1 Petrus 3:8 - Perjanjian Baru Bahasa Melayu Maluku Utara

⁸ Jadi skarang, kita minta pa ngoni la ngoni samua hidup satu hati. Kalu ada dari ngoni yang rasa susa ka sanang, ngoni yang laeng me musti rasa sama deng yang dia rasa. Ngoni me musti sayang pa ngoni pe sudara-sudara yang percaya, kase tunju ngoni pe rasa kasiang pa samua orang, deng jang basombong.

1 Petrus 3:8 ပူးပေါင်းရင်းမြစ်များ

Matius 18:33

Jadi ngana lagi musti kasiang pa ngana pe tamang itu, sama deng kita me perna kasiang pa ngana.’

Lukas 10:33

Pe tara lama, ada satu orang dari daera Samaria yang dari bajalang jao, iko di jalang itu lagi. Waktu dia lia pa orang yang dapa rampok itu, dia rasa kasiang.

Kisah Para Rasul 2:1

Waktu orang Yahudi biking dorang pe sukur bapanen yang dong sebut hari raya Pentakosta, samua orang yang percaya pa Yesus bakumpul di ruma satu di Yerusalem.

Kisah Para Rasul 27:3

Dia pe beso, kapal basingga di kota Sidon. Komandan Yulius bae skali pa Paulus sampe dia kase ijin Paulus pigi ka dara pa dia pe tamang-tamang la dorang bole kase apa-apa yang Paulus perlu.

Kisah Para Rasul 28:7

Tara jao dari situ, ada pemimpin pulo pe ruma deng pe tana yang basar. Pemimpin di situ pe nama Publius. Dia kamari pangge pa torang kong dia urus pa torang deng bae-bae selama tiga hari.

Kisah Para Rasul 4:32

Samua orang yang percaya pa Yesus, dorang hidup satu hati deng satu pikiran. Tarada satu orang yang bilang dia pe harta cuma untuk dia pe diri sandiri saja, tapi jadi samua orang punya.

Roma 12:10

Ngoni so sama deng basudara, jadi ngoni musti baku-baku sayang. Kong tiap orang musti lebe kamuka hormati turus-turus pa orang laeng lebe dari yang orang laeng biking.

Roma 15:5

Tuhan Allah yang biking orang bole tetap percaya biar dapa siksa, deng yang kase smangat orang pe hati supaya lebe tamba kuat iko pa Dia. Kita minta pa Dia supaya Dia tolong pa ngoni la ngoni bole hidup satu hati deng ngoni pe sudara yang sama-sama percaya, iko Kristus Yesus pe cara hidup.

1 Korintus 1:10

Sudara-sudara, karna kita ini torang pe Tuhan Yesus Kristus pe utusan, jadi kita minta pa ngoni samua supaya ngoni baku dengar satu deng yang laeng. Ngoni tara bole tapisa satu deng yang laeng, tapi ngoni musti tetap jadi satu, satu pikiran deng satu tujuan.

1 Korintus 12:26

Jadi kalu kaki atau tangan saki, samua me rasa saki. Deng kalu kaki atau tangan dapa hormat, yang laeng me rasa sanang.

Efesus 4:2

Ngoni pe hidup musti bagini: tara basombong, tara kasar pa orang, deng salalu sabar. Biar ada orang yang biking sala pa ngoni, jang capat mara, barang ngoni so baku sayang.

Efesus 4:31

Ngoni musti buang suda samua ngoni pe hati saki, simpang hati, deng mara-mara. Ngoni berenti suda mara-mara sampe marontak. Berenti suda kase tara bae orang pe nama, deng berenti lagi biking samua yang jahat.

Efesus 4:32

Tapi lebe bae ngoni bae-bae pa orang laeng deng sayang pa dorang. Ngoni kase ampun suda pa orang yang biking sala pa ngoni, sama deng Tuhan Allah so kase ampun pa ngoni yang so percaya pa Yesus Kristus.

Filipi 2:3

Jang ngoni biking satu barang cuma untuk kase sanang ngoni pe diri sandiri, atau supaya ngoni dapa puji. Tapi lebe bae, ngoni hidup tara basombong. Yang satu musti anggap yang laeng lebe penting dari dia pe diri.

Filipi 3:16

Tapi yang penting itu, torang hidup iko turus apa yang Tuhan Allah so kase tunju pa torang sampe skarang.

Kolose 3:12

Tuhan Allah so pili pa ngoni, ngoni yang so jadi Dia pe umat, deng yang Dia sayang. Jadi ngoni pe hidup musti bagini: ada rasa kasiang, hati bae, tara sombong, tara kasar, deng salalu sabar.

Ibrani 13:1

Ngoni musti tetap baku-baku sayang turus e, karna ngoni orang yang sama-sama percaya pa Tuhan!

Yakobus 2:13

Barang, waktu Tuhan Allah mo adili pa manusia nanti, Dia tara rasa kasiang pa orang-orang yang tara ada rasa kasiang pa orang laeng. Tapi orang-orang yang pe hidup ada rasa kasiang pa orang laeng, Tuhan Allah tara hukum pa dorang.

Yakobus 3:17

Tapi orang yang dapa pande dari Tuhan, torang tau persis bagini: pertama, dia pe hati bersi, turus dia suka dame, suka baku bawa bae deng orang, dengar-dengaran, ada rasa kasiang, deng jaga biking hal-hal bae. Dia me tara barát sabla deng tara munafik.

Yakobus 5:11

Inga e, orang-orang yang batahang mangada susa, torang bilang dorang itu yang paling sanang suda. Ngoni so dengar tentang Ayub, to? Dia dapa susa macam-macam tapi dia batahang kong iko turus pa Tuhan. Dia pe ahir kabawa, Tuhan Allah kase berkat pa dia. Tuhan Allah biking bagitu, karna Dia pangsayang skali deng rasa kasiang skali pa samua orang.

1 Petrus 1:22

Jadi karna ngoni so iko ajaran yang butul tentang Yesus Kristus, ngoni pe hati so jadi bersi. Deng bagitu, ngoni bisa baku sayang deng hati yang tulus di antara ngoni sudara-sudara yang sama-sama percaya. Karna itu, ngoni musti sunggu-sunggu baku sayang satu deng yang laeng deng hati yang tulus,

1 Petrus 2:17

Ngoni musti hormati pa samua orang deng sayang pa ngoni pe sudara-sudara yang sama-sama percaya. Ngoni me musti tako pa Tuhan Allah, deng hormati pa raja basar Roma.

1 Petrus 5:5

Bagitu lagi deng ngoni yang masi muda, ngoni musti dengar-dengaran pa orang-orang yang lebe tua. Ngoni samua musti baku bantu deng jang basombong satu deng yang laeng, karna ada tatulis di Kitab Suci bagini, “Tuhan Allah tara suka deng orang yang sombong, tapi Dia kase Dia pe bae pa orang yang tara sombong.”

2 Petrus 1:7

kong kalu ngoni so hidup iko Dia pe mau, ngoni me musti sayang pa ngoni pe sudara-sudara yang percaya, deng ngoni me musti sayang pa samua orang.

1 Yohanes 3:14

Kalu torang sayang torang pe sudara yang percaya, torang tau torang so tara hidup tapisa dari Tuhan Allah lagi, torang so hidup deng Tuhan Allah slama-lamanya. Tapi sapa yang tara sayang dia pe sudara yang percaya, dia pe hidup tetap tapisa deng Tuhan Allah slama-lamanya, macam deng orang yang so mati.