1 Tesalonika 1:3 - Perjanjian Baru Bahasa Melayu Maluku Utara

³ Tiap kali torang berdoa pa Tuhan Allah torang pe Bapa, torang inga pa ngoni jemaat di kota Tesalonika. Torang inga samua yang ngoni biking karna ngoni pe percaya. Torang inga ngoni pe bae pa orang-orang karna ngoni sayang pa dorang. Torang inga lagi bagimana ngoni tetap biking barang yang bae biar ngoni dapa susa, karna ngoni salalu batahang percaya deng yakin pa Yesus Kristus, torang pe Tuhan.

1 Tesalonika 1:3 ပူးပေါင်းရင်းမြစ်များ

Yohanes 14:15

Yesus bilang lagi, “Kalu ngoni sayang pa Kita, ngoni akan biking Kita pe parenta-parenta.

Yohanes 15:10

Kalu ngoni biking Kita pe parenta, ngoni mo rasa turus Kita pe sayang, sama deng Kita biking Kita pe Bapa pe parenta, kong Kita bole rasa turus Dia pe sayang.

Kisah Para Rasul 10:31

Turus dia bilang pa kita, ‘Kornelius, Tuhan Allah so dengar samua ngana pe doa deng Dia so lia ngana jaga bantu pa orang-orang susa.

Kisah Para Rasul 3:19

Jadi, ngoni bertobat suda kong percaya pa Tuhan Allah, supaya Dia kase ampun pa ngoni dari ngoni pe dosa-dosa.

Roma 12:12

Ngoni musti sanang suda, karna torang bole baharap deng yakin pa Tuhan. Ngoni musti sabar biar dapa siksa, deng ngoni lagi musti rajin berdoa!

Roma 15:13

Tuhan Allah itu yang biking torang bole baharap deng yakin, apa yang Dia janji Dia akan biking. Karna itu, kita minta pa Tuhan Allah supaya Dia biking ngoni pe hati sanang deng hati tenang, karna ngoni so percaya pa Dia. Kita minta itu supaya Roh Kudus pe kuasa bakarja di ngoni pe hati untuk biking ngoni tatamba baharap deng yakin turus pa Tuhan Allah.

Roma 15:4

Samua yang tatulis dari dulu di Kitab Suci, ada tulis untuk kase ajar pa torang, supaya torang bole tetap percaya biar dapa siksa, deng supaya kase smangat pa torang untuk percaya deng yakin pa Tuhan Allah.

Roma 16:26

tapi skarang baru Tuhan Allah kase tau pa torang manusia. Kabar Bae itu, Tuhan Allah so janji pa nabi-nabi dulu kong Dia suru dorang tulis itu supaya samua orang yang dari samua suku bangsa tau, kong dorang bole jadi percaya deng iko pa Yesus. Tuhan Allah itu salalu ada sampe slama-lamanya.

Roma 16:6

Kirim salam lagi pa Maria yang so karja karas untuk ngoni pe bae.

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

1 Korintus 13:13

Jadi, skarang tinggal tiga hal yang penting yang torang musti biking turus-turus: percaya pa Tuhan, baharap pa Dia, deng sayang pa orang laeng. Kong dari tiga ini, yang paling penting, itu sayang pa orang laeng.

1 Korintus 15:58

Jadi sudara-sudara yang kita sayang, ngoni pe percaya musti tetap kuat. Jang kase biar ada yang pengaru pa ngoni sampe ngoni ragu deng ngoni pe percaya itu. Ngoni karja turus untuk Tuhan butul-butul, karna ngoni tau, apa yang ngoni biking untuk Tuhan itu tara akan parcuma.

2 Korintus 2:17

Torang tara mampo biking tugas ini deng tong pe kekuatan sandiri. Barang torang tara sama deng banya orang laeng, yang kalu kase tau Tuhan Allah pe firman, cuma mo cari doi. Tapi torang, kalu torang kase tau Tuhan Allah pe firman, torang biking deng hati bersi. Tuhan Allah sandiri yang kase tugas ini pa torang deng Dia yang lia torang kase tau Tuhan Allah pe firman pa orang-orang, karna torang percaya pa Yesus Kristus.

Galatia 1:4

Tuhan Yesus Kristus yang so serakan Dia pe diri untuk tebus torang pe dosa-dosa, supaya Dia bole kase bebas pa torang dari kuasa jahat yang skarang ada di dunia ini. Dia biking samua itu, iko Tuhan Allah, torang pe Bapa pe mau.

Galatia 5:13

Sudara-sudara, Tuhan Allah so pangge pa ngoni iko pa Dia, deng bagitu ngoni bisa bebas dari aturan-aturan di lima kitab Musa untuk dapa slamat. Cuma jang ngoni pikir ngoni so bebas, turus ngoni bole biking kalakuang yang tara bagus iko apa saja yang ngoni suka. Bukang bagitu. Tapi yang butul yang musti biking itu, ngoni musti baku-baku layani karna ngoni baku sayang.

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Galatia 6:9

Jang torang pastiu untuk salalu biking barang yang bae, karna kalu torang tetap biking yang bae, Tuhan mo balas torang pe bae itu di waktu yang Dia so tentukan, itu sama deng petani mo dapa hasil dari apa yang dia so tanam di kobong.

