1 Petrus 1:8 - Perjanjian Baru Bahasa Melayu Maluku Utara

⁸ Biar ngoni bolong perna lia pa Yesus Kristus, tapi ngoni sayang pa Dia. Deng biar lagi skarang ngoni tara lia pa Dia, tapi ngoni percaya pa Dia. Ngoni sanang skali, sampe tara bisa bilang pake kata-kata lagi tentang ngoni pe sanang itu.

1 Petrus 1:8 ပူးပေါင်းရင်းမြစ်များ

Matius 10:37

Sapa yang sayang dia pe papa deng mama lebe dari dia pe sayang pa Kita, dia itu tara pantas iko pa Kita. Kong sapa yang sayang dia pe ana laki-laki atau ana parampuang lebe dari dia pe sayang pa Kita, dia itu me tara pantas iko pa Kita.

Yohanes 14:15

Yesus bilang lagi, “Kalu ngoni sayang pa Kita, ngoni akan biking Kita pe parenta-parenta.

Yohanes 14:21

Sapa saja yang tarima Kita pe parenta kong biking, dia itu yang sayang pa Kita. Kong sapa yang sayang pa Kita, Kita pe Bapa lagi akan sayang pa dia, deng Kita me mo sayang pa dia kong Kita mo kase tunju Kita pe diri pa dia.”

Yohanes 14:24

Tapi sapa saja yang tara sayang pa Kita, orang itu tara biking Kita pe ajaran. Kita pe ajaran itu bukang dari Kita pe diri tapi dari Kita pe Bapa yang utus pa Kita.

Yohanes 16:22

Bagitu lagi deng ngoni. Skarang ini ngoni pe hati sedi, tapi nanti torang mo baku dapa ulang. Di situ, ngoni pe hati mo sanang skali kong tara ada orang biar cuma satu yang bole rampas ngoni pe sanang itu.

Yohanes 20:29

Yesus bilang pa dia, “Tomas, ngana jadi percaya pa Kita cuma karna ngana so lia pa Kita. Paling sanang suda orang yang tara lia pa Kita tapi dia jadi percaya pa Kita.”

Yohanes 8:42

Yesus bilang pa dorang, “Kalu Tuhan Allah itu ngoni pe Bapa, ngoni akan sayang pa Kita, barang Kita ini datang dari Tuhan Allah kong skarang Kita ada di sini. Kita datang bukang karna Kita pe mau sandiri, tapi karna Dia suda yang utus pa Kita.

Kisah Para Rasul 16:34

Abis itu, kapala penjara itu bawa pa dorang dua pa dia pe ruma kong kase makang pa dorang. Dia deng samua orang yang tinggal di dia pe ruma sanang skali, barang dorang samua skarang so percaya pa Tuhan Allah.

Roma 14:17

Karna kalu Tuhan Allah Berkuasa sebagai Raja pa torang pe hidup, yang penting itu bukang apa yang torang makang deng minum. Tapi Tuhan Allah mau torang hidup butul, baku bawa bae-bae, deng torang pe hati sanang karna Roh Kudus ada di torang pe hati.

Roma 15:13

Tuhan Allah itu yang biking torang bole baharap deng yakin, apa yang Dia janji Dia akan biking. Karna itu, kita minta pa Tuhan Allah supaya Dia biking ngoni pe hati sanang deng hati tenang, karna ngoni so percaya pa Dia. Kita minta itu supaya Roh Kudus pe kuasa bakarja di ngoni pe hati untuk biking ngoni tatamba baharap deng yakin turus pa Tuhan Allah.

1 Korintus 16:22

Orang yang tara sayang pa Tuhan, biar suda dia dapa kutuk. Maranata, Tuhan datang suda!

2 Korintus 1:22

Dia me kase Roh Kudus tinggal dalam tong samua pe hati, la tong yakin samua yang Tuhan janji, pasti Dia kase. Dia kase Roh Kudus itu jadi tanda pa torang, torang itu Dia punya.

2 Korintus 12:4

Pokonya, kage-kage dia taangka di Tuhan Allah pe tampa yang paling bagus, tampa itu pe nama Firdaus. Di tampa itu dia dengar hal-hal luar biasa yang tara mungkin manusia bisa kase jelas deng kata-kata, deng yang memang manusia tara bole kase tau.

