1 Tesalonika 4:3 - Perjanjian Baru Bahasa Melayu Maluku Utara

³ Ini Tuhan Allah pe mau: serakan ngoni pe hidup pa Dia la ngoni hidup deng hati bersi. Jang ngoni baseks sabarang.

1 Tesalonika 4:3 ပူးပေါင်းရင်းမြစ်များ

Matius 12:50

Karna sapa saja yang biking Kita pe Bapa di Sorga pe mau, dia itu suda Kita pe sudara laki-laki, dia itu suda Kita pe sudara parampuang, deng dia itu suda Kita pe mama.”

Matius 15:19

Barang, dari manusia pe dalam hati, timbul samua yang jahat: pikiran yang jahat, bunu orang, baku suka deng orang yang bukang dia pe laki atau dia pe bini, baseks sabarang, bapancuri, jadi saksi yang tara butul, deng kase tara bae orang pe nama.

Matius 5:32

Tapi Kita mo bilang pa ngoni e, laki bole cere dia pe bini kalu dia pe bini so baku suka deng orang laeng. Tapi kalu tarada, kong laki itu cere dia pe bini, dia so biking dia pe bini itu jadi sala pa Tuhan Allah pe muka. Barang, kalu parampuang yang so dapa cere itu kawing ulang deng orang laeng, itu sama deng parampuang itu so baku suka deng orang yang bukang dia pe laki, kong orang yang kawing deng dia me so sala pa Tuhan Allah pe muka, karna orang itu me sama deng so baku suka deng orang yang bukang dia pe bini.”

Matius 7:21

Yesus bilang lagi, “Tara samua orang yang pangge pa Kita, ‘Tuhan, Tuhan’ akan jadi Kita pe umat kong Tuhan Allah Berkuasa sebagai Raja pa dorang pe hidup, tapi cuma orang yang jaga biking Kita pe Bapa di sorga pe mau saja.

Markus 3:35

Barang, sapa yang biking Tuhan Allah pe mau, dia itu suda Kita pe sudara-sudara deng Kita pe mama.”

Yohanes 4:34

Yesus bilang pa dorang, “Kita pe makanang itu, Kita biking apa yang Tuhan Allah mau. Tuhan Allah itu yang utus pa Kita deng Kita musti kase abis Kita pe karja yang Dia suru Kita biking.

Yohanes 7:17

Cuma orang yang mau biking Tuhan Allah pe mau yang bisa tau kalu Kita pe ajaran ini datang dari Tuhan Allah sandiri atau dari Kita pe pikiran sandiri.

Kisah Para Rasul 15:20

Tapi lebe bae torang tulis surat pa dorang, supaya minta dong iko aturan-aturan ini saja: jang dorang makang makanang yang so kase pa orang pe puji-puji, jang makang daging dari binatang yang mati dapa ramas di leher, deng jang makang dara. Dorang me tara bole baseks sabarang.

Kisah Para Rasul 15:29

ngoni tara bole makang makanang yang so kase pa orang pe puji-puji, tara bole makang binatang yang mati karna dapa ramas di leher, deng tara bole makang dara. Ngoni me tara bole baseks sabarang. Kalu ngoni iko samua aturan itu, itu pe arti, ngoni so biking yang bae. Sampe di sini dulu torang pe surat.”

Kisah Para Rasul 20:32

Jadi skarang, kita minta Tuhan Allah jaga pa ngoni deng bantu ngoni inga turus Dia pe firman tentang Dia pe bae pa ngoni. Firman itu yang bisa kase kuat ngoni pe percaya, deng yang nanti mo kase pa ngoni samua yang Dia so janji mo kase pa orang-orang yang Dia so biking jadi Dia pe umat sandiri.

Kisah Para Rasul 26:18

Ngana ka sana untuk buka dorang pe pikiran supaya dorang tara hidup lagi di galap tapi hidup di tarang, supaya dorang talapas dari Iblis, setang-setang pe raja pe kuasa, kong Tuhan Allah pe kuasa mo ada sama-sama deng dorang. Kong karna dorang so percaya pa Kita, dorang pe dosa-dosa mo dapa ampun deng dorang mo dapa samua yang Tuhan Allah janji mo kase pa orang-orang yang Dia so biking jadi Dia pe umat.’

