1 Petrus 1:18 - Perjanjian Baru Bahasa Melayu Maluku Utara18 Barang ngoni tau, Tuhan Allah bayar mahal supaya ngoni dapa bebas dari ngoni pe cara hidup yang lama yang tara ada dia pe guna. Cara hidup yang lama itu yang ngoni tarima dari ngoni pe orang tua dulu-dulu. Tuhan Allah bayar mahal supaya ngoni bole bebas, itu Dia tara bayar deng barang yang nanti mo rusak macam deng mas atau perak, အခန်းကိုကြည့်ပါ။ |
Barang, dulu ngoni pake banya waktu untuk biking hal-hal jahat, sama deng orang-orang yang tara percaya pa Tuhan Allah jaga biking. Ini yang ngoni jaga biking dulu: iko napsu yang tara bae, iko keinginan-keinginan yang cafarune, jaga bamabo, jaga bapesta kong mabo-mabo sampe biking hal-hal sabarang, pesta minuman, deng jaga semba pa puji-puji yang sebenarnya tara bole semba.
Sengsara yang ngoni dapa itu jadi bukti, ngoni butul-butul percaya pa Tuhan. Itu sama deng mas yang kalu mo tau dia pe asli musti bakar dulu deng api. Tapi ngoni pe percaya lebe berharga dari mas, karna mas itu tara akan ada turus-turus. Kalu ngoni so lolos dari cobaan itu, nanti di hari kiamat, waktu Yesus Kristus datang ulang, Dia mo puji deng hormat pa ngoni.