1 Tesalonika 2:9 - Perjanjian Baru Bahasa Melayu Maluku Utara

⁹ Sudara-sudara, ngoni pasti masi inga, waktu torang deng ngoni, torang mancari siang malam supaya torang bole tanggung tong pe hidup sandiri. Deng bagitu, torang pe hidup tara baharap pa sapa-sapa waktu torang kase tau pa ngoni Kabar Bae dari Tuhan Allah.

1 Tesalonika 2:9 ပူးပေါင်းရင်းမြစ်များ

Lukas 18:7

Kalu orang tara adil macam itu mo tolong janda itu, lebe-lebe lagi Tuhan Allah pasti mo tolong pa Dia pe umat yang Dia pili, yang siang malam minta tolong turus-turus pa Dia. Tara mungkin Dia mo tunda-tunda turus untuk tolong pa dorang.

Lukas 2:37

tapi dia pe laki so mati, jadi dia so janda. Dia pe umur so delapan pulu ampa taong. Dia tara perna kase tinggal Ruma Ibada Pusat. Siang malam dia semba pa Tuhan Allah. Dia jaga bapuasa deng berdoa.

Kisah Para Rasul 18:3

Paulus, Akwila deng Priskila pe karja itu sama, bamanjai tenda dari kuli binatang. Karna itu, Paulus tinggal pa Akwila pe ruma la dorang bisa karja sama-sama.

Kisah Para Rasul 20:24

Biar bagitu, kita tara peduli deng kita pe hidup, tapi yang penting kita bisa kase selesai tugas yang Tuhan Yesus suru kita biking. Kita pe tugas itu, kita musti kase tau Kabar Bae tentang Tuhan Allah pe bae pa torang manusia.

Kisah Para Rasul 20:31

Jadi, ngoni musti jaga bae-bae, deng jang lupa, selama tiga taong, siang deng malam kita tara berenti-berenti kase nasehat pa ngoni, sampe kita pe aer mata me malele.

Roma 1:1

Sudara-sudara yang percaya di kota Roma. Salam dari kita Paulus. Kita ini orang yang jaga biking apa yang Kristus Yesus suru. Dia pili pa kita jadi Dia pe utusan yang orang jaga sebut rasul, deng Dia me kase tugas kusus pa kita untuk kase tau Kabar Bae dari Tuhan Allah pa orang-orang.

Roma 15:16

Dia pangge pa kita jadi Yesus Kristus pe utusan untuk kase tau Kabar Bae dari Tuhan Allah pa orang-orang yang bukang Yahudi. Kita pe tugas itu kita kase sama deng orang Yahudi pe imam pe tugas, karna kalu kita kase tau Kabar Bae itu pa orang bukang Yahudi kong dorang jadi percaya pa Yesus, itu kita so kase sanang Tuhan Allah pe hati, sama deng imam kase binatang korban persembahan pa Tuhan Allah. Kong Tuhan Allah tarima pa dorang karna Roh Kudus so biking dong jadi Tuhan Allah pe umat sandiri.

Roma 15:19

Deng Tuhan Allah pe Roh pe kuasa, kita biking mujizat-mujizat deng tanda-tanda yang biking orang herang. Kita so kase tau Kabar Bae tentang Yesus Kristus pa orang-orang di samua kota yang kita pigi, mulai dari kota Yerusalem sampe di daera Ilirikum.

1 Korintus 4:12

Torang ini karja karas sampe suar malele untuk torang pe hidup. Kalu orang momake pa torang, torang kase berdoa pa dorang la Tuhan kase yang bae pa dorang. Kalu orang siksa pa torang, torang sabar saja.

1 Korintus 9:15

Tapi biar Tuhan Allah bilang kita ada hak bagitu, kita tara perna pake hak itu. Kong kita tulis surat ini, kita me tarada maksut mo minta apa-apa dari ngoni. Karna kita sanang kita bisa kase tau Kabar Bae tentang Yesus Kristus pa ngoni deng tara minta apa-apa dari ngoni. Lebe bae kita mati daripada kita pe suar lala itu kase ganti deng doi.