2 Korintus 4:18

Sudara-sudara, sengsara itu torang rasa cuma selama tong ada di dunia ini saja. Jadi jang cuma torang perhatikan apa yang tong dapa lia deng mata kapala sandiri saja. Tapi perhatikan suda apa yang torang akan dapa nanti, yang Tuhan Allah so kase sadia untuk torang di sorga, karna itu yang akan ada sampe slama-lamanya.

2 Korintus 5:7

Tapi, waktu torang masi hidup di dunia ini, torang hidup iko tong pe percaya pa Yesus Kristus saja, bukang iko apa yang torang dapa lia, karna torang bolong dapa lia samua yang Tuhan Allah so janji mo kase pa torang.

2 Korintus 9:15

Mari torang bilang tarimakasi pa Tuhan Allah, karna waktu Dia kase Yesus Kristus mati untuk kase slamat pa torang dari dosa-dosa, itu bole kase sama deng hadia yang paling bagus. Hadia itu pe bagus, torang tara dapa bilang deng kata-kata.

Galatia 5:22

Tapi orang yang Roh Kudus kuasai itu dapa lia dari dorang pe hidup macam bagini: pangsayang, hati sanang, hati tenang, pangsabar, pangbae, biking barang yang bae, setia,

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Efesus 3:19

kong Dia pe sayang itu, lebe basar dari apa yang torang pikir. Kita minta pa Tuhan Allah la ngoni bole butul-butul mangarti Yesus Kristus pe sayang itu, supaya orang lebe tamba dapa lia Tuhan Allah pe sifat pa ngoni pe hidup.

Efesus 6:24

Kita minta pa Tuhan Allah supaya Dia kase Dia pe bae pa samua orang, yang dorang pe sayang tara abis-abis pa Yesus Kristus torang pe Tuhan.

Filipi 1:25

Kita tau ngoni masi perlu pa kita untuk bantu pa ngoni, jadi kita yakin kita akan tetap tinggal deng ngoni samua supaya kita bole mo bantu kase kuat ngoni pe percaya, deng lagi supaya ngoni pe hati bole tamba sanang karna ngoni pe percaya itu.

Filipi 3:3

Ngoni musti ati-ati deng dorang, karna bukang dorang, tapi torang ini suda yang jadi Tuhan Allah pe umat, torang yang semba pa Dia pake Dia pe Roh pe kuasa yang ada di torang pe hati. Torang sama skali tara percaya sama deng dorang yang pikir kata, dorang bole jadi orang yang butul pa Tuhan Allah pe muka karna apa yang manusia biking, macam deng sunat itu. Tapi torang puji pa Kristus Yesus saja, barang cuma karna Dia, torang bole slamat.

Filipi 4:4

Ngoni pe hati musti salalu sanang karna ngoni so satu hati deng Tuhan! Kita bilang satu kali lagi: ngoni sanang suda!

Ibrani 11:1

Sudara-sudara, skarang torang bicara tentang apa itu percaya pa Tuhan Allah. Percaya pa Tuhan Allah itu pe arti bagini: torang yakin torang akan tarima apa yang Tuhan Allah so janji pa torang, biar torang bolong dapa lia.

Ibrani 11:27

Kong karna nabi Musa pe percaya itu, dia barani kase tinggal tana Mesir untuk pimpin pa bangsa Israel, deng dia tara tako raja Mesir mara pa dia. Dia sabar kong bajalang maju turus deng dorang, barang dia lia sama deng Tuhan Allah ada sama-sama deng dia. Tuhan Allah itu yang tara dapa lia.

1 Petrus 1:6

Tuhan Allah so biking samua itu, karna itu ngoni basimore suda, biar untuk sementara waktu ngoni pe hati susa karna macam-macam sengsara yang ngoni dapa di dunia skarang ini.

1 Petrus 2:7

Jadi untuk ngoni yang percaya pa Yesus, Dia itu paling berharga. Tapi untuk dorang yang tara percaya, Tuhan Allah so bilang bagini di Kitab Suci, “Batu yang tukang-tukang bangunan so tara pake, so jadi batu fandasi yang paling penting.”

1 Petrus 5:4

Nanti waktu Yesus Kristus yang jadi Gembala di atas samua gembala itu datang ulang, ngoni akan tarima hadia yang luar biasa yang tara akan ilang sampe slama-lamanya.