Roma 1:29

Dorang pe hati ponong deng barang yang tara butul deng barang yang jahat. Dorang golojo samua-samua, cuma pikir yang jahat, mangiri, deng jadi tukang bunu. Kong dorang me jaga baku mara, deng tukang bafoya. Dorang suka orang laeng dapa cilaka deng suka bacarita tara bae tentang orang laeng.

Roma 12:2

Jang ngoni iko dunia ini pe mau. Lebe bae ngoni kase biar la Tuhan Allah ruba ngoni pe pikiran jadi baru supaya ngoni pe kalakuang me beruba. Karna deng ngoni pe pikiran yang baru, ngoni bole tau Tuhan Allah pe mau: yang bagus, yang butul, deng yang biking Dia pe hati sanang.

Roma 6:22

Tapi skarang Tuhan Allah so kase bebas pa ngoni dari dosa, jadi dosa so tara jadi ngoni pe tuang lagi. Deng ngoni so serakan ngoni pe diri jadi Tuhan Allah pe suru-suru. Dia pe untung, Tuhan Allah so biking ngoni jadi Dia pe umat yang hidup cuma biking Dia pe mau. Kong dia pe ahir kabawa, ngoni mo hidup deng Tuhan Allah slama-lamanya.

1 Korintus 1:30

Barang, Tuhan Allah sandiri yang buka jalang untuk ngoni, supaya ngoni bole percaya pa Kristus Yesus. Deng bagitu, torang bole tau Tuhan Allah pe rencana yang bijaksana untuk kase slamat pa manusia. Yesus Kristus itu yang biking torang jadi orang yang tara sala pa Tuhan Allah pe muka deng yang biking torang jadi Dia pe umat, deng Yesus me yang tebus torang pe dosa-dosa.

1 Korintus 7:2

Tapi supaya tara tagoda untuk baseks sabarang, lebe bae tiap laki-laki kawing deng satu parampuang, deng tiap parampuang kawing deng satu laki-laki.

2 Korintus 12:21

Kita hawater, kalu kita datang itu, kita dapa ngoni masi biking dosa sama deng dulu, kong ngoni bolong bertobat. Kalu bagitu, kita jadi malu pa Tuhan Allah pe muka, kong kita mo manangis karna banya dari ngoni yang pe kalakuang masi cafarune, yang baseks sabarang, deng yang masi biking hal-hal yang tara pantas untuk mo biking.

Galatia 5:19

Orang-orang yang cuma iko manusia pe mau yang suka biking dosa itu dapa lia dari dorang pe kalakuang macam bagini: baseks sabarang, biking kalakuang yang cafarune, jaga iko napsu sama deng binatang,

Efesus 5:17

Jang ngoni sama deng orang yang bodo, tapi ngoni berusaha suda supaya ngoni mangarti bae-bae Tuhan pe mau.

Efesus 6:6

Jang ngoni dengar-dengaran cuma waktu ngoni pe tuang ada lia-lia saja, la ngoni dapa puji. Tapi ngoni musti dengar-dengaran pa dorang, karna ngoni itu so kase ngoni pe diri jadi Yesus Kristus pe orang-orang karja, kong ngoni musti biking apa yang Tuhan Allah mau deng hati yang sunggu-sunggu.

Kolose 1:9

Jadi, mulai dari torang dengar tentang ngoni pe percaya itu, torang tara berenti-berenti berdoa untuk ngoni. Torang minta pa Tuhan Allah, supaya Dia pe Roh Kudus buka ngoni pe pikiran deng biking ngoni lebe mangarti tentang Tuhan Allah, supaya ngoni butul-butul tau Dia pe mau.

Kolose 3:5

Jadi, karna Yesus Kristus so ruba ngoni pe hidup jadi baru, ngoni berenti suda iko dunia pe mau, macam deng: baseks sabarang, biking hal-hal yang cafarune, iko napsu yang tara bae, ingin biking barang yang jahat, deng golojo orang pe barang. Karna kalu torang golojo orang pe barang, itu berarti, torang so kase lebe penting barang itu daripada Tuhan.

Kolose 4:12

Epafras lagi ada kirim salam pa ngoni. Dia satu jemaat deng ngoni, dia lagi jaga biking apa yang Kristus Yesus suru. Dia salalu berdoa sunggu-sunggu untuk ngoni. Dia minta pa Tuhan Allah supaya ngoni pe percaya pa Kristus Yesus jadi kuat deng supaya ngoni butul-butul tau Tuhan Allah pe mau.

