1 Petrus 4:16 - Perjanjian Baru Bahasa Melayu Maluku Utara

¹⁶ Tapi, kalu ngoni dapa siksa karna ngoni orang Kristen, jang ngoni malu. Lebe bae ngoni puji deng hormat pa Tuhan Allah karna ngoni so jadi Yesus Kristus pe umat.

1 Petrus 4:16 ပူးပေါင်းရင်းမြစ်များ

Kisah Para Rasul 11:26

Barnabas deng Saulus tinggal sama-sama deng jemaat di situ, dia pe lama satu taong. Di situ dorang mangajar tentang Yesus pa orang banya. Di Antiokhia itu suda, orang-orang yang jaga iko Yesus pe ajaran yang kakamuka dapa sebut, Kristen.

Kisah Para Rasul 26:28

Kong raja Agripa bilang pa Paulus, “Paulus, ngana kira gampang mo biking kita percaya kong jadi orang Kristen deng waktu yang pe singkat ini?”

Kisah Para Rasul 28:22

Jadi skarang, torang mo dengar sandiri dari ngana tentang aliran Nasrani, yang torang tau di mana-mana orang-orang tara suka.”

Kisah Para Rasul 5:41

Pe kaluar dari Mahkama Agama pe tampa urus perkara, rasul-rasul itu sanang skali karna Tuhan Allah anggap dorang pantas dapa siksa karna iko pa Tuhan Yesus.

Filipi 1:20

Kong yang butul-butul kita ingin deng harap itu, kita barani biking apa saja yang Yesus Kristus suru pa kita, sama deng yang kita so biking dari dulu, supaya kita tara biking apa-apa yang biking malu kita pe diri. Yang penting itu Yesus Kristus dapa puji deng hormat dalam kita pe hidup, waktu kita masi hidup atau kita so mati.

Filipi 1:29

Jang ngoni tako, karna Tuhan Allah kase Dia pe bae pa ngoni bukang supaya ngoni percaya pa Yesus Kristus saja, tapi Dia me ator supaya ngoni dapa siksa dari orang yang tara percaya, kong deng bagitu, Yesus Kristus dapa puji.

2 Timotius 1:12

Kong karna kita kase tau Kabar Bae itu, kita dapa siksa dari orang-orang yang tara suka Kabar Bae itu sampe dong kase maso pa kita di penjara. Tapi biar bagitu me, kita tara malu, karna kita tau butul Tuhan yang kita percaya itu, deng kita yakin Dia pe kuasa ada pa kita turus untuk jaga tugas yang Dia so kase percaya pa kita sampe Dia datang ulang yang kedua kali.

Yakobus 2:7

Orang kaya itu yang jaga kase tara bae Yesus Kristus pe nama. Yesus Kristus itu yang torang puji, kong yang biking torang jadi Tuhan Allah punya.

1 Petrus 2:12

Ngoni pe kalakuang musti bagus di orang-orang yang tara kanal pa Tuhan Allah pe muka, supaya kalu dong bicara tara bae tentang ngoni kong bilang kata, ngoni jaga biking barang yang jahat, dorang tau itu tara butul karna dorang akan dapa lia ngoni pe kalakuang-kalakuang yang bagus. Jadi, waktu hari kiamat kong Tuhan Allah datang ulang, dorang akan puji deng hormat pa Tuhan Allah.

1 Petrus 4:11

Ambe conto bagini, kalu ada orang yang dapa karunia untuk kase tau Tuhan Allah pe firman pa orang-orang, dia musti pake karunia itu supaya orang mangarti Tuhan Allah pe firman. Kalu ada orang yang dapa karunia untuk bantu pa orang, dia pake karunia yang dia pe kekuatan dari Tuhan Allah itu untuk tolong pa orang. Jadi, pake karunia yang ada pa ngoni itu bae-bae la orang bole puji deng hormat pa Tuhan Allah. Tuhan Allah dapa puji karna ngoni itu Yesus Kristus pe umat. Tuhan Allah itu memang hebat deng Dia pe kuasa ada sampe slama-lamanya. Amin.

1 Petrus 4:14

Kalu ngoni dapa hina karna ngoni iko pa Yesus Kristus, ngoni itu paling sanang suda! Barang, itu berarti Tuhan Allah pe Roh yang luar biasa ada sama-sama deng ngoni.

1 Petrus 4:19

Jadi, kalu ada orang yang dapa siksa karna Tuhan Allah pe mau, dia musti serakan dia pe diri pa Tuhan Allah, deng dia musti biking barang yang bae turus. Tuhan Allah itu yang so biking samua-samua deng Dia itu setia.