1 Petrus 3:1 - Perjanjian Baru Bahasa Melayu Maluku Utara

¹ Bagitu lagi deng ngoni bini-bini, ngoni musti dengar-dengaran pa ngoni pe laki. Deng bagitu, kalu ada dari ngoni pe laki yang tara percaya Tuhan pe firman, ngoni tara perlu bilang apa-apa pa dorang, tapi ngoni pe cara hidup yang bae itu yang jadi conto la biking dong jadi percaya.

1 Petrus 3:1 ပူးပေါင်းရင်းမြစ်များ

Matius 18:15

Kong Yesus bilang lagi, “Kalu ada ngoni pe sudara yang percaya biking sala pa ngoni, ngoni sandiri yang pigi pa dia, kong cuma ngoni dua saja, baru ngoni kase tau dia pe sala. Kong kalu dia mangaku dia sala, berarti ngoni dua so berhasil baku bae ulang.

Roma 10:16

Tapi tara samua orang yang dengar Kabar Bae itu jadi percaya. Barang, nabi Yesaya dulu perna tulis, “Tuhan, amper-amper tarada orang yang percaya kabar yang torang kase tau to?”

Roma 6:17

Kita bilang tarimakasi pa Tuhan Allah. Karna, biar dulu dosa jadi sama deng ngoni pe tuang, tapi skarang ngoni so butul-butul iko ajaran yang torang so kase ajar pa ngoni.

Roma 7:2

Kita ambe conto dari aturan tentang laki bini. Parampuang yang so kawing, dia itu so jadi dia pe laki pe hukum selama dia pe laki masi hidup. Tapi kalu dia pe laki so mati, itu berarti, dia so bebas dari aturan itu.

1 Korintus 11:3

Tapi ada yang kita masi mo kase inga pa ngoni lagi: yang jadi kapala pa samua laki-laki yang percaya, itu Yesus Kristus. Kong yang jadi kapala pa parampuang yang percaya, itu laki-laki. Baru, yang jadi kapala pa Yesus Kristus, itu Tuhan Allah.

1 Korintus 14:34

Sama deng orang-orang yang so jadi Tuhan Allah pe umat di samua jemaat jaga biking: waktu bakumpul baibada deng jemaat, parampuang-parampuang musti dudu tenang. Tara bole bicara deng musti dengar apa yang pemimpin ada bilang. Itu sama deng aturan-aturan yang ada di lima kitab Musa.

1 Korintus 7:16

Kita suru ngoni yang percaya itu jang cere ngoni pe laki atau bini yang tara percaya itu, karna sapa tau dia bisa jadi orang yang percaya kong dapa slamat karna dia lia ngoni yang percaya pe cara hidup yang bae waktu masi sama-sama deng dia.

Efesus 5:33

Jadi bagini: laki musti sayang dia pe bini sama deng dia sayang pa dia pe diri sandiri. Bagitu lagi deng bini, bini musti hormati dia pe laki.

Kolose 3:18

Ngoni bini-bini, ngoni musti dengar-dengaran pa ngoni pe laki, karna itu memang pantas untuk parampuang yang so percaya pa Tuhan.

Kolose 4:5

Kalu ngoni ada di tenga-tenga orang-orang yang bolong percaya, ngoni pake suda hikmat yang dari Tuhan Allah supaya ngoni bole hidup bae-bae deng dorang. Ngoni pake suda waktu yang ada itu bae-bae, la dorang itu bole jadi percaya pa Tuhan Yesus.

2 Tesalonika 1:8

Kong Dia mo hukum orang-orang yang tara mau kanal pa Tuhan Allah deng yang tara mau iko Kabar Bae tentang Yesus Kristus, torang pe Tuhan.

Ibrani 11:8

Bagitu lagi deng Abraham. Karna Abraham percaya pa Tuhan Allah, dia iko Tuhan Allah pe parenta kong pigi jao di tana yang Tuhan Allah so janji mo kase pa dia. Biar dia bolong tau mo pigi ka mana, dia iko saja Tuhan Allah pe parenta itu.

Ibrani 5:9

Deng Yesus biking bagitu, Tuhan Allah so biking Dia jadi sempurna, supaya Dia yang bisa kase slamat pa sapa saja yang dengar-dengaran pa Dia untuk slama-lamanya.

1 Petrus 1:22

Jadi karna ngoni so iko ajaran yang butul tentang Yesus Kristus, ngoni pe hati so jadi bersi. Deng bagitu, ngoni bisa baku sayang deng hati yang tulus di antara ngoni sudara-sudara yang sama-sama percaya. Karna itu, ngoni musti sunggu-sunggu baku sayang satu deng yang laeng deng hati yang tulus,

1 Petrus 3:2

Dorang percaya, karna dong lia dari ngoni pe cara hidup yang bae, deng karna ngoni pe rasa hormat pa Tuhan deng pa manusia.

1 Petrus 3:7

Bagitu lagi deng ngoni laki-laki yang so kawing. Ngoni musti bawa bae-bae pa ngoni pe bini, dorang itu tara kuat sama deng ngoni. Ngoni musti hormati pa dorang karna pa dorang me, Tuhan Allah kase Dia pe bae, jadi dorang me akan sama-sama deng ngoni dapa hidup deng Tuhan Allah slama-lamanya. Kalu ngoni dua hidup bagitu, Tuhan akan tetap dengar ngoni pe doa.

1 Petrus 4:17

Barang, skarang so dekat dia pe waktu untuk Tuhan Allah mo adili pa samua orang, kong yang kakamuka Dia mo adili itu Dia pe umat sandiri. Jadi kalu Tuhan Allah mo adili pa torang kamuka, bagimana nanti yang mo jadi deng orang-orang yang tara percaya Kabar Bae dari Tuhan Allah?