1 Petrus 3:4 - Perjanjian Baru Bahasa Melayu Maluku Utara

⁴ Tapi kalu ngoni mau butul-butul cantik, ngoni musti cantik dari dalam hati sama deng ini: hati yang tara sombong deng hati yang tenang. Itu parampuang pe cantik yang tara ilang sampe tua, deng itu yang dapa lia bagus skali pa Tuhan Allah pe muka.

1 Petrus 3:4 ပူးပေါင်းရင်းမြစ်များ

Matius 11:29

Dengar kong iko suda Kita pe parenta, sama deng sapi yang ada kase pake tali kong iko dia pe tuang pe parenta. Balajar suda dari Kita karna Kita ini bae-bae deng tara sombong, kong ngoni pe hati akan jadi tenang.

Matius 21:5

“Bilang suda pa orang-orang yang tinggal di kota Yerusalem, yang orang kase nama lagi Sion, bilang bagini: ‘Coba lia, ngoni pe Raja ada datang pa ngoni, Dia pe hati tara sombong. Dia cuma nae keledai pe ana satu, keledai itu masi muda.’ ”

Matius 23:26

Ee ngoni orang-orang Yahudi dari aliran Farisi, ngoni sama deng orang-orang buta! Kase bersi dulu ngoni pe pikiran dari pikiran yang jahat, supaya apa yang ngoni biking deng bilang lagi itu jadi bagus, itu sama deng kase bersi galas deng piring pe bagian dalam supaya bagian luar lagi mo bersi.

Matius 5:5

Paling sanang suda orang-orang yang tara sombong, karna Tuhan Allah akan kase dunia ini pa dorang.

Lukas 11:40

Pe bodo skali ngoni ini! Tuhan Allah itu suda yang biking ngoni pe badan, deng Dia itu me yang biking ngoni pe hati.

Lukas 16:15

Yesus bilang pa dorang, “Di orang pe muka, ngoni kase tunju diri butul, padahal tarada. Tuhan Allah tau ngoni pe hati. Inga e, apa yang manusia suka skali, itu yang Tuhan Allah paling tara suka.

Roma 1:23

Dia pe ahir kabawa, dorang tara semba pa Tuhan Allah yang hebat deng yang hidup slama-lamanya. Mala dorang cuma semba pa patong yang cuma sementara saja ada di dunia ini. Patong itu pe model sama deng manusia, burung, binatang yang dia pe kaki ampa, deng binatang yang jaga maraya.

Roma 2:29

Tapi kalu torang jadi orang Yahudi yang butul-butul itu, torang dapa sunat itu bukang cuma karna iko aturan sunat, tapi karna torang so kase tong pe diri butul-butul pa Tuhan Allah kong Roh Kudus bakarja pa tong pe dalam hati sampe torang pe hidup beruba. Torang itu mo dapa puji bukang dari manusia tapi dari Tuhan Allah.

Roma 6:6

Torang tau to, torang pe hidup lama yang suka biking dosa itu so mati sama-sama deng Yesus Kristus di kayu salib, supaya torang so tara iko lagi torang pe mau yang basar untuk mo biking dosa, itu sama deng torang so tara jadi dosa pe suru-suru lagi.

Roma 7:22

Karna, di kita pe hati, kita suka skali iko Tuhan Allah pe aturan.

2 Korintus 10:1

Kita Paulus, minta pa ngoni supaya ngoni dengar bae-bae yang kita mo bilang ini. Ada dari ngoni yang bilang, kita tara barani togor karas pa ngoni waktu kita ada sama-sama deng ngoni. Kata, kita cuma barani togor karas waktu torang baku jao pake surat. Tapi skarang, sama deng Yesus Kristus pe sifat yang tara sombong deng tara kasar,

2 Korintus 4:16

Kong karna torang tau Tuhan akan kase kuat pa torang, torang tara ilang smangat waktu kase tau Kabar Bae tentang Yesus Kristus. Tiap hari torang pe badan lebe tara kuat deng saki lagi, tapi biar bagitu me, tong pe hati lebe hari lebe tamba percaya deng lebe kuat.

