1 Korintus 5:9 - Perjanjian Baru Bahasa Melayu Maluku Utara

⁹ Di kita pe surat satu yang kamuka, kita so bilang pa ngoni, jang ngoni batamang deng orang-orang yang baseks sabarang.

1 Korintus 5:9 ပူးပေါင်းရင်းမြစ်များ

1 Korintus 5:10

Waktu kita tulis itu, bukang kita pe maksut, jang batamang deng samua orang yang tara percaya, yang baseks sabarang, yang golojo orang pe barang, yang tukang tipu, deng yang jaga semba dong pe puji-puji. Karna kalu kita suru ngoni bajao dari dorang, ngoni musti kase tinggal dunia ini.

1 Korintus 5:2

Tapi biar ada dari ngoni yang jaga biking bagitu me, ngoni masi saja basombong. Sebenarnya, ngoni musti hati susa skali deng yang dia biking itu, kong ngoni musti kase kaluar saja pa dia dari ngoni pe tenga-tenga.

1 Korintus 5:7

Buang suda samua ngoni pe kalakuang yang jahat itu, la ngoni jadi jemaat yang pe hati bersi. Itu bole kase sama deng waktu torang orang Yahudi biking hari raya Roti Tara Pake Ragi, torang buang samua ragi dari torang pe ruma, kong tong biking adonan yang baru yang tara pake ragi. Ngoni memang so bersi karna ngoni so percaya pa Yesus Kristus yang mati untuk tebus torang pe dosa-dosa. Dia itu bole kase sama deng domba yang torang potong untuk biking jadi korban persembahan di torang pe hari raya.

2 Korintus 6:14

Ngoni yang percaya pa Tuhan Yesus, jang baika diri deng orang-orang yang tara percaya. Coba ngoni pikir! Orang yang jaga biking barang yang butul deng orang yang jaga biking barang yang tara butul, tara sama, to? Itu sama deng tarang tara mungkin mo jadi satu deng galap!

2 Korintus 6:17

Karna itu Tuhan Allah bilang lagi bagini, “Ngoni kaluar suda dari dorang pe tenga-tenga, dorang yang tara percaya. Ngoni bapisa dari dorang. Jang ngoni iko dorang biking dosa, supaya jang ngoni jadi orang yang tara bersi pa Kita pe muka. Iko yang Kita bilang ini la Kita tarima pa ngoni.

Efesus 5:11

Jang ngoni iko orang yang hidup dalam galap pe kalakuang. Dorang pe kalakuang itu tara ada dia pe guna. Tapi lebe bae ngoni musti bilang suda yang dong biking itu sala.

2 Tesalonika 3:14

Kalu ada orang yang tara mau iko yang torang tulis di surat ini, ngoni musti ati-ati deng jang batamang deng dia, supaya dia jadi malu.

2 Tesalonika 3:6

Sudara-sudara, karna kita Tuhan Yesus Kristus pe utusan, kita minta pa ngoni supaya ngoni bajao dari sudara-sudara yang sama-sama percaya yang tara mancari deng tara iko ajaran yang torang so kase ajar pa ngoni.