1 Petrus 1:12 - Perjanjian Baru Bahasa Melayu Maluku Utara

¹² Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.

1 Petrus 1:12 ပူးပေါင်းရင်းမြစ်များ

Matius 11:25

Waktu itu Yesus berdoa, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti.

Matius 11:27

Samua yang ada pa Kita pe Bapa, Bapa so kase pa Kita. Tara ada satu orang yang kanal pa Kita Anak Allah, cuma Bapa saja. Kong tara ada satu orang yang kanal pa Bapa, cuma Kita Anak Allah, deng orang-orang yang Kita pili untuk kanal pa Bapa.

Matius 16:17

Kong Yesus bilang pa Simon, “Simon, Yunus pe ana! Ngana paling sanang suda, barang yang ngana bilang itu bukang manusia yang kase tau, tapi Kita pe Bapa di sorga yang kase tau.

Markus 16:15

Abis itu Yesus bilang pa dorang, “Pigi suda di seluru dunia ini, la kase tau Kabar Bae dari Tuhan Allah pa samua orang.

Lukas 15:10

Kita bilang pa ngoni, di sorga me bagitu, Tuhan Allah pe malaekat-malaekat sanang skali kalu ada satu orang yang berdosa kong dia bertobat.”

Lukas 2:26

Roh Kudus so kase tau pa dia, dia tara akan mati kalu dia bolong lia pa Mesias, Raja yang Tuhan Allah janji mo kase slamat pa manusia.

Lukas 9:6

Abis itu, Yesus pe murit-murit bajalang bakuliling di kampong-kampong untuk kase tau Kabar Bae dari Tuhan Allah deng kase sembu orang-orang saki di mana-mana.

Yohanes 15:26

Nanti Kita mo utus Roh Kudus untuk tolong pa ngoni, Roh Kudus itu dari Tuhan Allah. Roh Kudus itu yang mo kase tau yang butul tentang Tuhan Allah deng mo kase tau pa orang-orang tentang Kita.

Kisah Para Rasul 10:44

Kong waktu Petrus masi bicara, Roh Kudus turung pa samua orang yang dengar Petrus pe bicara itu.

Kisah Para Rasul 16:10

Abis Paulus dapa penglihatan itu, torang samua ambe keputusan, Tuhan Allah suka torang pigi kase tau Kabar Bae tentang Yesus Kristus pa orang-orang di Makedonia. Jadi, torang langsung basadia pigi ka sana.

Kisah Para Rasul 2:33

Skarang, Tuhan Allah so angka pa Dia kong kase tampa yang terhormat, pa Tuhan Allah pe sabla kanan. Tuhan Allah so kase Roh Kudus pa Yesus, sama deng Tuhan Allah so janji dari dulu. Kong Roh Kudus itu Dia so kase pa torang skarang, itu yang ngoni so dengar deng lia pa torang di sini.

Kisah Para Rasul 4:31

Pe abis berdoa, ruma yang dorang pake bakumpul itu tagoyang, kong Roh Kudus kuasai pa dorang samua. Abis itu, dorang pigi kase tau Tuhan Allah pe Kabar Bae tentang Yesus pa orang-orang deng barani.

Kisah Para Rasul 4:8

Di situ Roh Kudus kuasai pa Petrus, jadi dia jawab bagini, “Ee, agama Yahudi pe pemimpin-pemimpin deng tua-tua.

Kisah Para Rasul 8:25

Pe abis Petrus deng Yohanes kase tau Tuhan pe firman tentang Yesus, deng carita apa yang dorang lia Yesus biking dulu, dorang bale ulang di kota Yerusalem. Waktu dorang bajalang pulang, dorang jaga basingga-singga di kampong-kampong laeng di daera Samaria, kong kase tau Kabar Bae tentang Yesus Kristus pa orang-orang di situ.

Roma 1:15

Itu dia pe sebab, sampe kita pe hati ingin skali mo kase tau Kabar Bae tentang Yesus Kristus pa ngoni lagi yang tinggal di kota Roma.

Roma 1:17

Kabar Bae itu ada kuasa dari Tuhan Allah, karna Kabar Bae itu kase tau bagimana supaya torang bole jadi orang yang tara sala pa Tuhan Allah pe muka. Dia pe cara, torang musti percaya pa Tuhan Allah, tarada cara laeng. Itu sama deng yang so tatulis di Kitab Suci bagini, “Orang yang percaya pa Tuhan, dia itu yang Tuhan biking jadi orang yang tara sala pa Tuhan pe muka, kong dia yang mo hidup deng Tuhan Allah slama-lamanya.”

Roma 10:15

Bagitu me, tarada orang yang akan kase tau kabar tentang Dia kalu tarada yang utus pa dorang, to? Jadi sama deng di Kitab Suci ada tatulis, “Pe sanang skali dapa lia orang yang datang untuk kase tau Kabar Bae dari Tuhan Allah!”