1 Tesalonika 3:6

Tapi skarang Timotius so bale dari ngoni di Tesalonika, kong dia kase tau kabar tentang ngoni yang biking torang sanang. Dia carita, ngoni tetap percaya pa Yesus deng baku sayang. Ngoni me inga pa torang deng rasa sanang. Kong ngoni suka mo baku dapa ulang deng torang, sama deng torang me suka baku dapa deng ngoni.

2 Tesalonika 1:11

Kong karna torang tau Tuhan mo datang, torang salalu berdoa lagi untuk ngoni. Tuhan Allah so pangge pa ngoni jadi Dia pe umat sandiri, jadi torang berdoa la Tuhan biking ngoni pantas jadi Dia pe umat. Torang me berdoa supaya Tuhan Allah pake Dia pe kuasa la tolong pa ngoni kase selesai samua hal yang bae yang ngoni suka mo biking, ngoni biking samua itu karna ngoni percaya pa Yesus.

2 Tesalonika 1:3

Sudara-sudara, torang salalu bilang tarimakasi pa Tuhan Allah untuk ngoni. Torang memang musti biking bagitu karna ngoni pe percaya pa Yesus Kristus lebe tatamba, deng karna ngoni lebe tamba baku sayang.

1 Timotius 1:14

Mala, torang pe Tuhan kase Dia pe bae pa kita talebe-lebe, sampe kita jadi percaya pa Dia, deng jadi sayang pa orang laeng. Samua itu karna kita so hidup satu hati deng Kristus Yesus.

1 Timotius 2:3

Kalu torang berdoa untuk samua orang, itu yang bagus, deng yang biking Tuhan Allah sanang. Dia itu yang kase slamat pa torang,

Ibrani 10:36

Karna itu, ngoni musti batahang percaya biar dapa siksa, supaya kalu ngoni so biking apa yang Tuhan Allah mau, ngoni mo tarima apa yang Dia so janji itu.

Ibrani 11:17

Karna Abraham percaya pa Tuhan Allah, Abraham kase dia pe ana Ishak jadi korban persembahan waktu Tuhan Allah tes pa dia. Ishak itu, Abraham pe ana cuma satu itu saja, deng yang Tuhan Allah so janji mo ada banya turunan dari ana itu.

Ibrani 13:21

supaya Dia kase pa ngoni samua yang ngoni perlu la ngoni bisa biking Dia pe mau, deng supaya Yesus Kristus bakarja di torang pe hati la biking torang mampo biking Tuhan Allah pe hati sanang. Puji deng hormat suda pa Dia sampe slama-lamanya! Amin.

Ibrani 4:11

Jadi, mari suda torang berusaha supaya torang bole baistrahat sama-sama deng Tuhan Allah. Jang sampe ada satu dari torang yang tara dapa baistrahat itu karna dia iko torang pe orang tua dulu-dulu pe sifat yang tara dengar-dengaran pa Tuhan Allah.

Ibrani 6:15

Abraham batunggu-tunggu janji itu deng sabar, kong deng bagitu, dia tarima apa yang Tuhan Allah janji itu.

1 Petrus 3:4

Tapi kalu ngoni mau butul-butul cantik, ngoni musti cantik dari dalam hati sama deng ini: hati yang tara sombong deng hati yang tenang. Itu parampuang pe cantik yang tara ilang sampe tua, deng itu yang dapa lia bagus skali pa Tuhan Allah pe muka.

1 Yohanes 3:18

Jadi, ngoni yang kita sayang sama deng kita pe ana-ana, kalu torang sayang orang, jang cuma di mulu saja atau cuma bilang torang sayang pa dorang tapi torang tara biking apa-apa. Mari suda torang sayang pa orang butul-butul iko deng apa yang torang biking tiap hari pa orang laeng.

1 Yohanes 3:21

Sudara-sudara yang kita sayang, kalu di torang pe hati torang tau torang tara sala, torang tara usa tako lagi badekat pa Tuhan Allah.

1 Yohanes 3:3

Samua orang yang baharap pa Tuhan sama deng itu, orang itu musti salalu hidup deng hati bersi sama deng Yesus Kristus yang suci itu.

1 Yohanes 5:3

Kalu torang sayang pa Tuhan Allah, torang iko Dia pe parenta-parenta. Kong Dia pe parenta-parenta itu tara susa untuk torang biking.

Wahyu 2:19

Kita tau samua yang ngoni jaga biking. Ngoni samua baku sayang, deng ngoni tetap percaya pa Kita. Kita me tau bagimana ngoni jaga layani orang deng ngoni tetap batahang biar so dapa siksa. Kita tau apa yang ngoni biking skarang lebe banya dari waktu ngoni baru percaya pa Kita.

Wahyu 3:10

Ngoni tetap batahang percaya pa Kita biar ngoni dapa siksa, kong deng bagitu ngoni so biking Kita pe parenta. Karna itu, nanti Kita mo jaga pa ngoni supaya ngoni tara dapa siksa yang hebat yang nanti mo jadi untuk samua orang di dunia ini. Siksa itu untuk uji samua orang di dunia ini la dapa tau sapa orang-orang yang butul-butul percaya pa Tuhan Allah.