1 Petrus 5:2 - Perjanjian Baru Bahasa Melayu Maluku Utara

² jaga bae-bae pa orang-orang percaya yang Tuhan Allah so kase untuk ngoni jaga, sama deng gembala jaga dia pe domba. Jaga pa dorang deng hati sanang iko Tuhan Allah pe mau. Jang jaga pa dorang cuma karna terpaksa atau karna mau dapa gaji saja. Tapi ngoni jaga pa dorang karna butul-butul ngoni mo tolong pa dorang.

1 Petrus 5:2 ပူးပေါင်းရင်းမြစ်များ

Lukas 12:32

Yesus bilang lagi, “Ngoni yang iko pa Kita cuma sadiki, sama deng domba-domba satu kelompok kacil. Tapi biar bagitu me jang ngoni tako! Karna ngoni pe Bapa sanang skali ngoni mo sama-sama deng Dia Berkuasa sebagai Raja.

Kisah Para Rasul 20:29

Kita tau kalu kita so kase tinggal pa ngoni nanti, ada orang-orang yang dong pe sifat sama deng anjing utang yang jahat mo maso pa ngoni pe tenga-tenga, kong dorang berusaha mo kase ancor jemaat yang ngoni jaga itu.

Kisah Para Rasul 21:13

Tapi Paulus bilang pa torang, “Bikiapa kong ngoni manangis? Ngoni bagini biking kita pe hati tamba barát. Kita siap pigi di Yerusalem biar apa saja yang mo jadi pa kita di situ. Kita so siap, bukang cuma mo dapa ika saja, tapi kita me so siap mati karna kase tau tentang Tuhan Yesus.”

Roma 1:15

Itu dia pe sebab, sampe kita pe hati ingin skali mo kase tau Kabar Bae tentang Yesus Kristus pa ngoni lagi yang tinggal di kota Roma.

1 Korintus 9:7

Coba ngoni pikir, tarada tentara yang baongkos dia pe diri sandiri waktu biking dia pe tugas. Tarada orang kobong yang tanam anggur, kong tara makang dari dia pe hasil kobong itu. Turus, tarada orang yang piara domba, kong tara minum susu dari domba itu. Samua itu butul, to?

1 Timotius 3:3

dia tara pangmabo, dia tara pangmara tapi bae-bae, dia suka baku bawa bae deng orang, deng dia tara gila doi.

1 Timotius 3:8

Bagitu lagi diaken-diaken yang jaga bantu di jemaat. Dorang pe cara hidup musti bagini: kalakuang bae yang biking orang hormati pa dorang, tara munafik, tara pangmabo, deng tara gila doi.

Titus 1:11

Orang-orang yang bagitu, ngana musti larang pa dorang supaya jang dong ajar lagi ajaran yang tara butul itu. Barang, dorang so biking kaco banya keluarga deng dong pe ajaran itu. Padahal dorang itu mangajar cuma karna mau dapa doi.

Titus 1:7

Barang, orang yang pimpin jemaat, dia pe karja itu urus Tuhan Allah pe jemaat. Dia pe cara hidup musti butul, tara sombong, tara pangmara, tara pangmabo, tara pukul-pukul orang, deng tara gila doi.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

Titus 3:1

Titus, ngana musti kase inga pa orang-orang percaya supaya dorang salalu dengar-dengaran pa pemerinta deng pa sapa saja yang berkuasa. Kong dorang me musti salalu siap biking apa saja yang bae.

Filemon 1:14

Tapi kalu ngana tara setuju, kita tara mo suru dia tinggal la bantu deng kita di sini. Kita mau ngana sandiri yang suru pa dia, supaya tara kantara kita paksa pa ngana la suru dia tinggal.

Ibrani 12:15

Ngoni musti ati-ati. Jang sampe ada dari ngoni yang kase tinggal dia pe percaya pa Tuhan Allah sampe dia tara rasa lagi Tuhan Allah pe bae. Barang, orang yang kase tinggal dia pe percaya pa Tuhan Allah, dia itu pe hati saki, jadi jaga pengaru pa banya orang. Orang itu bole kase sama deng tanaman yang ada dia pe racong kong kase rusak tanaman laeng.

2 Petrus 2:3

Guru-guru palsu itu gila doi, jadi dorang karang-karang carita la tipu pa ngoni samua, supaya dong dapa doi. Tapi dari dulu, Tuhan Allah so rencana untuk hukum pa dorang. Dorang itu pasti mo mati tapisa dari Tuhan Allah slama-lamanya.