1 Petrus 2:6 - Perjanjian Baru Bahasa Melayu Maluku Utara6 Karna di Kitab Suci ada tatulis bagini, “Perhatikan bae-bae, Kita so pili batu satu yang berharga. Batu itu Kita so taru jadi batu fandasi yang paling penting di Yerusalem, kota yang orang sebut Sion. Kong sapa yang percaya pa Dia, tara akan kecewa.” အခန်းကိုကြည့်ပါ။ |
Skarang torang yang so jadi Tuhan Allah pe keluarga bole kase sama deng ruma yang Tuhan Allah ada kase badiri. Kong kalu orang kase badiri satu ruma, musti taru kamuka batu yang paling penting di fandasi itu untuk kase kuat ruma itu. Kristus Yesus itu bole kase sama deng batu yang paling penting di fandasi itu. Kong ada Yesus Kristus pe utusan yang orang sebut rasul-rasul, deng ada lagi nabi-nabi yang jaga kase turus Tuhan Allah pe pasáng, dorang itu bole kase sama deng ruma pe tiang-tiang.
Di samua Paulus pe surat, dia tulis hal-hal macam itu. Memang ada babarapa hal di surat-surat itu yang orang susa mangarti. Orang yang tara tau ajaran yang butul deng orang yang pe percaya tara kuat, dorang so ruba dia pe arti jadi sala, sama deng dong kase sala arti kitab-kitab yang laeng di Kitab Suci. Karna itu, Tuhan Allah mo hukum pa dorang tapisa deng Dia slama-lamanya.