1 Tesalonika 2:4 - Perjanjian Baru Bahasa Melayu Maluku Utara

⁴ Mala, torang kase tau pa ngoni Kabar Bae itu karna Tuhan Allah lia torang pantas kase tau itu, jadi Dia kase percaya itu pa torang. Biar ada orang yang tara sanang deng Kabar Bae itu, torang tetap kase tau saja, karna yang penting Tuhan Allah yang rasa sanang! Barang, Dia yang uji torang pe hati.

1 Tesalonika 2:4 ပူးပေါင်းရင်းမြစ်များ

Lukas 12:42

Kong Tuhan Yesus jawab pa dorang pake umpama bagini, “Kalu ada orang karja yang pande deng setia pa dia pe tuang, dia pe tuang mo angka pa dia jadi kapala untuk kase makang pa samua dia pe orang karja yang laeng pas pa dia pe waktu.

Lukas 16:11

Jadi kalu ngoni tara bisa dapa kase percaya harta di dunia ini, tarada yang mo kase percaya pa ngoni harta yang di sorga.

Yohanes 21:17

Yesus batanya lagi pa dia untuk yang ketiga kali, “Simon, Yohanes pe ana, apa ngana sayang pa Kita?” Kong Petrus jadi sedi, barang Yesus ada tanya pa dia sampe tiga kali, apa dia sayang pa Yesus ka tarada. Kong Petrus jawab pa Yesus, “Tuhan, Tuhan tau samua hal, Tuhan tau kita sayang pa Tuhan.” Yesus bilang lagi pa Petrus, “Urus bae-bae Kita pe umat, sama deng gembala yang urus bae-bae dia pe domba-domba.

Roma 8:27

Tuhan Allah yang tau skali manusia pe dalam hati. Dia me tau Dia pe Roh pe maksut. Barang, Roh itu kase turus Tuhan Allah pe umat pe doa, iko Tuhan Allah pe mau.

1 Korintus 7:25

Skarang, tentang orang-orang yang bolong kawing, kita tara dapa parenta dari Tuhan, tapi kita mo kase nasehat pa dorang. Yang kita mo bilang ini, ngoni bole percaya karna Tuhan so pili pa kita jadi Dia pe utusan, itu Dia pe rasa kasiang pa kita.

1 Korintus 9:17

Barang, kalu kita kase tau Kabar Bae itu karna kita pe mau sandiri, kita me harap dapa balasan dari kita pe suar lala itu. Tapi yang kita biking itu bukang kita pe mau sandiri. Kita kase tau Kabar Bae itu, barang Tuhan Allah yang kase percaya pa kita untuk kita biking itu.

2 Korintus 2:17

Torang tara mampo biking tugas ini deng tong pe kekuatan sandiri. Barang torang tara sama deng banya orang laeng, yang kalu kase tau Tuhan Allah pe firman, cuma mo cari doi. Tapi torang, kalu torang kase tau Tuhan Allah pe firman, torang biking deng hati bersi. Tuhan Allah sandiri yang kase tugas ini pa torang deng Dia yang lia torang kase tau Tuhan Allah pe firman pa orang-orang, karna torang percaya pa Yesus Kristus.

2 Korintus 4:2

Torang so ambe keputusan, torang tara akan perna pake cara-cara tara bae waktu kase tau Kabar Bae itu, karna cara itu cuma mo biking torang jadi malu. Deng torang tara akan kase bodo pa orang, deng tara akan bicara putar bale tentang Tuhan Allah pe firman. Tapi torang akan kase mangarti butul-butul ajaran itu pa orang, iko Tuhan pe mau. Deng biking bagitu, di dorang pe hati, dorang akan tau sandiri, apa yang torang kase tau itu butul ka tarada.

2 Korintus 5:11

Karna torang tau Tuhan mo adili pa torang, jadi deng rasa tako pa Tuhan, torang berusaha kase yakin orang supaya dorang me jadi percaya pa Tuhan Yesus. Tuhan Allah tau torang pe dalam hati, kong kita harap ngoni me tau itu lagi.

2 Korintus 5:16

Jadi karna torang tau Yesus Kristus pe sayang pa samua orang itu, torang tara nilai orang pake manusia pe pikiran lagi. Memang dulu waktu torang bolong percaya Tuhan itu, torang nilai pa Yesus Kristus pake manusia pe pikiran, tapi skarang tara bagitu lagi.

