1 Petrus 5:9 - Perjanjian Baru Bahasa Melayu Maluku Utara

⁹ Kase kuat ngoni pe percaya pa Tuhan deng lawan pa Iblis, barang ngoni tau, bukang cuma ngoni yang dapa siksa karna percaya, tapi ngoni pe sudara-sudara yang percaya di seluru dunia ini me, dapa siksa sama deng yang ngoni rasa.

1 Petrus 5:9 ပူးပေါင်းရင်းမြစ်များ

Lukas 22:32

Tapi Kita so berdoa supaya ngana tetap percaya pa Kita. Ngana nanti bale balakang pa Kita, tapi waktu ngana pe percaya pa Kita so kuat ulang, ngana musti kase kuat pa ngana pe sudara-sudara pe hati lagi supaya dorang tetap percaya pa Kita.”

Yohanes 16:33

Kita kase tau samua yang mo jadi itu, supaya ngoni bole hidup deng hati tenang, karna ngoni so percaya pa Kita. Di dunia ini ngoni mo rasa menderita karna mo dapa siksa, tapi kase kuat suda ngoni pe hati! Barang, Kita so kase kala samua kuasa di dunia ini.”

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

1 Korintus 10:13

Tiap kali ngoni dapa coba untuk biking dosa, ngoni musti inga, samua manusia jaga dapa cobaan macam bagitu. Tapi Tuhan Allah salalu setia deng Dia pe janji pa ngoni, jadi Dia tara akan kase biar ngoni dapa cobaan yang lebe dari yang ngoni mampo tanggung. Waktu ngoni dapa cobaan, Dia akan kase jalang kaluar, supaya ngoni mampo tahang mangada cobaan itu.

Efesus 4:27

supaya jang Iblis, setang-setang pe raja dapa kesempatan pengaru pa ngoni untuk biking dosa.

Efesus 6:16

Kong di keadaan apa saja, ngoni musti pegang kuat ngoni pe percaya, supaya ngoni bole lawan pa Iblis yang mo serang pa ngoni. Deng bagitu, ngoni itu bole kase sama deng tentara yang salalu pegang dia pe alat prang untuk kase pele dia pe diri dari samua pana api dari musu yang datang serang.

Kolose 2:5

Barang, biar lagi kita tara sama-sama deng ngoni di sana, tapi kita tetap inga pa ngoni, jadi anggap saja kita ada sama-sama deng ngoni. Kita sanang lagi, dapa dengar ngoni so satu hati kong ngoni pe percaya tetap kuat pa Yesus Kristus.

1 Tesalonika 3:3

Deng bagitu, biar ngoni dapa siksa, ngoni tetap batahang percaya pa Yesus. Barang, ngoni sandiri me tau, orang yang percaya pa Yesus pasti mo menderita.

1 Timotius 6:12

Ngana musti berusaha turus percaya pa Tuhan Allah, sama deng orang yang iko lomba yang berusaha mo dapa piala. Tuhan Allah so pangge pa ngana untuk hidup deng Dia slama-lamanya. Waktu Tuhan Allah pangge pa ngana, ngana mangaku sunggu-sunggu percaya pa Yesus Kristus di orang banya pe muka.

2 Timotius 3:12

Memang samua orang yang percaya pa Kristus Yesus deng berusaha hidup iko Dia pe mau akan dapa siksa.

2 Timotius 4:7

Kita so karja karas biking kita pe tugas itu deng bae sampe selesai, sama deng orang yang iko lomba lari sampe di finis. Deng kita tetap percaya pa Yesus Kristus.

Ibrani 11:33

Dorang samua itu percaya pa Tuhan Allah, sampe ada dari dorang yang kase kala kerajaan-kerajaan, ada yang bapimpin deng adil, ada yang tarima apa yang Tuhan Allah janji pa dorang, deng ada lagi yang tutu singa-singa pe mulu.

Ibrani 12:8

Tapi kalu ngoni tara dapa togor macam deng samua Tuhan Allah pe ana-ana dapa, itu berarti, ngoni bukang Tuhan Allah pe ana-ana.

Yakobus 4:7

Jadi serakan suda ngoni pe diri pa Tuhan Allah kong iko pa Dia. Ngoni lawan suda pa Iblis, setang-setang pe raja supaya dia akan lari dari ngoni.

1 Petrus 1:6

Tuhan Allah so biking samua itu, karna itu ngoni basimore suda, biar untuk sementara waktu ngoni pe hati susa karna macam-macam sengsara yang ngoni dapa di dunia skarang ini.

1 Petrus 2:21

Karna Tuhan Allah pangge pa ngoni untuk biking barang yang bae biar lagi menderita, barang Yesus Kristus me so menderita kong so kase conto tahang menderita, supaya ngoni pe hidup me iko conto yang Dia so kase tunju.

1 Petrus 3:14

Tapi biar lagi ngoni musti menderita karna biking barang yang butul, ngoni itu akan paling sanang. Karna itu, tara perlu ngoni tako pa sapa-sapa, deng jang ngoni hawater suda.

1 Petrus 4:13

Tapi lebe bae, ngoni sanang suda deng siksa yang ngoni dapa itu, karna itu berarti, ngoni so rasa sadiki siksa yang perna Yesus Kristus rasa. Deng bagitu, nanti waktu Dia datang ulang kong kase tunju Dia pe kuasa yang luar biasa, ngoni akan sanang deng basimore skali.

Wahyu 1:9

Kita Yohanes, ngoni pe sudara yang sama-sama dapa siksa karna percaya pa Yesus. Torang sama-sama percaya pa Yesus yang Berkuasa sebagai Raja pa torang pe hidup, deng biar dapa siksa, torang tahang mangada siksa itu. Kong kita ini dapa buang di pulo yang pe nama Patmos, karna kita kase tau Tuhan Allah pe firman deng kase tau Yesus pe pasáng pa orang-orang.

Wahyu 6:11

Abis itu, samua orang mati itu pe roh masing-masing tarima dong pe juba puti, kong ada yang bilang pa dorang, supaya tunggu sadiki karna dong pe jumla bolong genap. Barang, masi ada lagi dong pe sudara-sudara yang percaya, deng orang laeng yang jaga biking apa yang Tuhan suru yang nanti mo mati dapa bunu sama deng dorang itu. Waktu itu, baru dong pe jumla jadi genap, kong Tuhan mo hukum pa orang-orang di dunia.

Wahyu 7:14

Kita jawab, “Bapa saja yang tau sapa dorang itu.” Kong dia bilang pa kita, “Dorang itu orang-orang yang so bebas dari sengsara yang hebat skali. Dorang pe baju so jadi puti bersi, itu pe arti, dorang pe dosa-dosa so dapa tebus, karna Anak Domba so mati untuk dorang.