1 Petrus 5:1 - Perjanjian Baru Bahasa Melayu Maluku Utara

¹ Skarang kita mo kase nasehat pa ngoni yang jadi penatua di jemaat-jemaat karna kita me penatua. Kita ini perna lia deng mata kapala sandiri waktu Yesus Kristus dapa siksa. Kong nanti waktu Yesus Kristus datang ulang yang kedua kali kase tunju Dia pe kuasa yang luar biasa pa samua orang, kita me akan tarima bagian itu. Jadi ini kita pe nasehat:

1 Petrus 5:1 ပူးပေါင်းရင်းမြစ်များ

Lukas 24:48

Kong ngoni yang so lia deng mata kapala sandiri apa yang so jadi pa Kita, ngoni musti kase carita pa orang-orang apa yang ngoni so lia itu.

Kisah Para Rasul 1:22

mulai dari Yohanes baptis pa Yesus sampe Yesus taangka ka atas di sorga kase tinggal pa torang. Orang itu mo sama-sama deng torang untuk jadi saksi kase tau pa orang-orang, Yesus so hidup ulang.”

Kisah Para Rasul 1:8

Tapi nanti Roh Kudus mo turung pa ngoni, baru ngoni mo dapa kuasa. Kong deng kuasa itu, ngoni mo jadi Kita pe saksi la pigi kase tau tentang Kita pa orang-orang di kota Yerusalem, di daera Yudea, daera Samaria, sampe di tampa-tampa yang jao skali di dunia ini.”

Kisah Para Rasul 11:30

Abis kumpul doi itu, dorang tunju pa Barnabas deng Saulus bawa doi itu la kase pa penatua-penatua di daera Yudea.

Kisah Para Rasul 14:23

Pe abis bilang bagitu, Paulus deng Barnabas tunju penatua-penatua untuk tiap-tiap jemaat. Dorang bapuasa deng berdoa, kong serakan penatua-penatua itu pa Tuhan yang dong percaya itu supaya Dia pake pa dorang.

Kisah Para Rasul 15:4

Pe sampe di kota Yerusalem, rasul-rasul, penatua-penatua deng samua jemaat tarima deng bae pa dorang dua. Di situ, dorang dua kase carita samua yang Tuhan Allah so bantu dong dua biking.

Kisah Para Rasul 15:6

Turus, rasul-rasul deng penatua-penatua bakumpul untuk biking rapat la mo bicara masala itu.

Kisah Para Rasul 2:32

Orang yang Daud carita, Dia itu Yesus suda. Yesus itu yang Tuhan Allah so kase hidup ulang kong torang samua so lia deng torang pe mata kapala sandiri, Dia so hidup ulang.

Kisah Para Rasul 20:17

Waktu Paulus di kota Miletus, dia suru orang pigi di kota Efesus la pangge pa penatua-penatua jemaat di situ supaya dorang datang baku dapa deng dia di Miletus.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Kisah Para Rasul 21:18

Dia pe beso, Paulus deng torang pigi baku dapa deng Yakobus. Di sana, samua penatua so ada.

Kisah Para Rasul 3:15

Ngoni so bunu pa Yesus. Padahal Dia itu yang biking torang samua bisa hidup. Tapi Tuhan Allah so kase hidup ulang pa Dia. Torang ini so lia deng torang pe mata kapala sandiri, Dia so hidup ulang.

2 Korintus 5:1

Torang pe badan di dunia ini sama deng ruma yang tong tinggal tara lama. Jadi torang tau, waktu torang orang percaya mati, itu sama deng tong pe tampa tinggal itu ancor, kong Tuhan Allah nanti kase pa torang tampa tinggal yang baru supaya bole tinggal di sorga. Tampa tinggal itu bukang ruma yang manusia biking, tapi badan yang baru, yang hidup deng Tuhan Allah slama-lamanya.

2 Korintus 5:8

Jadi torang pe hati tetap kuat, kong torang lebe suka kase tinggal tong pe badan di dunia ini, la tinggal deng Tuhan di sorga.

Filipi 1:19

barang kita tau, kita akan slamat dari sengsara ini, karna ngoni pe doa deng karna Yesus Kristus pe Roh mo tolong pa kita.

1 Timotius 5:1

Timotius, kalu ada laki-laki yang lebe tua dari ngana biking sala, jang ngana togor deng karas pa dia. Tapi nasehat pa dia palang-palang, bicara bae-bae sama deng ngana bicara pa ngana pe papa sandiri. Bagitu lagi deng ana laki-laki muda, ngana musti nasehat pa dorang bae-bae sama deng dorang itu ngana pe ade sandiri.

