1 Timotius 1:17 - Perjanjian Baru Bahasa Melayu Maluku Utara

¹⁷ Mari torang hormati pa Tuhan Allah. Dia itu Raja sagala jaman. Tarada yang bisa lia Dia, Dia ada slama-lamanya, deng Dia cuma satu saja. Puji deng hormat pa Dia sampe slama-lamanya. Amin.

1 Timotius 1:17 ပူးပေါင်းရင်းမြစ်များ

Matius 25:34

Waktu itu, Anak Manusia yang so jadi Raja itu mo bilang pa orang-orang yang ada pa Dia pe sabla kanan, ‘Datang kamari suda ngoni yang Kita pe Bapa berkati! Datang suda di tampa yang Kita Berkuasa sebagai Raja, Kita so kase sadia tampa untuk ngoni di situ dari pertama waktu dunia ini jadi.

Matius 28:20

Kong ngoni ajar pa dorang supaya dorang biking samua parenta yang Kita so perna ajar pa ngoni. Ngoni inga bae-bae e, Kita salalu sama-sama deng ngoni turus sampe ahir jaman.”

Matius 6:13

Kong jang kase biar torang tagoda biking barang yang jahat, tapi kase lapas suda pa torang dari yang jahat. [Karna Bapa yang jadi Raja, Bapa yang punya kuasa, deng yang pantas dapa puji deng hormat sampe slama-lamanya. Amin.’]

Yohanes 1:18

Tarada satu orang yang perna lia pa Tuhan Allah, tapi Anak Allah yang cuma satu itu yang jadi satu deng Tuhan Allah, Dia itu suda yang kase tunju deng jelas pa torang sapa itu Tuhan Allah.

Yohanes 5:44

Ngoni suka dapa puji deng hormat dari orang, tapi ngoni tara biking Tuhan Allah pe mau supaya ngoni dapa puji dari Tuhan Allah yang cuma satu itu. Jadi, tara mungkin ngoni mo percaya pa Kita.

Roma 1:20

Karna so dari dulu waktu Tuhan Allah biking dunia ini sampe skarang, biar manusia tara lia pa Dia, tapi manusia bole tau tentang Dia. Dorang bole tau Dia pe kuasa yang mo ada turus-turus, deng dorang me bole tau, Dia itu Tuhan. Jadi tarada alasan bilang dorang tara tau Tuhan Allah itu ada.

Roma 1:23

Dia pe ahir kabawa, dorang tara semba pa Tuhan Allah yang hebat deng yang hidup slama-lamanya. Mala dorang cuma semba pa patong yang cuma sementara saja ada di dunia ini. Patong itu pe model sama deng manusia, burung, binatang yang dia pe kaki ampa, deng binatang yang jaga maraya.

Roma 11:36

Karna samua yang ada di dunia ini Tuhan Allah yang biking, kong samua itu Dia yang ator. Dia biking samua itu supaya Dia bole dapa puji. Jadi, mari suda torang puji deng hormat pa Dia sampe slama-lamanya! Amin.

Roma 16:27

Cuma Dia saja yang tau samua-samua. Jadi mari torang puji deng hormat turus-turus pa Dia sampe slama-lamanya, karna apa yang Yesus Kristus so biking. Amin.

Roma 2:10

Tapi samua orang yang biking barang yang bae, nanti Tuhan Allah mo puji deng hormat pa dorang, deng Dia salalu biking dorang pe hati tetap tenang, bukang cuma pa orang-orang Yahudi saja, tapi pa orang-orang bukang Yahudi lagi.

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

Kolose 1:15

Sudara-sudara, tara ada orang yang bisa lia pa Tuhan Allah, tapi waktu torang lia pa Yesus Kristus, itu sama saja deng torang so lia pa Tuhan Allah kong so tau Dia pe sifat deng kuasa. Waktu langit deng bumi bolong jadi, Yesus Kristus so lebe kamuka ada. Kong Yesus Kristus itu yang paling berkuasa dari samua yang Tuhan Allah so cipta.