1 Korintus 9:18

Jadi apa kita pe balasan? Ini kita pe balasan: kita sanang kase tau Kabar Bae itu deng cuma-cuma, orang tara perlu bayar pa kita, deng kita tara pake kita pe hak untuk dapa bayar dari pelayanan ini.

1 Korintus 9:4

kita deng Barnabas ada hak sama deng rasul yang laeng untuk makang deng minum dari torang pe suar lala yang kase tau Tuhan pe firman. Iyo, to?

2 Korintus 11:27

Kita banya karja banting tulang, laeng kali kita tara tidor-tidor, laeng kali kita tara makang deng minum, laeng kali kita tara ada makanang, deng laeng kali kita tadingin-dingin karna tarada baju tabal.

2 Korintus 11:9

Waktu kita ada sama-sama deng ngoni kong kita kekurangan, kita tara minta dari ngoni biar cuma dari satu orang saja. Karna untuk tutu kita pe kekurangan itu, sudara-sudara yang percaya yang datang dari daera Makedonia yang bantu pa kita. Jadi kita tara jadi beban pa ngoni, deng bagitu kita akan tetap kase tau Kabar Bae itu turus-turus deng cuma-cuma pa ngoni.

2 Korintus 6:5

Biar torang dapa pukul, dapa maso di penjara, deng dapa koroyo, torang tetap sabar. Torang karja karas untuk Tuhan Allah, biar laengkali torang tara tidor-tidor deng tara makang-makang.

Filipi 4:16

Kong bukang cuma itu saja. Waktu kita dapa kekurangan di kota Tesalonika, ngoni bantu pa kita babarapa kali.

1 Tesalonika 1:3

Tiap kali torang berdoa pa Tuhan Allah torang pe Bapa, torang inga pa ngoni jemaat di kota Tesalonika. Torang inga samua yang ngoni biking karna ngoni pe percaya. Torang inga ngoni pe bae pa orang-orang karna ngoni sayang pa dorang. Torang inga lagi bagimana ngoni tetap biking barang yang bae biar ngoni dapa susa, karna ngoni salalu batahang percaya deng yakin pa Yesus Kristus, torang pe Tuhan.

1 Tesalonika 2:2

Ngoni me tau, waktu torang bolong datang pa ngoni, torang dapa siksa deng dapa hina di kota Filipi. Tapi biar ada orang yang tantang Kabar Bae itu, Tuhan Allah tetap tolong pa torang sampe torang me barani kase tau Kabar Bae dari Tuhan Allah pa ngoni.

1 Tesalonika 2:6

Tara perna torang cari pujian dari ngoni atau orang laeng. Torang ini Tuhan Yesus pe utusan yang orang sebut rasul, jadi sebenarnya torang bole suru pa ngoni la bantu torang pe hidup hari-hari, tapi torang tara mau bagitu.

1 Tesalonika 3:10

Siang malam torang berdoa sunggu-sunggu, la torang samua bisa baku dapa lagi. Barang, torang mo ajar apa yang masi kurang pa ngoni, supaya ngoni pe percaya lebe tamba kuat.

1 Timotius 1:11

Ajaran yang butul itu, Kabar Bae dari Tuhan Allah. Tuhan Allah itu hebat kong pantas orang puji. Dia yang kase percaya pa kita la kase tau pa orang-orang Kabar Bae itu.

1 Timotius 4:10

Karna itu, torang berusaha karas layani pa Tuhan Allah. Torang biking bagitu karna torang baharap deng yakin pa Tuhan Allah yang hidup. Dia itu yang kase slamat pa samua orang, lebe kusus untuk orang yang percaya pa Dia.

1 Timotius 5:5

Kalu janda yang so tarada sapa-sapa yang mo urus pa dia, dia pe tampa baharap cuma pa Tuhan Allah. Siang deng malam dia berdoa minta tolong pa Tuhan Allah.

2 Timotius 1:3

Siang deng malam kita berdoa bilang tarimakasi pa Tuhan Allah untuk ngana. Kita bilang tarimakasi pa Tuhan Allah yang kita semba deng hati bersi sama deng yang kita pe orang tua dulu-dulu so biking kamuka.