1 Petrus 2:7 - Perjanjian Baru Bahasa Melayu Maluku Utara

⁷ Jadi untuk ngoni yang percaya pa Yesus, Dia itu paling berharga. Tapi untuk dorang yang tara percaya, Tuhan Allah so bilang bagini di Kitab Suci, “Batu yang tukang-tukang bangunan so tara pake, so jadi batu fandasi yang paling penting.”

1 Petrus 2:7 ပူးပေါင်းရင်းမြစ်များ

Matius 21:42

Kong Yesus bilang pa dorang, “Ngoni pasti so perna baca di Kitab Suci tentang itu, to? Bagini, ‘Batu yang tukang-tukang bangunan so tara pake, Tuhan Allah so biking jadi batu fandasi yang paling penting. Tuhan Allah biking bagitu, sampe torang lia itu bagus skali.’ ”

Lukas 2:32

Orang itu nanti sama deng tarang, yang kase tarang jalang. Dia kase tarang orang-orang yang bukang Yahudi pe hati, supaya dorang bole datang pa Tuhan Allah, deng supaya orang-orang puji deng hormat pa Tuhan Allah pe umat, bangsa Israel.”

Lukas 2:34

Turus, Simeon berdoa supaya Tuhan Allah kase Dia pe bae pa Yusuf, Maria deng pa Anak itu. Kong dia bilang pa Maria, Anak itu pe mama, “Karna Anak ini, banya orang Israel akan tara percaya kong dapa hukum dari Tuhan Allah, tapi ada banya orang Israel laeng lagi yang mo percaya kong dapa slamat. Kong Anak ini jadi tanda, Dia dari Tuhan Allah, tapi banya orang tara akan tarima pa Dia.

Lukas 20:17

Tapi Yesus haga pa dorang kong bilang, “Biar ngoni bilang jangan, tapi bagimana deng arti yang so tatulis di Kitab Suci ini? ‘Batu yang tukang-tukang bangunan so tara pake, itu so jadi batu fandasi yang paling penting.’

Yohanes 4:42

Dorang bilang pa parampuang itu, “Torang skarang percaya bukang cuma karna dengar apa yang ngana bilang, tapi karna torang sandiri so dengar dari Dia langsung kong torang so tau Dia itu memang butul-butul Orang yang mo kase slamat pa manusia dari dosa-dosa.”

Kisah Para Rasul 26:19

Jadi raja Agripa, mulai dari Tuhan Yesus kase tunju Dia pe diri pa kita, kita tara perna malawang yang Dia parenta pa kita.

Roma 10:21

Tapi tentang orang Israel, nabi Yesaya kase tau Tuhan Allah pe pasáng pa dorang bagini, “Siang malam Kita buka Kita pe tangan pa ngoni, supaya ngoni bale ulang pa Kita. Tapi, ngoni ini tara dengar-dengaran pa Kita, ngoni memang pangmalawang.”

Roma 15:31

Tolong kase berdoa pa kita, minta Tuhan Allah jaga waktu kita pigi di daera Yudea supaya orang-orang Yahudi yang tara percaya pa Yesus, tara mo biking barang yang jahat pa kita. Deng berdoa lagi supaya orang-orang yang so jadi Tuhan Allah pe umat di kota Yerusalem bole tarima bae sumbangan yang kita mo bawa pa dorang.

2 Korintus 2:16

Untuk orang-orang yang akan mati tapisa deng Tuhan Allah karna tara tarima Kabar Bae itu, dong anggap torang yang percaya pa Yesus Kristus macam deng bobou bangke, barang torang kase tau Tuhan Allah akan biking dorang mati tapisa dari Dia. Tapi untuk orang-orang yang mo dapa hidup deng Tuhan Allah slama-lamanya karna tarima Kabar Bae itu, dong anggap torang macam deng bobou sadap, karna torang kase tau Kabar Bae yang biking dong dapa hidup deng Tuhan Allah slama-lamanya. Kong kita mo tanya, sapa yang mampo biking tugas ini?

Kolose 2:10

Kong karna ngoni so satu hati deng Yesus Kristus, samua yang ngoni perlu, so ada pa Dia. Dia itu suda yang lebe berkuasa dari samua yang bapimpin deng dari samua kuasa yang ada di langit deng di bumi.

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

Ibrani 11:31

Di kota itu, ada parampuang nama Rahab. Biar dia parampuang tara bae, tapi dia percaya pa Tuhan Allah kong dia bantu pa orang Israel pe mata-mata, deng tarima bae-bae dorang pa dia pe ruma. Karna dia pe percaya itu, dia tara dapa bunu sama-sama deng orang-orang yang tara dengar-dengaran pa Tuhan Allah.

Ibrani 4:11

Jadi, mari suda torang berusaha supaya torang bole baistrahat sama-sama deng Tuhan Allah. Jang sampe ada satu dari torang yang tara dapa baistrahat itu karna dia iko torang pe orang tua dulu-dulu pe sifat yang tara dengar-dengaran pa Tuhan Allah.

1 Petrus 1:8

Biar ngoni bolong perna lia pa Yesus Kristus, tapi ngoni sayang pa Dia. Deng biar lagi skarang ngoni tara lia pa Dia, tapi ngoni percaya pa Dia. Ngoni sanang skali, sampe tara bisa bilang pake kata-kata lagi tentang ngoni pe sanang itu.

1 Petrus 2:4

Datang suda pa Tuhan Yesus. Dia itu sama deng batu yang hidup, barang Dia yang biking manusia bole hidup. Dia itu sama deng batu yang manusia so buang, tapi Tuhan Allah pili Dia itu jadi sama deng batu fandasi yang paling penting.

1 Petrus 2:8

Kong ada lagi yang tatulis bagini, “Batu itu yang biking banya orang tagate, kong dorang cilaka.” Jadi bagini: orang-orang yang tara mau iko Tuhan Allah pe firman tentang Yesus, dorang itu sama deng orang-orang yang tagate di batu kong cilaka. Tuhan Allah so ator memang apa yang jadi itu pa dorang.