Ibrani 11:27

Kong karna nabi Musa pe percaya itu, dia barani kase tinggal tana Mesir untuk pimpin pa bangsa Israel, deng dia tara tako raja Mesir mara pa dia. Dia sabar kong bajalang maju turus deng dorang, barang dia lia sama deng Tuhan Allah ada sama-sama deng dia. Tuhan Allah itu yang tara dapa lia.

Ibrani 2:7

Tapi Tuhan Allah so biking dia pe posisi cuma sadiki lebe randa dari malaekat-malaekat. Tapi itu cuma sementara saja. Tuhan Allah biking dia jadi hebat, kong dia dapa hormati sama deng raja.

1 Petrus 5:11

Dia itu suda yang berkuasa sampe slama-lamanya! Amin.

2 Petrus 3:18

Lebe bae tiap hari ngoni tamba sadar Yesus Kristus pe bae deng lebe tamba kanal pa Dia. Dia itu torang pe Tuhan Yesus Kristus yang kase slamat pa torang dari dosa-dosa. Kong untuk Dia suda puji deng hormat dari skarang sampe slama-lamanya. Amin.

1 Yohanes 4:12

Tarada satu orang yang perna lia langsung pa Tuhan Allah. Tapi kalu torang baku-baku sayang, Tuhan Allah tetap ada di torang pe hati, kong Dia pe sayang biking torang butul-butul sayang iko Dia pe mau.

Yudas 1:25

Jadi puji deng hormat suda pa Tuhan Allah, Dia itu cuma satu. Dia yang kase slamat pa torang dari torang pe dosa karna Yesus Kristus torang pe Tuhan. Tuhan Allah pe kuasa paling basar, tara ada yang bisa lawan, deng Dia yang berkuasa untuk ator samua-samua yang ada di dunia ini. Dia tetap bagitu, mulai dari dunia ini bolong ada, skarang deng sampe slama-lamanya. Amin.

Wahyu 15:3

Dorang manyanyi nabi Musa pe lagu, nabi Musa itu yang jaga biking apa yang Tuhan Allah suru. Lagu itu me Anak Domba pe lagu. Lagu itu pe babunyi bagini, “Ya Tuhan, Tuhan Allah Yang Paling Berkuasa. Tuhan yang biking hal-hal yang luar biasa sampe orang herang. Oo, Tuhan, samua suku pe Raja. Samua yang Tuhan biking itu butul deng adil.

Wahyu 17:14

Dorang mo baku prang deng Anak Domba. Tapi Anak Domba itu sama-sama deng Dia pe umat mo kase kala pa dorang, karna Anak Domba itu, Tuhan dari samua tuhan, deng Raja dari samua raja. Kong orang-orang yang sama-sama deng Anak Domba, dorang itu yang Tuhan so pangge, so pili deng yang setia pa Dia.”

Wahyu 19:1

Abis itu, kita dengar di sorga, sama deng ada orang banya pe suara kuat skali. Dorang bicara kuat-kuat bilang bagini, “Haleluya, mari torang puji deng hormat pa Tuhan Allah! Dia itu torang pe Tuhan Allah. Dia yang kase slamat pa Dia pe umat. Dia itu yang berkuasa!

Wahyu 19:16

Di Dia pe juba deng Dia pe paha ada tatulis nama, ‘Raja dari samua raja, deng Tuhan dari samua tuhan’.

Wahyu 19:6

Turus kita dengar banya orang pe suara. Suara itu kuat skali, sama deng aer terjun basar pe babunyi deng sama deng guntur pe babunyi. Suara itu bilang bagini, “Haleluya, puji pa Tuhan Allah! Barang, Tuhan itu torang pe Tuhan Allah Yang Paling Berkuasa, kong Dia suda yang jadi Raja skarang.”

Wahyu 7:12

Dorang bilang bagini, “Amin! Mari torang puji pa Tuhan Allah. Dia pe kuasa yang luar biasa deng Dia yang paling tau samua. Torang me bilang tarimakasi, deng hormati pa Dia. Dia itu torang pe Tuhan Allah yang berkuasa deng kuat sampe slama-lamanya! Amin.”