1 Tesalonika 4:2

Ngoni so biking itu karna ngoni tau ajaran yang torang so kase pa ngoni pake kuasa dari Tuhan Yesus.

1 Tesalonika 4:4

Ngoni laki-laki yang so kawing, ngoni musti tau bawa ngoni pe bini bae-bae, ngoni hidup deng hati bersi pa Tuhan Allah pe muka deng baku hormati satu deng yang laeng.

1 Tesalonika 5:18

Ada apa saja, mo susa ka sanang ka, ngoni musti bilang tarimakasi turus pa Tuhan Allah. Barang, itu Tuhan Allah pe mau untuk samua orang yang percaya pa Kristus Yesus.

1 Tesalonika 5:23

Tuhan Allah yang biking torang pe hati tetap tenang, jadi torang minta supaya Dia biking ngoni jadi Dia pe umat sandiri yang hidup deng hati bersi. Torang minta supaya Dia jaga ngoni pe badan, hati deng jiwa, supaya ngoni tarada sala apa-apa waktu torang pe Tuhan Yesus Kristus datang ulang.

2 Tesalonika 2:13

Sudara-sudara yang Tuhan Allah sayang! Torang salalu bilang tarimakasi pa Tuhan Allah untuk ngoni, karna waktu dunia ini bolong jadi, Dia so pili pa ngoni supaya ngoni dapa slamat. Dia kase slamat pa ngoni, barang ngoni percaya ajaran yang butul dari Tuhan Allah, deng karna Roh Kudus biking ngoni jadi Dia pe umat yang hidup deng hati bersi.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

Ibrani 10:36

Karna itu, ngoni musti batahang percaya biar dapa siksa, supaya kalu ngoni so biking apa yang Tuhan Allah mau, ngoni mo tarima apa yang Dia so janji itu.

Ibrani 12:16

Ngoni jaga supaya jang ada dari ngoni yang baseks sabarang. Jang lagi ada yang tara hormati pa Tuhan Allah sama deng dulu Esau. Esau itu ada hak untuk dapa janji berkat dari Tuhan Allah, tapi dia pandang enteng janji berkat itu kong jual dia pe hak sebagai ana yang tua, cuma untuk makanang satu piring.

Ibrani 13:21

supaya Dia kase pa ngoni samua yang ngoni perlu la ngoni bisa biking Dia pe mau, deng supaya Yesus Kristus bakarja di torang pe hati la biking torang mampo biking Tuhan Allah pe hati sanang. Puji deng hormat suda pa Dia sampe slama-lamanya! Amin.

Ibrani 13:4

Samua orang musti hargai dong pe perkawinan. Laki bini musti setia, tara bole baku suka deng orang laeng. Barang, Tuhan Allah akan hukum pa orang-orang yang baseks sabarang deng pa orang yang baku suka deng orang pe laki atau orang pe bini.

1 Petrus 1:2

Tuhan Allah, torang pe Bapa so pili pa ngoni iko Dia pe rencana yang dari dulu. Kong Dia pe Roh yang biking ngoni jadi Dia pe umat supaya ngoni dengar-dengaran pa Yesus Kristus, deng supaya Dia pe dara yang so tatumpa biking ngoni jadi bersi dari dosa-dosa. Kita minta pa Tuhan Allah, supaya Dia kase Dia pe bae pa ngoni, deng Dia biking ngoni pe hati tetap tenang, kong Dia kase samua itu talebe-lebe.

1 Petrus 4:2

Jadi selama ngoni masi hidup di dunia, ngoni pake waktu yang ada untuk iko Tuhan Allah pe mau, jang iko manusia pe keinginan.

1 Yohanes 2:17

Dunia ini cuma sementara saja, kong akan ancor. Samua yang manusia ingin me nanti ilang. Tapi orang yang jaga biking Tuhan Allah pe mau, dia itu tetap hidup deng Tuhan Allah sampe slama-lamanya.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”

Wahyu 22:15

Tapi ada orang-orang yang tara bole maso di kota itu. Dorang itu: orang yang tara percaya pa Tuhan, orang yang jaga pake tiop-tiop, orang yang baseks sabarang, orang yang jaga bunu orang, orang yang semba dong pe puji-puji, deng tiap orang yang suka bafoya kong biking itu turus-turus.