1 Petrus 4:9 - Perjanjian Baru Bahasa Melayu Maluku Utara

⁹ Ngoni me musti tarima orang laeng di ngoni pe ruma deng sanang hati, jang mengelu.

1 Petrus 4:9 ပူးပေါင်းရင်းမြစ်များ

Roma 12:13

Ngoni musti tolong pa orang-orang yang so jadi Tuhan Allah pe umat yang pe hidup kekurangan. Kong ngoni musti tarima pa orang-orang di ngoni pe ruma deng hati sanang.

Roma 16:23

Gayus lagi ada kirim salam pa ngoni. Dia yang ada kase dia pe ruma untuk kita manumpang, deng dia lagi ada kase dia pe ruma pa jemaat la bakumpul untuk baibada. Kong Erastus, bendahara kota, deng torang pe sudara yang percaya yang pe nama Kwartus, ada kirim salam lagi pa ngoni.

2 Korintus 9:7

Jadi, tiap orang musti kase apa yang dia sandiri so putuskan mo bakase. Jang bakase deng hati barát atau karna terpaksa. Barang, Tuhan Allah sayang pa orang yang bakase deng hati sanang.

Filipi 2:14

Apa saja yang ngoni biking, biking suda itu kong jang mengelu-mengelu deng jang baku-baku malawang,

1 Timotius 3:2

Karna itu, ada sarat-sarat untuk orang-orang yang pimpin jemaat. Dorang itu pe cara hidup musti bagini: hidup butul, dia pe bini cuma satu, dia bisa batahang diri, dia tau ator hal bae-bae, dia sopan, dia suka tarima orang di dia pe ruma, dia pande mangajar,

Titus 1:8

Tapi dia musti suka tarima orang laeng di dia pe ruma, deng suka hal-hal yang bae. Dia me musti tau bawa diri bae-bae, hidup butul pa Tuhan Allah pe muka, hidup cuma iko Tuhan Allah pe mau, deng mampo batahang diri.

Filemon 1:14

Tapi kalu ngana tara setuju, kita tara mo suru dia tinggal la bantu deng kita di sini. Kita mau ngana sandiri yang suru pa dia, supaya tara kantara kita paksa pa ngana la suru dia tinggal.

Ibrani 13:16

Deng jang ngoni lupa biking yang bae pa orang, deng tolong pa dorang. Barang, deng ngoni bantu orang, itu sama saja deng ngoni so serakan ngoni pe korban persembahan pa Tuhan Allah yang biking Dia pe hati sanang.

Ibrani 13:2

Ngoni musti tarima pa orang-orang yang ngoni bolong kanal di ngoni pe ruma. Barang, ada babarapa orang yang tarima pa orang laeng pa dong pe ruma, dong kira orang biasa, padahal yang dong tarima itu malaekat-malaekat.

Yakobus 5:9

Sudara-sudara, jang ngoni mengelu deng baku tudu, supaya ngoni tara dapa hukum. Inga e, Tuhan so mo datang ulang. Dia sama deng hakim yang mo adili pa samua orang.