1 Timotius 2:1 - Perjanjian Baru Bahasa Melayu Maluku Utara

¹ Timotius, kita bilang pa ngana, yang paling penting, torang berdoa pa Tuhan Allah. Torang minta apa yang torang perlu, torang minta untuk orang laeng lagi, deng torang bilang tarimakasi pa Dia untuk samua yang Dia so biking.

1 Timotius 2:1 ပူးပေါင်းရင်းမြစ်များ

Kisah Para Rasul 17:30

Dulu, torang manusia bolong tau cara mo percaya pa Tuhan Allah sampe torang biking dosa banya skali. Tapi Tuhan Allah so tara rekeng samua dosa-dosa itu. Kong skarang Tuhan Allah parenta pa samua orang di mana saja, la dorang bertobat kong iko pa Dia.

Roma 1:8

Pertama, kita bilang tarimakasi pa Tuhan Allah karna ngoni orang-orang percaya di kota Roma. Barang ngoni pe percaya pa Yesus Kristus so kuat, sampe orang di seluru dunia so dengar tentang ngoni pe percaya itu.

Roma 6:17

Kita bilang tarimakasi pa Tuhan Allah. Karna, biar dulu dosa jadi sama deng ngoni pe tuang, tapi skarang ngoni so butul-butul iko ajaran yang torang so kase ajar pa ngoni.

1 Korintus 15:3

Barang, dari samua ajaran yang kita so tarima dari Tuhan Yesus, itu suda yang kita so kase tau pa ngoni, kong yang paling penting itu bagini: Yesus Kristus so mati untuk tebus torang pe dosa-dosa, iko sama deng yang so tatulis di Kitab Suci.

2 Korintus 8:6

Jadi, karna lia jemaat-jemaat di Makedonia pe hati bae, torang kirim lagi Titus pa ngoni untuk dia kase turus kumpul doi sumbangan yang tempo hari dia so perna suru ngoni kumpul. Dia bantu pa ngoni kumpul doi sumbangan untuk orang percaya di Yerusalem sampe samua siap.

Efesus 3:13

Jadi, kita minta pa ngoni, biar ngoni dengar kita menderita deng sengsara gara-gara kita kase tau Kabar Bae tentang Yesus Kristus pa ngoni, jang ngoni hati susa, karna siksa yang kita rasa itu dia pe tujuan supaya ngoni bole dapa puji deng hormat.

Efesus 5:20

Kong dalam sagala hal, ngoni musti salalu bilang tarimakasi banya pa Tuhan Allah torang pe Bapa, karna samua yang torang pe Tuhan Yesus Kristus so biking.

Efesus 6:18

Kong di sagala waktu, ngoni musti salalu berdoa deng minta pa Tuhan Allah, kase biar suda supaya Roh Kudus yang bantu waktu ngoni berdoa. Ngoni musti salalu siap berdoa deng jang berenti berdoa lagi untuk samua orang yang so jadi Tuhan Allah pe umat.

Filipi 1:3

Tiap kali kita inga pa ngoni, kita batarimakasi banya pa Tuhan Allah yang kita jaga semba.

Filipi 4:6

Jadi tara usa suda ngoni hawater tentang apa-apa. Tapi, ngoni musti berdoa suda, minta pa Tuhan Allah tentang samua hal. Ngoni kase tau suda samua ngoni pe perlu pa Tuhan Allah, deng bilang tarimakasi banya pa Dia.

1 Tesalonika 3:12

Torang minta la Tuhan Allah biking ngoni lebe tamba baku sayang, deng ngoni pe sayang pa orang laeng lebe tatamba, sama deng torang pe sayang pa ngoni.

2 Tesalonika 1:3

Sudara-sudara, torang salalu bilang tarimakasi pa Tuhan Allah untuk ngoni. Torang memang musti biking bagitu karna ngoni pe percaya pa Yesus Kristus lebe tatamba, deng karna ngoni lebe tamba baku sayang.

1 Timotius 2:4

Dia mau samua orang dapa slamat deng mangarti ajaran yang butul.

1 Timotius 5:5

Kalu janda yang so tarada sapa-sapa yang mo urus pa dia, dia pe tampa baharap cuma pa Tuhan Allah. Siang deng malam dia berdoa minta tolong pa Tuhan Allah.

2 Timotius 2:24

Torang yang karja untuk Tuhan tara pantas baku malawang. Mala torang musti bae-bae pa samua orang, ajar bae-bae pa orang-orang, deng sabar pa samua orang.

Titus 2:11

Torang musti hidup macam bagitu, barang Tuhan Allah so kase jalang la torang samua bole dapa slamat dari torang pe dosa-dosa, supaya torang jang dapa hukuman. Itu Dia pe bae pa torang.

Titus 3:2

Dorang tara bole kase tara bae orang pe nama deng tara bole baku malawang. Tapi dorang musti tara kasar deng salalu baku bawa bae-bae pa samua orang.

Ibrani 6:11

Torang mau, ngoni samua tetap smangat biking yang bae itu turus-turus sampe hari kiamat, supaya jelas ngoni akan dapa apa yang ngoni harap dari Tuhan Allah di sorga.

Yakobus 5:16

Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.