Roma 15:19

Deng Tuhan Allah pe Roh pe kuasa, kita biking mujizat-mujizat deng tanda-tanda yang biking orang herang. Kita so kase tau Kabar Bae tentang Yesus Kristus pa orang-orang di samua kota yang kita pigi, mulai dari kota Yerusalem sampe di daera Ilirikum.

1 Korintus 2:10

Memang dulu, tarada orang yang tau tentang Tuhan Allah pe rencana itu. Tapi skarang, Roh Kudus so kase tau itu pa torang. Dia kase tau itu pa torang karna Dia me tau samua sampe Tuhan Allah pe isi hati.

2 Korintus 1:22

Dia me kase Roh Kudus tinggal dalam tong samua pe hati, la tong yakin samua yang Tuhan janji, pasti Dia kase. Dia kase Roh Kudus itu jadi tanda pa torang, torang itu Dia punya.

2 Korintus 6:6

Samua yang torang biking, tong biking deng hati bersi, torang lagi tau banya hal karna Tuhan Allah bantu pa torang, torang sabar, torang bae-bae deng orang, torang sayang orang butul-butul, deng Roh Kudus bakarja di torang pe hati.

Galatia 1:12

Karna Kabar Bae itu kita tara tarima dari manusia, deng bukang lagi manusia yang kase ajar itu pa kita, tapi Yesus Kristus sandiri yang bilang langsung pa kita.

Galatia 1:16

Waktu Tuhan Allah pangge pa kita itu, deng sanang hati Dia kase lia Dia pe Anak, la kita kanal sapa Dia supaya kita bole kase tau pa orang-orang yang bukang Yahudi tentang Dia pe Anak itu. Kong waktu kita so abis lia Dia pe Anak, kita tara minta pa sapa-sapa untuk bantu pa kita kase mangarti Kabar Bae tentang Yesus Kristus itu, karna kita so tarima langsung dari Dia.

Efesus 3:10

Tuhan Allah pe maksut supaya samua yang bapimpin deng yang berkuasa di langit bole tau, Tuhan Allah itu tau samua hal deng tara perna abis akal untuk ator samua yang ada. Dorang bole tau itu karna dorang lia Dia biking orang Yahudi deng orang bukang Yahudi jadi satu karna skarang dorang so percaya pa Yesus Kristus.

1 Tesalonika 2:9

Sudara-sudara, ngoni pasti masi inga, waktu torang deng ngoni, torang mancari siang malam supaya torang bole tanggung tong pe hidup sandiri. Deng bagitu, torang pe hidup tara baharap pa sapa-sapa waktu torang kase tau pa ngoni Kabar Bae dari Tuhan Allah.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

Ibrani 11:13

Orang tua dulu-dulu yang tadi kita so bilang itu tetap percaya pa Tuhan Allah sampe dorang mati. Waktu dorang masi hidup, memang dorang bolong tarima apa yang Tuhan Allah janji pa dorang. Tapi dorang yakin dong akan tarima itu, jadi bole kase sama deng dorang ada balia dari jao apa yang Tuhan Allah janji pa dorang kong dorang sambut itu. Kong sementara dorang tunggu Tuhan pe janji mo jadi pa dorang, dong jaga bilang dong pe diri di dunia itu sama deng tamu deng pendatang saja yang tinggal tara lama di dunia ini.

Ibrani 2:4

Deng supaya orang bole yakin ajaran yang dorang kase tau itu butul, Tuhan Allah kase Dia pe kuasa pa dorang untuk biking mujizat-mujizat, deng tanda-tanda yang kase tunju Tuhan Allah pe kuasa sampe orang jadi herang. Deng Dia kase barbage Dia pe Roh Kudus pe kuasa pa dorang iko Dia pe mau la dorang ada karunia-karunia untuk pake layani pa orang-orang.

Ibrani 4:2

Barang, torang me so dengar kabar yang bae tentang bisa baistrahat sama-sama deng Tuhan Allah, sama deng torang pe orang tua dulu-dulu so dengar. Tapi kabar yang torang pe orang tua dulu-dulu dengar itu tara ada guna, barang dorang tara percaya butul-butul.

1 Petrus 1:25

tapi Tuhan pe firman tetap ada sampe slama-lamanya.” Firman itu suda Kabar Bae tentang Yesus Kristus yang orang-orang so kase tau pa ngoni samua.

1 Petrus 4:6

Itu dia pe sebab sampe Kabar Bae tentang Yesus Kristus ada kase tau lagi pa orang-orang yang so mati, supaya biar dorang pe badan so mati sama deng samua orang di dunia ini akan dapa, tapi dorang pe roh mo hidup di sorga. Tuhan Allah pe Roh Kudus mo kase dorang hidup deng Tuhan Allah slama-lamanya.

Wahyu 5:11

Abis itu, kita lia deng dengar malaekat banya skali pe suara. Dorang itu pe banya deng ribu-ribu sampe juta-juta. Malaekat-malaekat itu badiri kuliling Tuhan Allah pe kursi raja itu, sama-sama deng ampa binatang luar biasa itu deng dua pulu ampa pemimpin.