1 Timotius 2:15 - Perjanjian Baru Bahasa Melayu Maluku Utara

¹⁵ Biar bagitu me, Tuhan Allah akan kase slamat pa parampuang-parampuang waktu dorang melahirkan, asal parampuang itu tetap percaya pa Yesus Kristus, sayang pa orang laeng, hidup deng hati bersi pa Tuhan Allah pe muka, deng dia pe cara hidup musti sederhana.

1 Timotius 2:15 ပူးပေါင်းရင်းမြစ်များ

Titus 2:12

Tuhan kase Dia pe bae itu, biking torang jadi sadar la kase tinggal torang pe kalakuang yang tara iko Tuhan Allah pe mau deng yang cuma iko dunia pe mau. Deng bagitu torang mampo kuasai diri dalam sagala hal, jadi orang yang hidup butul pa Tuhan Allah pe muka, deng setia pa Dia di dunia skarang ini.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

1 Timotius 1:5

Kita kase nasehat ini pa ngana, dia pe tujuan supaya orang-orang percaya baku sayang. Torang bisa baku sayang kalu torang pe hati so bersi, torang pe hati tau apa yang butul, deng tong so butul-butul percaya pa Tuhan.

1 Timotius 2:9

Bagitu lagi deng parampuang. Kita mau dorang pake baju yang sederhana, yang pantas deng sopan. Dorang tara perlu bagaya yang lebe-lebe macam deng pake mas, mutiara, atau pakeang mahal-mahal, atau rambu yang macam-macam.

Lukas 2:7

Maria melahirkan dia pe ana laki-laki, ana yang tua. Abis itu dia bungkus deng kaeng pa ana itu kong kase tidor di binatang pe tampa makanang, karna samua penginapan di situ so ponong.

1 Timotius 1:14

Mala, torang pe Tuhan kase Dia pe bae pa kita talebe-lebe, sampe kita jadi percaya pa Dia, deng jadi sayang pa orang laeng. Samua itu karna kita so hidup satu hati deng Kristus Yesus.

1 Korintus 12:23

Ada bagian-bagian badan yang torang kurang perhatikan, itu yang torang urus bae-bae. Kong ada lagi bagian-bagian badan yang tara pantas untuk orang mo lia, itu yang tong tutu.