1 Korintus 8:9 - Perjanjian Baru Bahasa Melayu Maluku Utara

⁹ Tapi, biar ngoni bisa makang makanang apa saja, ngoni musti tetap ati-ati, jang sampe deng ngoni makang itu, itu biking ngoni pe sudara laeng yang bolong kuat percaya pa Tuhan, jadi berdosa. Itu sama deng ngoni biking dorang pe kaki tagate di batu kong jatu.

1 Korintus 8:9 ပူးပေါင်းရင်းမြစ်များ

Matius 18:10

Yesus bilang lagi, “Inga bae-bae, jang ngoni pandang enteng pa orang biasa-biasa yang sama deng ana-ana kacil ini, karna orang-orang itu ada dong pe malaekat yang salalu ada deng Tuhan Allah di sorga. [

Roma 15:1

Torang yang pe percaya so kuat pa Tuhan, torang musti sabar pa orang-orang yang pe percaya bolong kuat pa Tuhan. Jang torang cuma cari tong pe sanang sandiri.

1 Korintus 10:24

Jang ada dari ngoni yang berusaha cari dia pe bae sandiri, tapi paling bagus tiap orang berusaha lagi untuk biking orang laeng pe bae.

1 Korintus 10:28

Tapi kalu ada yang bilang, “Daging itu orang so kase pa dorang pe puji-puji”, jang ngoni makang, supaya ngoni perhatikan ngoni pe tamang yang kase tau itu. Jang sampe dia pe hati rasa barát kalu ngoni makang itu.

1 Korintus 10:29

Kita suru bagitu, bukang karna torang pe hati rasa barát makang daging itu. Tapi torang musti pikir orang itu pe hati, jang sampe dia rasa barát kalu tong makang daging itu. Tapi biar bagitu, jang sampe ada orang yang rasa tara sadap kong bilang bagini, “Bikiapa kong kita tara bisa iko kita pe mau cuma karna orang laeng pe hati rasa barát?

1 Korintus 10:32

Jang ngoni biking apa-apa yang biking sampe orang laeng tara jadi iko pa Tuhan, biar dia itu orang Yahudi ka, orang bukang Yahudi ka, atau biar lagi dia itu dari Tuhan Allah pe jemaat.

1 Korintus 8:10

Kita pe maksut bagini: ngoni orang percaya so tau to, tara jadi masala makang daging yang orang so kase pa puji-puji. Turus, orang yang pe percaya bolong kuat, di dia pe hati bolong tau mana yang butul deng mana yang tara butul. Kalu dia lia ngoni makang daging di orang pe puji-puji pe tampa-tampa, dia pasti tapengaru mo makang daging itu.

1 Korintus 8:12

Kalu ngoni biking ngoni pe sudara jadi bagitu, ngoni so berdosa pa ngoni pe sudara-sudara yang percaya itu, yang pe percaya pa Tuhan bolong kuat. Ngoni so biking dong pe hati jadi takaruang. Deng cara bagitu, ngoni so berdosa pa Yesus Kristus.

1 Korintus 9:22

Waktu kita sama-sama deng orang yang dong pe percaya pa Tuhan Yesus bolong kuat, kita batamang deng dorang kong tara biking apa-apa yang dong anggap tara bagus, supaya kita bole pengaru pa dorang la jadi percaya kuat pa Tuhan Yesus, biar cuma sadiki orang dari dorang yang iko.

2 Korintus 11:21

Jadi apa kita musti malu karna kita tara karas pa ngoni bagitu? Tarada! Tapi kalu utusan-utusan itu barani bapuji diri, kita me barani puji kita pe diri sama deng dorang! (Kita bicara ini sama deng orang bodo pe bicara.)

2 Korintus 11:29

Barang, kalu ada satu dari kita pe sudara yang percaya rasa tara kuat, kita me hati susa. Kalu ada orang yang tagoda biking dosa sampe dia so tara percaya pa Tuhan, kita pe hati lagi jadi susa skali.

2 Korintus 6:3

Torang berusaha hidup bae-bae supaya jang torang biking orang tara mo iko pa Yesus Kristus. Jadi, deng torang hidup bae-bae bagitu, tara ada orang yang mo kase sala apa-apa pa torang di torang pe pelayanan.

Galatia 5:13

Sudara-sudara, Tuhan Allah so pangge pa ngoni iko pa Dia, deng bagitu ngoni bisa bebas dari aturan-aturan di lima kitab Musa untuk dapa slamat. Cuma jang ngoni pikir ngoni so bebas, turus ngoni bole biking kalakuang yang tara bagus iko apa saja yang ngoni suka. Bukang bagitu. Tapi yang butul yang musti biking itu, ngoni musti baku-baku layani karna ngoni baku sayang.

Kolose 2:8

Sudara-sudara, ngoni musti ati-ati, jang sampe ada orang yang pengaru pa ngoni untuk iko deng dong pe ajaran-ajaran agama yang tara butul. Dorang pe ajaran itu tara ada dia pe guna, karna bukang ajaran tentang Yesus Kristus. Tapi dorang pe ajaran itu dari dong pe orang tua dulu-dulu deng dari roh-roh yang berkuasa di dunia ini.

1 Petrus 2:16

Ngoni ini Tuhan Allah so kase bebas pa ngoni dari kuasa dosa, tapi jang ngoni pake hak itu jadi alasan untuk biking barang yang jahat lagi. Tapi lebe bae ngoni hidup untuk biking apa yang Tuhan Allah suru.

2 Petrus 2:19

Dorang ajar pa orang-orang yang baru percaya itu, deng bilang, “Kalu ngoni iko torang pe ajaran, ngoni akan bebas dari samua aturan. Jadi ngoni bole biking apa saja yang ngoni suka.” Padahal, guru-guru palsu itu sandiri tara bebas karna dong pe keinginan tara bae yang banya so kuasai pa dorang, kong itu yang biking dong berdosa. Barang, apa saja yang kuasai pa orang, itu yang biking dia berdosa.

Wahyu 2:14

Tapi biar bagitu me, Kita mo bilang pa ngoni, ngoni pe sala bagini: ada babarapa orang dari ngoni yang jaga iko Bileam pe ajaran sesat. Bileam itu yang ajar pa Balak supaya pengaru pa orang Israel la biking dosa. Lebe kusus Bileam ajar pa dorang untuk makang makanang yang so kase pa dong pe puji-puji, deng dong me jaga baseks sabarang.