1 Petrus 4:10 - Perjanjian Baru Bahasa Melayu Maluku Utara

¹⁰ Tiap orang dari ngoni so tarima karunia dari Tuhan Allah untuk layani satu deng yang laeng. Tuhan Allah kase karunia itu karna Dia pe bae, jadi tiap orang musti pake macam-macam karunia itu bae-bae.

1 Petrus 4:10 ပူးပေါင်းရင်းမြစ်များ

Matius 20:28

Itu sama deng Anak Manusia yang dari sorga datang di dunia ini bukang untuk dapa layani, tapi untuk layani deng kase diri mati la tebus orang banya pe dosa.”

Matius 24:14

Kong nanti Kabar Bae tentang Tuhan Allah Berkuasa sebagai Raja akan tasiar di seluru dunia la samua suku dapa kesempatan untuk tarima Kabar Bae itu. Abis itu, baru dunia mo kiamat.”

Matius 24:21

Barang, hari-hari itu sengsara skali, lebe sengsara dari samua yang orang perna rasa. Mulai dari pertama Tuhan Allah cipta dunia ini sampe skarang, so tara ada sengsara yang mo jadi sama deng itu, deng itu so tara akan jadi lagi.

Matius 24:45

Yesus bilang lagi, “Kalu ada orang karja yang pande deng setia, dia pe tuang angka pa dia jadi kapala untuk kase makang pa dia pe orang-orang karja yang laeng pas di dia pe waktu.

Matius 25:17

Bagitu lagi deng orang karja yang tarima doi mas dua tas. Dia kase putar doi itu, kong dia dapa untung doi mas dua tas lagi.

Matius 25:44

Kong nanti orang-orang itu me mo bilang bagini, ‘Tuhan, tempo apa torang lia Tuhan lapar, aus, jadi pendatang, tarada baju, saki, atau ada di penjara kong torang tara layani pa Tuhan?’

Markus 10:45

Barang, Anak Manusia yang dari sorga me datang di dunia ini bukang untuk dapa layani, tapi untuk layani deng kase diri la tebus orang banya pe dosa.”

Lukas 12:42

Kong Tuhan Yesus jawab pa dorang pake umpama bagini, “Kalu ada orang karja yang pande deng setia pa dia pe tuang, dia pe tuang mo angka pa dia jadi kapala untuk kase makang pa samua dia pe orang karja yang laeng pas pa dia pe waktu.

Lukas 19:13

Waktu dia mo pigi, dia pangge dia pe orang karja spulu orang kong kase doi mas pa dorang satu-satu, kong dia bilang bagini, ‘Ngoni pake ini untuk badagang sampe kita bale kamari.’

Lukas 8:3

Ada lagi Yohana, Khuza pe bini. Khuza ini kapala pelayan di raja Herodes pe istana. Deng ada yang nama Susana deng banya parampuang laeng. Samua parampuang ini pake dong pe harta untuk bantu pa Yesus deng Dia pe murit-murit pe hidup hari-hari.

Roma 15:25

Tapi kita bolong pigi pa ngoni skarang. Kita mo pigi di Yerusalem dulu, mo antar doi sumbangan untuk orang-orang yang so jadi Tuhan Allah pe umat yang hidup susa di sana.

Roma 15:27

Dorang ada sumbang itu deng hati sanang. Deng memang pantas dorang mo bantu pa dong pe sudara yang percaya, orang-orang Yahudi di Yerusalem. Barang, orang-orang bukang Yahudi, dorang dengar Kabar Bae tentang Yesus Kristus dari orang-orang Yahudi. Jadi pantas dorang balas orang Yahudi pe bae deng cara bantu dorang pe perlu.

1 Korintus 15:10

Tapi kita jadi rasul skarang, cuma karna Tuhan Allah pe bae pa kita. Deng Dia pe bae itu tara parcuma. Mala dari samua rasul, yang karja karas itu kita. Tapi samua karja itu kita mampo biking bukang karna kita pe kemampuan sandiri, tapi karna Tuhan Allah pe bae pa kita.

1 Korintus 3:10

Tuhan Allah pe bae pa kita sampe Dia pili pa kita jadi Dia pe utusan, kong kita yang pertama kase tau Kabar Bae tentang Yesus Kristus pa ngoni. Deng bagitu, kita sama deng tukang yang tau skali kase badiri ruma, kita yang biking ruma pe fandasi. Turus, orang laeng datang ajar pa ngoni. Itu sama deng dong kase turus bangun ruma di atas fandasi itu. Tapi tiap orang yang mangajar, musti perhatikan bae-bae apa yang dia ajar itu. Itu sama deng tukang yang musti perhatikan bae-bae apa yang dia mo bangun di atas fandasi itu.

1 Korintus 4:7

Barang, kalu ngoni nilai pemimpin bagitu, itu sama deng ngoni anggap ngoni pe diri lebe penting dari orang laeng. Samua yang ngoni punya, itu dari Tuhan. Jadi bikiapa kong ngoni basombong, sama deng ngoni anggap apa yang ngoni tarima itu dari ngoni pe kemampuan sandiri, bukang dari Tuhan?

2 Korintus 6:1

Torang deng Tuhan Allah karja sama-sama untuk kase tau Kabar Bae tentang Yesus Kristus pa orang-orang. Ngoni ini so tarima Tuhan Allah pe bae waktu Yesus Kristus dapa salib, jadi torang minta pa ngoni, jang kase sia-sia Tuhan Allah pe bae itu.

2 Korintus 9:1

Sebenarnya, kita tara perlu tulis lagi pa ngoni tentang doi sumbangan untuk orang-orang yang so jadi Tuhan Allah pe umat di kota Yerusalem,

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

2 Timotius 1:18

Ngana tau butul, tempo hari dia so banya kali bantu pa kita di kota Efesus. Jadi, nanti waktu hari Kiamat, hari yang Tuhan adili pa orang-orang, kita minta supaya Tuhan kase tunju Dia pe rasa kasiang pa Onesiforus.

Titus 1:7

Barang, orang yang pimpin jemaat, dia pe karja itu urus Tuhan Allah pe jemaat. Dia pe cara hidup musti butul, tara sombong, tara pangmara, tara pangmabo, tara pukul-pukul orang, deng tara gila doi.

Ibrani 6:10

Barang, Tuhan Allah itu adil, jadi Dia tetap inga ngoni pe bae yang ngoni so biking untuk Dia, deng ngoni pe sayang yang ngoni so kase tunju pa orang-orang yang so jadi Tuhan Allah pe umat, yang ngoni layani dari dulu sampe skarang.

1 Petrus 5:10

Tapi siksa yang ngoni rasa itu cuma sementara saja. Nanti Tuhan Allah sandiri yang mo kase bae-bae ngoni pe keadaan, kase kuat ngoni pe hati, kase kuat ngoni pe percaya, deng biking ngoni tetap percaya pa Dia. Dia itu suda Tuhan Allah yang kase Dia pe bae pa manusia, yang so pangge pa ngoni untuk percaya pa Yesus Kristus, kong ngoni mo rasa Dia pe kuasa yang luar biasa untuk slama-lamanya.

1 Petrus 5:12

Silwanus yang bantu pa kita tulis surat yang pende ini pa ngoni. Silwanus ini kita pe sudara yang percaya yang bisa kita percaya. Surat ini kita tulis untuk kase smangat pa ngoni supaya ngoni tetap percaya, deng untuk kase yakin pa ngoni tentang Tuhan Allah pe bae yang Dia salalu kase pa ngoni biar ngoni sementara dapa siksa. Ngoni musti tetap yakin Tuhan Allah pe bae itu, karna itu butul.