1 Timotius 1:18 - Perjanjian Baru Bahasa Melayu Maluku Utara

¹⁸ Timotius, kita so anggap ngana itu sama deng kita pe ana sandiri! Kita suru ngana iko tugas yang kita so bilang ini. Tugas ini sama deng yang Tuhan Allah so kase pa ngana, yang Dia pe utusan kase tau pa ngana dulu. Jadi biking butul-butul ngana pe tugas ini sama deng satu tentara yang lawan pa orang yang serang dia pe daera. Kong supaya ngana biking tugas itu bae-bae, ngana musti percaya kuat Tuhan pe ajaran yang torang so kase tau pa ngana, turus apa yang ngana biking, ngana pe hati musti tau itu butul.

1 Timotius 1:18 ပူးပေါင်းရင်းမြစ်များ

Kisah Para Rasul 16:1

Paulus bajalang di kota Derbe, kong dia turus di kota Listra. Di situ, Paulus baku dapa deng satu orang yang pe nama Timotius, dia ini so percaya pa Yesus. Dia pe mama itu orang Yahudi yang so percaya pa Yesus Kristus, kong dia pe papa bukang orang Yahudi.

1 Korintus 4:17

Itu suda yang biking sampe kita utus Timotius pa ngoni, la dia kase inga ulang pa ngoni, bagimana kita pe cara hidup yang iko pa Kristus Yesus. Cara hidup itu yang kita so kase ajar pa samua jemaat di samua tampa yang kita pigi. Timotius itu kita so anggap kita pe ana. Dia kita sayang, deng dia lagi setia pa Tuhan.

1 Korintus 9:7

Coba ngoni pikir, tarada tentara yang baongkos dia pe diri sandiri waktu biking dia pe tugas. Tarada orang kobong yang tanam anggur, kong tara makang dari dia pe hasil kobong itu. Turus, tarada orang yang piara domba, kong tara minum susu dari domba itu. Samua itu butul, to?

Filipi 2:22

Tapi Timotius itu so berusaha karas bantu pa kita kase tau Kabar Bae tentang Yesus Kristus, sama deng ana bantu dia pe papa. Karna ngoni sandiri so lia Timotius bagitu, ngoni so tau Timotius itu bae.

1 Timotius 1:2

Timotius, torang dua sama-sama percaya jadi kita so anggap ngana itu sama deng kita pe ana sandiri. Kita minta pa Tuhan Allah torang pe Bapa, deng pa Kristus Yesus torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

1 Timotius 1:5

Kita kase nasehat ini pa ngana, dia pe tujuan supaya orang-orang percaya baku sayang. Torang bisa baku sayang kalu torang pe hati so bersi, torang pe hati tau apa yang butul, deng tong so butul-butul percaya pa Tuhan.

1 Timotius 4:14

Ngana musti pake bae-bae karunia yang Roh Kudus so kase pa ngana tempo hari. Karunia itu ngana tarima waktu penatua-penatua jemaat taru tangan kase berdoa pa ngana untuk utus pa ngana. Waktu itu, Tuhan Allah kase tau hal ini pa dorang, kong dorang kase tau pa ngana.

1 Timotius 4:4

Barang, samua yang Tuhan Allah biking itu bae, tarada yang haram, asal torang tarima deng bilang tarimakasi pa Tuhan Allah.

1 Timotius 6:20

Timotius, ngana musti jaga bae-bae samua yang Tuhan so kase percaya pa ngana. Jang ngana badekat deng orang yang bacarita hal yang tarada dia pe guna deng yang tara hormati pa Tuhan Allah. Deng jang ngana badekat pa orang yang bawa ajaran sesat, yang orang jaga bilang ‘pengetahuan’, padahal itu sala.

2 Timotius 1:2

Timotius, kita sayang pa ngana sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus, torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

2 Timotius 4:7

Kita so karja karas biking kita pe tugas itu deng bae sampe selesai, sama deng orang yang iko lomba lari sampe di finis. Deng kita tetap percaya pa Yesus Kristus.

Titus 1:4

Titus, torang dua sama-sama percaya pa Yesus Kristus, jadi kita anggap ngana so sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus yang kase slamat pa manusia, supaya kase yang bae pa ngana, deng salalu biking ngana pe hati tetap tenang.

Filemon 1:10

Kita minta tolong pa ngana tentang Onesimus, ngana pe orang karja yang ngana bili itu. Waktu dia datang lia pa kita di dalam penjara, kita kase tau pa dia tentang Tuhan Yesus kong dia so jadi percaya. Karna itu, kita so anggap dia sama deng kita pe ana sandiri.