1 Timotius 5:19

Kalu ada orang yang lapor penatua satu biking dosa, jang dulu ngana percaya. Musti ada dua atau tiga saksi supaya laporan itu kuat, baru ngana percaya kong urus pa dia.

2 Timotius 4:8

Satu conto lagi, kalu orang iko lomba kong juara, dia dapa hadia. Bagitu lagi deng kita, Tuhan so kase sadia kita pe hadia karna Dia lia kita hidup butul pa Dia pe muka. Hadia itu Dia simpang kong nanti Dia mo kase pa kita di hari yang Dia mo adili pa samua orang deng adil. Hadia itu bukang cuma kita yang mo dapa, tapi samua orang yang percaya yang tunggu-tunggu Dia datang lagi, dorang me mo dapa.

Titus 1:5

Titus, kita kase tinggal pa ngana di pulo Kreta itu, supaya ngana bole ator babarapa hal yang bolong selesai di jemaat, deng ngana pigi di kota-kota la lantik penatua-penatua jemaat, sama deng yang kita so suru pa ngana.

Filemon 1:9

Tapi kita inga ngana pe sayang pa orang-orang percaya. Karna itu, kita tara mo suru-suru pa ngana, tapi kita lebe suka minta pa ngana. Kita ini so tua, deng apalagi skarang kita me ada dapa kase maso dalam penjara karna kita kase tau tentang Kristus Yesus pa orang-orang.

Ibrani 12:1

Sudara-sudara, biar orang-orang percaya dulu-dulu yang kita so bilang tadi itu so mati, dorang pe percaya waktu dong hidup di dunia itu jadi conto la torang iko, sama deng dorang masi hidup kong ada kuliling pa torang. Jadi, mari suda torang berusaha untuk buang samua beban deng lapas suda dosa-dosa yang masi malakat pa tong pe diri, supaya torang tara ada alangan apa-apa, la torang bole percaya butul-butul pa Tuhan Allah. Mari torang berusaha iko pa Dia sama deng torang ada iko lomba lari, torang tara berenti tapi lari turus sampe di garis finis.

1 Petrus 1:12

Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.

1 Petrus 1:7

Sengsara yang ngoni dapa itu jadi bukti, ngoni butul-butul percaya pa Tuhan. Itu sama deng mas yang kalu mo tau dia pe asli musti bakar dulu deng api. Tapi ngoni pe percaya lebe berharga dari mas, karna mas itu tara akan ada turus-turus. Kalu ngoni so lolos dari cobaan itu, nanti di hari kiamat, waktu Yesus Kristus datang ulang, Dia mo puji deng hormat pa ngoni.

1 Petrus 4:13

Tapi lebe bae, ngoni sanang suda deng siksa yang ngoni dapa itu, karna itu berarti, ngoni so rasa sadiki siksa yang perna Yesus Kristus rasa. Deng bagitu, nanti waktu Dia datang ulang kong kase tunju Dia pe kuasa yang luar biasa, ngoni akan sanang deng basimore skali.

1 Petrus 5:4

Nanti waktu Yesus Kristus yang jadi Gembala di atas samua gembala itu datang ulang, ngoni akan tarima hadia yang luar biasa yang tara akan ilang sampe slama-lamanya.

1 Yohanes 3:2

Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.

2 Yohanes 1:1

Ibu yang Tuhan Allah pili iko pa Dia deng ibu pe ana-ana, yang butul-butul kita sayang. Salam dari kita, penatua di jemaat. Bukang cuma kita yang sayang pa ngoni, tapi samua orang yang iko Tuhan pe ajaran me sayang pa ngoni.

3 Yohanes 1:1

Kita pe tamang Gayus, yang butul-butul kita sayang. Salam dari kita Yohanes, penatua di jemaat.

Wahyu 1:9

Kita Yohanes, ngoni pe sudara yang sama-sama dapa siksa karna percaya pa Yesus. Torang sama-sama percaya pa Yesus yang Berkuasa sebagai Raja pa torang pe hidup, deng biar dapa siksa, torang tahang mangada siksa itu. Kong kita ini dapa buang di pulo yang pe nama Patmos, karna kita kase tau Tuhan Allah pe firman deng kase tau Yesus pe pasáng pa orang-orang.