1 Tesalonika 2:3 - Perjanjian Baru Bahasa Melayu Maluku Utara

³ Torang kase tau Kabar Bae itu, supaya ngoni percaya pa Tuhan Yesus, kong yang torang kase tau itu, bukang ajaran yang tara butul. Torang tara maksut jahat deng tara mau kase foya orang.

1 Tesalonika 2:3 ပူးပေါင်းရင်းမြစ်များ

Kisah Para Rasul 13:15

Di situ, ada orang yang baca lima kitab Musa deng kitab nabi-nabi. Pe abis babaca, pemimpin-pemimpin ruma ibada itu suru orang bilang pa Paulus deng pa Barnabas, “Bapa-bapa, kalu ada yang ngoni ingin bilang untuk kase kuat torang pe percaya, bicara suda skarang!”

Kisah Para Rasul 4:36

Kong itu lagi yang Yusuf biking. Yusuf itu dari suku Lewi, lahir di pulo Siprus. (Rasul-rasul itu kase nama pa dia ‘Barnabas’, yang pe arti, ‘orang yang suka kase smangat pa orang laeng.’)

2 Korintus 11:13

Barang, dorang itu bukang Tuhan Yesus yang utus. Dorang bakarja deng cara yang tara butul. Dorang cuma babafoya, dorang biking dong pe diri sama deng Yesus Kristus pe utusan-utusan, padahal bukang.

2 Korintus 2:17

Torang tara mampo biking tugas ini deng tong pe kekuatan sandiri. Barang torang tara sama deng banya orang laeng, yang kalu kase tau Tuhan Allah pe firman, cuma mo cari doi. Tapi torang, kalu torang kase tau Tuhan Allah pe firman, torang biking deng hati bersi. Tuhan Allah sandiri yang kase tugas ini pa torang deng Dia yang lia torang kase tau Tuhan Allah pe firman pa orang-orang, karna torang percaya pa Yesus Kristus.

2 Korintus 4:2

Torang so ambe keputusan, torang tara akan perna pake cara-cara tara bae waktu kase tau Kabar Bae itu, karna cara itu cuma mo biking torang jadi malu. Deng torang tara akan kase bodo pa orang, deng tara akan bicara putar bale tentang Tuhan Allah pe firman. Tapi torang akan kase mangarti butul-butul ajaran itu pa orang, iko Tuhan pe mau. Deng biking bagitu, di dorang pe hati, dorang akan tau sandiri, apa yang torang kase tau itu butul ka tarada.

2 Korintus 4:5

Yang torang dua kase tau pa orang-orang, bukang tentang torang pe diri sandiri, tapi torang kase tau tentang Yesus Kristus, Dia itu suda Tuhan, yang pimpin pa torang! Deng torang bawa tong pe diri ini sama deng Tuhan pe orang karja untuk layani pa ngoni, iko Yesus Kristus pe mau.

2 Korintus 6:8

Waktu torang dapa hormat, dapa hina, dapa kase tara bae nama, deng dapa puji, torang tetap saja biking yang Tuhan Allah suru. Kong ada yang bilang torang ajar yang sala, padahal torang ini salalu ajar yang butul.

2 Korintus 7:2

Sudara-sudara, buka hati suda pa torang. Barang, torang ini tara perna biking sala pa sapa saja, tara biking rugi pa sapa saja, deng torang lagi tara cari untung, biar cuma pa satu orang lagi.

1 Tesalonika 2:11

Ngoni samua tau torang pe cara ajar pa ngoni, sama deng papa yang bae urus pa dia pe ana-ana sandiri.

1 Tesalonika 4:7

Barang, Tuhan Allah so pangge pa torang jadi Dia pe umat untuk hidup deng hati bersi, bukang untuk mo biking hal-hal yang tara bae iko ngoni pe napsu.

2 Tesalonika 2:11

Kong karna dorang tara percaya, Tuhan Allah kase biar dorang dapa tipu deng iko barang yang tara butul.

2 Petrus 1:16

Torang so kase tau pa ngoni tentang torang pe Tuhan Yesus Kristus pe kuasa, deng tentang Dia mo datang ulang di dunia ini. Yang torang kase tau itu bukang carita-carita dulu-dulu yang torang karang sandiri, tapi tong tau samua itu karna torang so lia Dia pe hebat deng torang pe mata kapala sandiri.