1 Timotius 1:7 - Perjanjian Baru Bahasa Melayu Maluku Utara

⁷ Dorang itu cuma suka jadi guru agama untuk kase ajar aturan-aturan di lima kitab Musa, padahal dorang sandiri tara mangarti apa yang dorang ajar, deng dorang tara mangarti kitab-kitab itu pe arti yang dorang kase ajar deng smangat.

1 Timotius 1:7 ပူးပေါင်းရင်းမြစ်များ

Matius 15:14

Jadi ngoni kase biar saja pa orang Farisi itu. Karna dorang itu sama deng orang buta tunda orang buta. Kalu orang buta kase tunju jalang pa orang buta laeng, dua-dua pasti jatu di lobang.”

Matius 21:27

Jadi dorang bilang pa Yesus, “Torang tara tau!” Kong Yesus me bilang pa dorang, “Kalu bagitu, Kita me tara kase tau pa ngoni sapa yang kase hak pa Kita untuk biking samua itu.”

Lukas 2:46

Pe hari ketiga, baru dorang dapa pa Dia di Ruma Ibada Pusat pe kompleks. Dia ada sementara dudu di guru-guru agama Yahudi pe tenga-tenga, Dia dengar deng tanya-tanya pa dorang.

Kisah Para Rasul 15:1

Waktu Paulus deng Barnabas masi di kota Antiokhia, ada babarapa orang Yahudi yang percaya pa Yesus yang datang dari Yudea ka sana di Antiokhia. Dorang mangajar pa orang-orang percaya yang bukang Yahudi. Dorang bilang bagini, “Kalu ngoni tara dapa sunat iko aturan di lima kitab Musa, ngoni tara dapa slamat.”

Roma 1:22

Dorang bilang kata, dorang pande, padahal sebenarnya dorang itu bodo.

Galatia 3:2

Coba ngoni inga! Ngoni tarima Roh Kudus itu bukang gara-gara ngoni ada biking aturan-aturan di lima kitab Musa, to? Tapi ngoni tarima Roh Kudus karna ngoni percaya pa Yesus Kristus waktu ngoni dengar Kabar Bae tentang Dia itu.

Galatia 3:5

Tuhan Allah so kase Dia pe Roh pa ngoni deng so biking mujizat di ngoni pe tenga-tenga. Jang sampe ngoni kira kata, Dia biking samua itu karna ngoni ada iko aturan-aturan di lima kitab Musa. Tarada! Tapi Dia biking samua itu cuma karna ngoni ada dengar Kabar Bae tentang Yesus Kristus, turus ngoni jadi percaya.

Galatia 4:21

Ee, ngoni sudara-sudara yang mau hidup iko aturan-aturan di lima kitab Musa, ngoni musti mangarti dulu aturan-aturan itu pe maksut. Jang sampe ngoni tara mangarti conto yang tatulis di Kitab Suci.

1 Timotius 6:4

dia itu biking diri mangarti, padahal dia tara tau apa-apa. Dia cuma suka baku malawang tentang arti dari kata-kata karna dia pe pikiran tara butul. Dia yang biking sampe orang baku mangiri, bakalae, kase tara bae orang pe nama, deng baku curiga.

2 Timotius 3:7

Parampuang-parampuang itu salalu suka orang kase ajar hal-hal yang baru pa dorang. Tapi dorang tara perna tau ajaran mana yang butul.

Yakobus 3:1

Sudara-sudara, jang sampe banya dari ngoni mau jadi guru untuk ajar Tuhan pe firman. Barang torang tau, kalu torang ajar hal yang sala kong orang iko, berarti Tuhan Allah akan hukum pa torang lebe barát dari orang yang bukang guru.

2 Petrus 2:12

Tapi guru-guru palsu itu bahina hal-hal yang dorang sandiri tara mangarti, dorang asal bicara saja, sama deng binatang yang tara akal, atau sama deng binatang yang lahir cuma untuk dapa tangka deng dapa bunu. Jadi, sama deng binatang liar dapa bunu dari manusia, bagitu lagi guru-guru palsu akan dapa hukum dari Tuhan Allah karna dong pe kalakuang yang jahat.