1 Korintus 7:6 - Perjanjian Baru Bahasa Melayu Maluku Utara

⁶ Apa yang kita bilang pa ngoni ini bukang parenta dari Tuhan Allah, tapi kita cuma usul saja.

1 Korintus 7:6 ပူးပေါင်းရင်းမြစ်များ

2 Korintus 8:8

Kita bicara tentang doi sumbangan itu, bukang berarti kita mo parenta pa ngoni. Tapi kita mau ngoni tau, jemaat-jemaat di daera Makedonia suka skali bantu pa orang yang perlu, supaya ngoni lagi ada smangat untuk bantu orang sama deng yang jemaat-jemaat Makedonia so biking. Karna kalu ngoni biking bagitu, orang bisa tau, ngoni itu butul-butul sayang orang.

1 Korintus 7:25

Skarang, tentang orang-orang yang bolong kawing, kita tara dapa parenta dari Tuhan, tapi kita mo kase nasehat pa dorang. Yang kita mo bilang ini, ngoni bole percaya karna Tuhan so pili pa kita jadi Dia pe utusan, itu Dia pe rasa kasiang pa kita.

1 Korintus 7:12

Turus, kita mo kase nasehat pa orang-orang yang laeng. Ini kita pe pendapat sandiri, bukang dari Tuhan Yesus. Kalu ada orang percaya yang pe bini tara percaya, tapi dia pe bini itu suka hidup sama-sama deng dia turus, jang dia cere pa dia pe bini.

2 Korintus 11:17

Kita puji diri bagini, bukang karna Tuhan Allah yang suru kita bicara sama deng orang bodo, tapi kita sandiri yang bicara bagini.

1 Korintus 7:10

Tapi untuk orang-orang yang so kawing, ini parenta dari Tuhan Yesus, bukang dari kita: parampuang yang so kawing, tara bole cere pa dia pe laki.

1 Korintus 7:40

Tapi menurut kita, bagus kalu dia so tara kawing lagi. Deng, kita rasa Tuhan Allah pe Roh yang pimpin pa kita untuk kase nasehat ini.