1 Tesalonika 5:9 - Perjanjian Baru Bahasa Melayu Maluku Utara

⁹ Barang, Tuhan Allah pili pa torang jadi Dia pe umat. Dia tara pili pa torang supaya Dia hukum pa torang, tapi supaya torang dapa slamat karna torang percaya pa Yesus Kristus, torang pe Tuhan.

1 Tesalonika 5:9 ပူးပေါင်းရင်းမြစ်များ

Matius 26:24

Memang Anak Manusia yang dari sorga akan mati sama deng yang Tuhan Allah so tentukan dulu. Nabi-nabi so tulis bagitu di Kitab Suci. Tapi cilaka suda orang yang bahianat pa Anak Manusia, dia akan dapa hukuman yang barát! Orang itu lebe bae dia tara usa lahir di dunia ini.”

Kisah Para Rasul 1:20

Kong Petrus bilang lagi, “Dulu raja Daud so tulis memang tentang Yudas di kitab Mazmur, bagini: ‘Biar suda dia pe tampa tinggal jadi sunyi, kong biar suda tarada orang yang tinggal di situ.’ Raja Daud me tulis lagi bagini: ‘Biar suda orang laeng ambe dia pe tugas.’

Kisah Para Rasul 1:25

supaya dia ganti pa Yudas dalam pelayanan ini untuk jadi Yesus pe rasul. Barang, Yudas so mati kong dia so ada di tampa yang pantas iko sama deng apa yang dia biking.”

Kisah Para Rasul 13:48

Waktu orang-orang bukang Yahudi dengar Paulus bilang bagitu, dorang sanang skali. Turus, dorang puji deng hormat pa Tuhan karna Tuhan pe ajaran itu. Abis itu, samua orang yang Tuhan Allah so pili mo dapa hidup deng Dia slama-lamanya, dorang itu jadi percaya.

Roma 11:30

Dulu, ngoni orang-orang yang bukang Yahudi tara iko pa Tuhan Allah. Tapi skarang karna orang Yahudi tara dengar-dengaran pa Dia, Dia so kasiang pa ngoni sampe Dia kase bebas pa ngoni dari dosa-dosa.

Roma 11:7

Jadi bagini, orang-orang Israel, dorang cari jalang supaya dong jadi orang yang butul pa Tuhan Allah pe muka, tapi amper samua tara dapa. Ada yang dapa, tapi tara banya orang. Dorang itu yang Tuhan Allah so pili dari dulu. Tapi orang Israel yang laeng jadi kapala batu, dong tara mau dengar-dengaran pa Tuhan Allah.

1 Tesalonika 1:10

deng ngoni me tunggu-tunggu Anak Allah yang mo datang ulang dari sorga. Dia itu suda Yesus, yang biar so mati tapi Tuhan Allah so kase hidup ulang pa Dia. Yesus itu suda yang kase slamat pa torang yang percaya pa Dia dari Tuhan Allah pe hukuman nanti.

1 Tesalonika 3:3

Deng bagitu, biar ngoni dapa siksa, ngoni tetap batahang percaya pa Yesus. Barang, ngoni sandiri me tau, orang yang percaya pa Yesus pasti mo menderita.

1 Timotius 1:13

Dulu kita yang kase tara bae Dia pe nama. Waktu itu, kita siksa deng hina pa orang-orang yang percaya pa Dia. Tapi biar bagitu me, Dia kase tunju Dia pe rasa kasiang pa kita, karna kita bolong percaya pa Dia, deng tara mangarti apa yang kita biking itu sala.

1 Timotius 1:16

Tapi biar bagitu, Kristus Yesus kase tunju Dia pe rasa kasiang pa kita deng Dia tara hukum pa kita. Apalagi, karna kita ini orang yang paling berdosa, Yesus Kristus kase tunju Dia pe sabar pa kita. Deng bagitu kita jadi conto untuk orang laeng yang berdosa, supaya dorang me bole percaya pa Yesus Kristus la hidup deng Tuhan Allah slama-lamanya.

2 Timotius 2:10

Karna itu, kita sabar tanggung siksa itu samua deng tetap kase tau Kabar Bae tentang Yesus Kristus, supaya orang yang Tuhan Allah so pili mo jadi Dia pe umat bole percaya pa Kristus Yesus. Deng bagitu, dong bole dapa slamat deng dapa puji deng hormat sama-sama deng Tuhan Allah slama-lamanya.

1 Petrus 2:10

Dulu, ngoni itu bukang Tuhan Allah pe umat, tapi skarang ngoni so jadi Dia pe umat. Dulu ngoni me bolong tarima Tuhan Allah pe rasa kasiang, tapi skarang ngoni so tarima Dia pe rasa kasiang itu.

1 Petrus 2:8

Kong ada lagi yang tatulis bagini, “Batu itu yang biking banya orang tagate, kong dorang cilaka.” Jadi bagini: orang-orang yang tara mau iko Tuhan Allah pe firman tentang Yesus, dorang itu sama deng orang-orang yang tagate di batu kong cilaka. Tuhan Allah so ator memang apa yang jadi itu pa dorang.

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

2 Petrus 2:3

Guru-guru palsu itu gila doi, jadi dorang karang-karang carita la tipu pa ngoni samua, supaya dong dapa doi. Tapi dari dulu, Tuhan Allah so rencana untuk hukum pa dorang. Dorang itu pasti mo mati tapisa dari Tuhan Allah slama-lamanya.

Yudas 1:4

Barang, ada orang-orang yang bawa ajaran yang tara butul yang so maso pa ngoni pe jemaat, tapi ngoni tara sadar. Dorang itu tara iko Tuhan Allah pe mau. Dorang memang so tarima ajaran tentang torang pe Tuhan Allah pe bae, tapi dorang kase putar bale ajaran itu la orang bisa iko dorang pe napsu yang tara bae. Deng dorang me manyangkal, Yesus Kristus yang cuma satu itu saja torang pe Tuhan, yang berkuasa pa samua-samua. Orang-orang model bagini, dari dulu ada tatulis di Kitab Suci, dorang memang akan dapa hukuman.