Galatia 1:10

Kita bilang bagitu, kita tara maksut supaya dapa puji dari manusia. Tapi kita cuma suka cari dapa puji dari Tuhan Allah. Mangkali ada dari ngoni yang pikir, kita cuma mo biking sanang manusia pe hati? Tarada kasiang. Kalu saja kita cuma suka mo biking sanang manusia pe hati, itu berarti, kita ini bukang orang yang jaga biking apa yang Yesus Kristus suru.

Galatia 2:7

Dorang tara suru tamba apa-apa lagi, mala dorang jadi yakin Tuhan Allah yang kase percaya pa kita untuk kase tau Kabar Bae tentang Yesus Kristus pa orang-orang bukang Yahudi, sama deng Dia me ada kase percaya pa Petrus untuk kase tau pa orang-orang Yahudi.

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Efesus 6:6

Jang ngoni dengar-dengaran cuma waktu ngoni pe tuang ada lia-lia saja, la ngoni dapa puji. Tapi ngoni musti dengar-dengaran pa dorang, karna ngoni itu so kase ngoni pe diri jadi Yesus Kristus pe orang-orang karja, kong ngoni musti biking apa yang Tuhan Allah mau deng hati yang sunggu-sunggu.

Kolose 3:22

Bagitu lagi deng ngoni orang-orang karja yang ngoni pe tuang so bili, ngoni musti dengar-dengaran pa ngoni pe tuang di dunia ini dalam sagala hal. Jang ngoni dengar-dengaran pa ngoni pe tuang cuma untuk cari muka pa dia. Tapi ngoni bakarja deng sunggu-sunggu karna ngoni tako pa Tuhan.

1 Timotius 6:20

Timotius, ngana musti jaga bae-bae samua yang Tuhan so kase percaya pa ngana. Jang ngana badekat deng orang yang bacarita hal yang tarada dia pe guna deng yang tara hormati pa Tuhan Allah. Deng jang ngana badekat pa orang yang bawa ajaran sesat, yang orang jaga bilang ‘pengetahuan’, padahal itu sala.

2 Timotius 1:14

Ngana pe tugas, kase tau Kabar Bae. Kabar Bae itu sama deng harta yang mahal. Jadi jaga ngana pe tugas itu bae-bae. Roh Kudus yang ada di torang pe hati, mo bantu pa torang jaga tugas itu, supaya tarada orang yang biking itu jadi ajaran sesat.

2 Timotius 2:2

Ngana so dengar samua ajaran yang kita ajar pa orang banya. Ngana musti kase ajar ajaran itu pa orang laeng yang ngana bisa percaya deng yang pande mangajar. Deng bagitu dorang jadi tau kong ajar lagi ajaran itu pa orang laeng.

Titus 1:3

Kong pas di waktu yang Tuhan Allah so tentukan, Dia kase tau Kabar Bae itu la orang tau cara mo dapa hidup deng Dia slama-lamanya. Kabar Bae ini yang Tuhan Allah so kase percaya pa kita la kita kase tau pa orang-orang. Tuhan Allah itu yang kase slamat pa torang.

Ibrani 4:13

Di langit deng di bumi me tarada satu yang tasambunyi dari Tuhan Allah. Barang, Dia bisa lia samua-samua, sampe torang pe pikiran deng hati me Dia tau. Kong nanti torang musti tanggung jawab pa Tuhan Allah samua-samua yang torang so biking.

1 Petrus 4:11

Ambe conto bagini, kalu ada orang yang dapa karunia untuk kase tau Tuhan Allah pe firman pa orang-orang, dia musti pake karunia itu supaya orang mangarti Tuhan Allah pe firman. Kalu ada orang yang dapa karunia untuk bantu pa orang, dia pake karunia yang dia pe kekuatan dari Tuhan Allah itu untuk tolong pa orang. Jadi, pake karunia yang ada pa ngoni itu bae-bae la orang bole puji deng hormat pa Tuhan Allah. Tuhan Allah dapa puji karna ngoni itu Yesus Kristus pe umat. Tuhan Allah itu memang hebat deng Dia pe kuasa ada sampe slama-lamanya. Amin.

Wahyu 2:23

Kita akan bunu orang-orang yang jaga iko parampuang itu pe ajaran, supaya samua jemaat akan tau, Kita ini yang tau manusia pe pikiran deng manusia pe isi hati. Kong, Kita mo hukum tiap orang iko deng apa yang dia biking.