudas di kitab Mazmur, bagini: ‘Biar suda dia pe tampa tinggal jadi sunyi, kong biar suda tarada orang yang tinggal di situ.’ Raja Daud me tulis lagi bagini: ‘Biar suda orang laeng ambe dia pe tugas.’

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Roma 11:13

Skarang kita mo bilang pa ngoni, sudara-sudara yang bukang Yahudi: kita ini Yesus Kristus pe utusan yang orang sebut rasul. Dia utus pa kita untuk kase tau Kabar Bae tentang Yesus Kristus pa ngoni orang-orang yang bukang Yahudi. Kong kita hargai skali kita pe pelayanan ini,

Efesus 4:12

Yesus Kristus kase Dia pe kemampuan pa dorang itu, supaya dorang bole tolong pa orang-orang yang so jadi Tuhan Allah pe umat. Tuhan Allah pe umat itu sama deng Yesus Kristus pe badan. Kalu Tuhan Allah pe umat dapa tolong bagitu, Dia pe umat bole biking dorang pe tugas, deng dorang lagi bole baku kase kuat dong pe percaya,

Filipi 1:1

Sudara-sudara yang so jadi Tuhan Allah pe umat di kota Filipi, deng ngoni yang pimpin jemaat, deng diaken-diaken. Salam dari kita Paulus deng Timotius. Torang dua ini yang jaga biking apa yang Kristus Yesus suru.

1 Tesalonika 5:14

Torang minta lagi pa ngoni, togor bae-bae pa orang yang pamalas supaya dong rajin bakarja, kase kuat orang yang panako pe hati supaya percaya butul-butul pa Tuhan, tolong orang yang perlu mo dapa tolong, deng sabar pa samua orang.

1 Timotius 1:15

Kata-kata yang kita mo bilang ini, butul skali. Ngana musti tarima deng percaya deng hati yang sunggu-sunggu bagini, “Kristus Yesus datang di dunia untuk kase slamat orang berdosa.” Kong dari samua orang yang perna biking dosa, kita ini suda yang paling banya biking dosa.

1 Timotius 4:9

Kata-kata itu butul deng pantas torang percaya.

2 Timotius 2:11

Memang butul kata-kata ini, “Kalu torang kase tinggal torang pe cara hidup lama yang malawang pa Tuhan Allah, itu sama deng torang so mati sama-sama deng Yesus. Deng bagitu, torang nanti akan hidup sama-sama deng Dia.

Titus 1:7

Barang, orang yang pimpin jemaat, dia pe karja itu urus Tuhan Allah pe jemaat. Dia pe cara hidup musti butul, tara sombong, tara pangmara, tara pangmabo, tara pukul-pukul orang, deng tara gila doi.

Titus 3:8

Samua yang kita so kase ajar ini butul, kong itu bagus deng ada guna untuk samua orang. Kita mau ngana bilang deng tegas ajaran ini pa samua orang yang percaya pa Tuhan Allah, supaya dorang berusaha butul-butul biking barang yang bae.

Ibrani 12:15

Ngoni musti ati-ati. Jang sampe ada dari ngoni yang kase tinggal dia pe percaya pa Tuhan Allah sampe dia tara rasa lagi Tuhan Allah pe bae. Barang, orang yang kase tinggal dia pe percaya pa Tuhan Allah, dia itu pe hati saki, jadi jaga pengaru pa banya orang. Orang itu bole kase sama deng tanaman yang ada dia pe racong kong kase rusak tanaman laeng.

1 Petrus 2:25

Karna ngoni dulu tara iko pa Tuhan, sama deng domba yang ilang, tapi skarang ngoni so bale iko pa Tuhan, Dia itu yang jaga bae-bae pa ngoni pe jiwa sama deng gembala yang jaga bae-bae dia pe domba.

1 Petrus 4:15

Tapi jang sampe ada dari ngoni yang dapa siksa gara-gara bunu orang, pancuri orang pe barang, jadi orang jahat, atau suka campur orang laeng pe urusan.

1 Petrus 5:2

jaga bae-bae pa orang-orang percaya yang Tuhan Allah so kase untuk ngoni jaga, sama deng gembala jaga dia pe domba. Jaga pa dorang deng hati sanang iko Tuhan Allah pe mau. Jang jaga pa dorang cuma karna terpaksa atau karna mau dapa gaji saja. Tapi ngoni jaga pa dorang karna butul-butul ngoni mo tolong pa dorang.