Galatia 5:23

tara kasar, deng kuasai diri sandiri. Tara ada aturan yang kase sala orang yang hidup macam bagitu.

Efesus 4:2

Ngoni pe hidup musti bagini: tara basombong, tara kasar pa orang, deng salalu sabar. Biar ada orang yang biking sala pa ngoni, jang capat mara, barang ngoni so baku sayang.

Kolose 3:12

Tuhan Allah so pili pa ngoni, ngoni yang so jadi Dia pe umat, deng yang Dia sayang. Jadi ngoni pe hidup musti bagini: ada rasa kasiang, hati bae, tara sombong, tara kasar, deng salalu sabar.

Kolose 3:3

Barang, ngoni so tara iko dunia pe mau lagi, jadi bole bilang, ngoni pe hidup yang lama so mati sama-sama deng Yesus Kristus. Skarang ngoni so percaya pa Dia jadi so satu hati deng Dia yang hidup sama-sama deng Tuhan Allah. Tapi orang-orang yang tara percaya pa Tuhan tara mampo mangarti ngoni pe hidup yang baru ini.

1 Tesalonika 4:11

Ngoni musti berusaha hidup baku bawa bae-bae deng orang laeng. Jang ngoni campur orang laeng pe urusan, tapi lebe bae ngoni urus ngoni pe urusan sandiri. Ngoni musti karja deng ngoni pe tangan sandiri untuk dapa ngoni pe makang deng ngoni pe keperluan hari-hari, sama deng torang so perna pasáng pa ngoni.

2 Tesalonika 3:12

Orang-orang yang sama deng itu, torang kase inga deng kase nasehat pake kuasa dari Tuhan Yesus Kristus, supaya dorang bakarja bae-bae la dorang bisa makang.

1 Timotius 2:2

Torang musti kase berdoa pa raja-raja deng pa pemimpin-pemimpin laeng, supaya torang bole hidup aman deng baku bawa bae-bae. Deng bagitu, torang bole hidup iko Tuhan Allah pe mau deng torang pe kalakuang yang pantas untuk orang yang so percaya pa Tuhan.

2 Timotius 2:25

Kalu ada orang yang malawang torang pe ajaran itu, torang musti ajar pa dia bae-bae deng hati yang tara sombong. Torang biking bagitu karna sapa tau, Tuhan Allah kase kesempatan pa dorang untuk bertobat la Tuhan mo ruba dorang pe cara bapikir, sampe dorang bole tau ajaran yang butul.

Titus 3:2

Dorang tara bole kase tara bae orang pe nama deng tara bole baku malawang. Tapi dorang musti tara kasar deng salalu baku bawa bae-bae pa samua orang.

Yakobus 1:21

Jadi ngoni musti berenti biking samua hal yang tara bae deng yang jahat. Ngoni musti tarima Tuhan Allah pe firman deng hati yang tara sombong. Firman itu so ada di ngoni pe hati, kong punya kuasa untuk kase slamat pa ngoni.

1 Petrus 1:23

barang ngoni ini so dapa hidup yang baru. Ngoni dapa itu bukang dari manusia yang memang mo mati, tapi dari Tuhan Allah yang tetap ada sampe slama-lamanya. Ngoni dapa hidup yang baru itu karna ngoni percaya Tuhan Allah pe firman. Firman itu akan tetap ada turus, kong biking orang bole hidup deng Tuhan Allah slama-lamanya.

1 Petrus 3:15

Tapi ngoni musti hormati pa Kristus kong biking Dia jadi Raja di ngoni pe hati. Kalu ada orang yang batanya tentang ngoni pe harapan pa Tuhan Yesus, ngoni musti salalu siap bajawab pa dorang. Kong waktu ngoni bajawab, ngoni musti bajawab pa dorang itu deng bae-bae deng kase tunju ngoni pe rasa hormat,