1 Petrus 5:6 - Perjanjian Baru Bahasa Melayu Maluku Utara

⁶ Karna itu, ngoni musti hidup sama deng orang yang tara arti apa-apa pa Tuhan Allah pe muka. Kalu ngoni biking bagitu, nanti pas di waktu yang Dia so tentukan, Dia yang pe kuasa basar itu mo angka pa ngoni samua la dapa hormat.

1 Petrus 5:6 ပူးပေါင်းရင်းမြစ်များ

Matius 23:12

Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Lukas 1:52

Dia kase turung raja-raja dari dorang pe jabatan, kong Dia angka pa orang-orang yang tarada arti apa-apa.

Lukas 14:11

Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Lukas 18:14

Jadi ini yang Kita mo bilang pa ngoni: tukang tagi pajak itu pulang pa dia pe ruma, kong Tuhan Allah biking dia jadi orang yang tara sala pa Tuhan Allah pe muka, tapi orang dari aliran Farisi itu, tarada. Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri tara arti apa-apa pa Tuhan Allah pe muka, Tuhan Allah mo angka pa dia jadi orang yang penting.”

Roma 5:6

Tuhan Allah pe sayang pa torang itu bagini: waktu torang tara bisa biking apa-apa la bebas dari dosa-dosa, Yesus Kristus mati untuk torang yang hidup tara iko Tuhan Allah pe mau. Yesus Kristus mati, pas di waktu yang Tuhan Allah so tentukan.

1 Korintus 10:22

Kalu ngoni ambe bagian untuk semba pa puji-puji itu, ngoni biking Tuhan mara. Atau jang sampe ngoni pikir ngoni pe kuasa lebe kuat dari Tuhan, kong Tuhan tara mo hukum pa ngoni.

1 Timotius 2:6

Dia serakan Dia pe diri untuk kase slamat samua manusia dari dosa. Deng bagitu, Tuhan Allah kase tunju bukti di waktu yang Dia tentukan, Dia ingin supaya samua manusia dapa slamat.

Titus 1:3

Kong pas di waktu yang Tuhan Allah so tentukan, Dia kase tau Kabar Bae itu la orang tau cara mo dapa hidup deng Dia slama-lamanya. Kabar Bae ini yang Tuhan Allah so kase percaya pa kita la kita kase tau pa orang-orang. Tuhan Allah itu yang kase slamat pa torang.

Yakobus 4:10

Ngoni musti hidup sama deng orang yang tara arti apa-apa pa Tuhan Allah pe muka, kong deng bagitu, Dia mo biking ngoni jadi orang yang penting pa Dia pe muka.

Yakobus 4:7

Jadi serakan suda ngoni pe diri pa Tuhan Allah kong iko pa Dia. Ngoni lawan suda pa Iblis, setang-setang pe raja supaya dia akan lari dari ngoni.

Yakobus 5:10

Sudara-sudara, iko yang nabi-nabi so kase conto. Waktu dorang kase turus Tuhan Allah pe pasáng, dorang dapa tantang sampe menderita macam-macam. Tapi biar bagitu, dorang tetap sabar deng tara berenti kase tau Tuhan Allah pe pasáng turus.