1 Petrus 4:1 - Perjanjian Baru Bahasa Melayu Maluku Utara

¹ Yesus Kristus so menderita, karna itu ngoni musti kase kuat ngoni pe hati deng pikiran supaya siap menderita sama deng Dia. Karna sapa yang menderita, dia so berenti biking dosa.

1 Petrus 4:1 ပူးပေါင်းရင်းမြစ်များ

Markus 3:3

Yesus bilang pa orang yang dia pe tangan sabla mati itu bagini, “Mari ngana badiri di muka sini.”

Roma 6:11

Bagitu lagi deng ngoni, ngoni musti pikir, ngoni so sama deng orang yang so mati, jadi ngoni so tarada hubungan lagi deng dosa karna ngoni so satu hati deng Kristus Yesus. Jadi skarang, dosa so tara kuasai lagi pa ngoni, tapi ngoni cuma hidup untuk Tuhan Allah.

Roma 6:2

Pasti tara bagitu to? Karna waktu torang percaya pa Yesus Kristus, torang deng dosa itu so tarada hubungan lagi, torang so sama deng orang yang so mati kong so tara biking dosa. Jadi torang so tara bole turus-turus biking dosa lagi.

Roma 6:7

Torang sama deng orang yang so mati, karna kalu orang so mati, pasti dia so tara biking dosa lagi.

Galatia 2:20

Jadi, skarang kita hidup tara iko kita pe kekuatan sandiri lagi, tapi Yesus Kristus yang hidup deng berkuasa pa kita pe diri. Kong selama kita hidup di dunia skarang ini, kita hidup cuma deng percaya saja pa Anak Allah. Dia yang so sayang pa kita deng yang so serakan Dia pe diri mati untuk kita.

Galatia 5:24

Sapa saja yang so jadi Kristus Yesus pe umat, dia itu so tara iko manusia pe mau yang suka biking dosa deng napsu yang tara bae. Itu bole mo kase sama deng dia so kase mati sifat itu di atas kayu salib.

Efesus 6:13

Jadi, ngoni pake suda apa saja yang Tuhan Allah so kase pa ngoni, sama deng ngoni pake alat prang lengkap, supaya ngoni bole batahang waktu ngoni lawan kuasa jahat yang mo serang pa ngoni. Kong kalu ngoni so abis lawan pa kuasa jahat itu, ngoni pe percaya tetap kuat.

Filipi 2:5

Kong ngoni pe sifat musti sama deng Kristus Yesus pe sifat yang macam bagini:

Ibrani 12:3

Jadi coba ngoni inga bae-bae apa yang Yesus Kristus so biking: Dia sabar turus waktu dapa pukul deng dapa sengsara dari orang-orang berdosa. Dia tarima samua itu, supaya ngoni pe percaya tetap kuat deng ngoni tara ilang smangat.

Ibrani 4:10

Barang, sapa saja yang tarima Tuhan Allah pe janji untuk baistrahat sama-sama deng Dia, nanti dorang baistrahat dari samua dong pe karja, sama deng Tuhan Allah so biking waktu Dia abis biking dunia ini.

1 Petrus 2:21

Karna Tuhan Allah pangge pa ngoni untuk biking barang yang bae biar lagi menderita, barang Yesus Kristus me so menderita kong so kase conto tahang menderita, supaya ngoni pe hidup me iko conto yang Dia so kase tunju.

1 Petrus 3:18

Barang, Yesus Kristus me so dapa siksa, biar Dia tara biking sala. Dia lagi so mati satu kali untuk hapus torang samua pe dosa. Dia itu salalu biking barang yang butul, untuk orang-orang yang biking barang yang tara butul, supaya Dia bole kase bae-bae ulang torang pe hubungan deng Tuhan Allah. Dia dapa bunu waktu Dia jadi manusia, tapi Roh Kudus so kase hidup ulang pa Dia.