1 Timotius 1:13 - Perjanjian Baru Bahasa Melayu Maluku Utara

¹³ Dulu kita yang kase tara bae Dia pe nama. Waktu itu, kita siksa deng hina pa orang-orang yang percaya pa Dia. Tapi biar bagitu me, Dia kase tunju Dia pe rasa kasiang pa kita, karna kita bolong percaya pa Dia, deng tara mangarti apa yang kita biking itu sala.

1 Timotius 1:13 ပူးပေါင်းရင်းမြစ်များ

Lukas 12:47

Orang karja yang tau dia pe tuang pe mau kong tara basiap-siap atau tara biking apa yang dia pe tuang mau, dia itu mo dapa pukul hebat dari dia pe tuang.

Lukas 23:34

[Yesus berdoa, “Bapa, kase ampun pa dorang karna dong tara tau apa yang dong biking.”] Kong tentara-tentara cabu undi untuk tentukan sapa-sapa yang mo dapa Yesus pe baju.

Kisah Para Rasul 22:4

Kong dulu itu, waktu kita dapa tau ada orang-orang yang iko ajaran tentang Yesus, kita siksa pa dorang sampe ada yang mati. Laki-laki deng parampuang kita tangka kong kase maso di penjara.

Kisah Para Rasul 3:17

Sudara-sudara, kita tau, ngoni ini deng ngoni pe pemimpin-pemimpin so bunu pa Yesus, karna ngoni tara tau apa yang ngoni biking.

Kisah Para Rasul 8:3

Tapi biar bagitu me, Saulus masi tetap berusaha mo bunu kase abis pa orang-orang yang percaya pa Tuhan Yesus itu. Dia cari di ruma-ruma kong hela kase kaluar pa dorang, bae itu laki-laki atau parampuang, turus dia kase maso pa dorang di penjara.

Kisah Para Rasul 9:1

Sementara itu, Saulus masi turus ancam mo bunu pa orang-orang yang percaya pa Tuhan Yesus. Dia pigi mangada pa imam basar,

Kisah Para Rasul 9:13

Turus Ananias bilang, “Ado, Tuhan. Kita so dengar dari orang-orang, dia itu so siksa banya orang yang so jadi Tuhan Allah pe umat di kota Yerusalem.

Kisah Para Rasul 9:5

Saulus bilang, “Sapa ini kong?” Kong suara itu bilang, “Kita ini Yesus yang ngana jaga siksa.

1 Korintus 15:9

Sebenarnya kita ini tara pantas dapa bilang rasul, barang dulu itu, so kita ini suda yang jaga siksa pa Tuhan Allah pe jemaat. Karna itu, dari samua rasul, kita ini suda yang paling tara arti.

1 Korintus 7:25

Skarang, tentang orang-orang yang bolong kawing, kita tara dapa parenta dari Tuhan, tapi kita mo kase nasehat pa dorang. Yang kita mo bilang ini, ngoni bole percaya karna Tuhan so pili pa kita jadi Dia pe utusan, itu Dia pe rasa kasiang pa kita.

Galatia 1:13

Tantu ngoni so dengar tentang kita pe hidup dulu waktu kita masi iko aturan agama Yahudi. Waktu itu, kita sandiri yang kase siksa Tuhan Allah pe jemaat deng kita berusaha karas la bisa kase abis pa dorang.

Filipi 3:6

Mala, dari samua orang Farisi itu, kita ini yang paling smangat siksa pa orang-orang yang percaya pa Yesus Kristus, karna kita kira kata, dorang tara percaya pa Tuhan Allah deng butul, deng kata, kalu kita siksa pa dorang, kita hormati pa Tuhan Allah. Kong kalu bicara tentang iko aturan-aturan di lima kitab Musa, tarada yang bisa lawan pa kita, barang kita iko deng butul-butul samua aturan di lima kitab Musa itu.

1 Timotius 1:16

Tapi biar bagitu, Kristus Yesus kase tunju Dia pe rasa kasiang pa kita deng Dia tara hukum pa kita. Apalagi, karna kita ini orang yang paling berdosa, Yesus Kristus kase tunju Dia pe sabar pa kita. Deng bagitu kita jadi conto untuk orang laeng yang berdosa, supaya dorang me bole percaya pa Yesus Kristus la hidup deng Tuhan Allah slama-lamanya.

Ibrani 4:16

Karna itu, jang torang tako lagi, tapi mari suda torang badekat untuk berdoa pa Tuhan Allah, torang pe Raja yang pe hati bae. Torang berdoa pa Dia itu, supaya Dia tolong pa torang sampe torang tarima Dia pe rasa kasiang deng Dia pe bae, pas di waktu yang torang perlu.

1 Petrus 2:10

Dulu, ngoni itu bukang Tuhan Allah pe umat, tapi skarang ngoni so jadi Dia pe umat. Dulu ngoni me bolong tarima Tuhan Allah pe rasa kasiang, tapi skarang ngoni so tarima Dia pe rasa kasiang itu.