1 Korintus 4:9 - Perjanjian Baru Bahasa Melayu Maluku Utara

⁹ Tapi sebenarnya menurut kita, torang yang jadi Yesus Kristus pe rasul-rasul ini, Tuhan Allah so kase pa torang tampa yang paling tara penting. Torang ini so sama deng orang yang dapa tangka kong mo dapa bunu di banya orang pe muka. Torang pe susa di dunia ini, orang-orang dunia deng malaekat-malaekat ada lia-lia pa torang.

1 Korintus 4:9 ပူးပေါင်းရင်းမြစ်များ

Kisah Para Rasul 19:29

Kong samua tampa di kota Efesus jadi kaco. Orang-orang itu pigi rame-rame tangka pa Gayus deng Aristarkhus, barang dorang dua ini orang Makedonia yang biasa sama-sama deng Paulus. Dorang bawa pa dong dua di lapangan basar, tampa orang jaga bakumpul.

Kisah Para Rasul 19:31

Di Efesus me ada babarapa pemimpin dari daera Asia Kecil yang batamang bae deng Paulus. Dorang me suru orang kase tau pa Paulus la jang dia pigi di tampa bakumpul itu.

Roma 8:36

Sama deng ada tatulis di Kitab Suci bagini: “Karna torang iko pa Tuhan, tiap hari orang cari la mo bunu pa torang, dorang anggap torang sama deng domba-domba yang so siap mo dapa potong.”

1 Korintus 15:19

Deng torang yang masi hidup, kalu torang baharap pa Yesus Kristus la Dia mo tolong pa torang cuma sampe di dunia ini saja, torang ini suda orang-orang yang paling kasiang dari samua manusia.

2 Korintus 11:23

Dorang bilang dorang itu orang-orang yang jaga biking apa yang Yesus Kristus suru. Tapi kita, kita ini orang yang jaga biking apa yang Yesus Kristus suru, lebe dari dorang itu. (Kita bicara ini sama deng orang yang so tara waras bicara!) Tapi sebenarnya kita ini yang karja karas lebe dari dorang itu, sampe banya kali kita maso penjara, banya kali kita dapa pukul deng dapa siksa sampe tara mampo hitung, kong banya kali lagi kita amper mati.

2 Korintus 6:9

Torang ini sebenarnya banya orang kanal, tapi ada yang pura-pura tara kanal pa torang. Torang amper-amper mati, tapi torang tetap saja hidup. Torang dapa hukuman barát ulang-ulang, tapi torang tetap tara mati.

1 Tesalonika 3:3

Deng bagitu, biar ngoni dapa siksa, ngoni tetap batahang percaya pa Yesus. Barang, ngoni sandiri me tau, orang yang percaya pa Yesus pasti mo menderita.

Ibrani 1:14

Jadi, malaekat-malaekat tara lebe hebat dari Yesus to, karna dorang itu roh-roh yang biking apa yang Tuhan Allah suru. Tuhan Allah utus pa dorang untuk layani pa orang-orang yang mo dapa slamat dari dosa-dosa.

Ibrani 10:33

Ada dari ngoni yang dapa hina deng dapa siksa di orang banya pe muka, kong ada lagi dari ngoni yang bantu ngoni pe tamang yang dapa siksa, sampe dorang dapa siksa sama deng yang ngoni dapa lagi.

Ibrani 11:36

Ada lagi orang yang karna dorang percaya pa Tuhan Allah, dorang dapa hina deng ada yang dapa pukul deng tali yang ada barang tajam di dia pe ujung, sampe ada yang dapa rante kong dapa maso penjara.