1 Korintus 2:4 - Perjanjian Baru Bahasa Melayu Maluku Utara

⁴ Waktu kita babicara pa ngoni, kita tara pake manusia pe pande untuk kase yakin pa ngoni apa yang kita bilang. Tapi waktu itu, Roh Kudus pe kuasa yang kase yakin pa ngoni sampe ngoni tau yang kita bilang itu, butul.

1 Korintus 2:4 ပူးပေါင်းရင်းမြစ်များ

Kisah Para Rasul 20:27

Barang, kita so salalu kase tau samua Tuhan Allah pe rencana pa ngoni.

Kisah Para Rasul 26:28

Kong raja Agripa bilang pa Paulus, “Paulus, ngana kira gampang mo biking kita percaya kong jadi orang Kristen deng waktu yang pe singkat ini?”

Roma 15:13

Tuhan Allah itu yang biking torang bole baharap deng yakin, apa yang Dia janji Dia akan biking. Karna itu, kita minta pa Tuhan Allah supaya Dia biking ngoni pe hati sanang deng hati tenang, karna ngoni so percaya pa Dia. Kita minta itu supaya Roh Kudus pe kuasa bakarja di ngoni pe hati untuk biking ngoni tatamba baharap deng yakin turus pa Tuhan Allah.

Roma 15:19

Deng Tuhan Allah pe Roh pe kuasa, kita biking mujizat-mujizat deng tanda-tanda yang biking orang herang. Kita so kase tau Kabar Bae tentang Yesus Kristus pa orang-orang di samua kota yang kita pigi, mulai dari kota Yerusalem sampe di daera Ilirikum.

Roma 16:18

Barang orang-orang yang macam bagitu, sebenarnya dorang tara karja untuk Yesus Kristus torang pe Tuhan, tapi dorang karja iko dong pe mau sandiri. Dorang buju deng kata-kata yang kase sadap di talinga pa orang yang masi bolong mangarti mana yang bae deng mana yang tara bae, sampe orang-orang me iko pa dorang pe ajaran yang tara butul.

1 Korintus 1:17

Barang, Yesus Kristus utus pa kita bukang untuk baptis orang, tapi Dia utus pa kita untuk kase tau Kabar Bae tentang Dia. Kong waktu kita kase tau Kabar Bae itu, kita tara pake bahasa tinggi-tinggi la orang sangka kita pande. Karna kalu kita biking bagitu, orang cuma suka dengar kita pe kata-kata, kong kita pe bicara tentang Yesus Kristus mati di kayu salib itu, jadi parcuma.

1 Korintus 2:1

Sudara-sudara, tuhari waktu kita datang kase tau tentang Tuhan Allah pe rencana yang dulu manusia bolong tau, kita tara pake bahasa tinggi-tinggi, kita me tara pake kita pe pande sandiri.

1 Korintus 2:13

Jadi waktu torang kase tau Tuhan Allah pe rencana yang Roh Kudus kase tau pa torang itu, torang tara pake manusia pe pande. Tapi torang kase tau pake kata-kata yang Roh Kudus kase pa torang. Deng kata-kata itu, tong kase jelas ajaran dari Roh Kudus pa orang-orang yang Roh Kudus kuasai.

1 Korintus 4:20

Karna kalu Tuhan Allah Berkuasa sebagai Raja pa orang pe hidup, itu dapa lia bukang cuma dari orang itu pe kata-kata saja, tapi dari Tuhan Allah pe kuasa yang ada pa dia.

2 Korintus 6:6

Samua yang torang biking, tong biking deng hati bersi, torang lagi tau banya hal karna Tuhan Allah bantu pa torang, torang sabar, torang bae-bae deng orang, torang sayang orang butul-butul, deng Roh Kudus bakarja di torang pe hati.

Galatia 1:10

Kita bilang bagitu, kita tara maksut supaya dapa puji dari manusia. Tapi kita cuma suka cari dapa puji dari Tuhan Allah. Mangkali ada dari ngoni yang pikir, kita cuma mo biking sanang manusia pe hati? Tarada kasiang. Kalu saja kita cuma suka mo biking sanang manusia pe hati, itu berarti, kita ini bukang orang yang jaga biking apa yang Yesus Kristus suru.

Kolose 2:4

Kita tulis ini pa ngoni, supaya kalu ada orang yang kase ajar ajaran yang tara butul pa ngoni, biar itu menurut ngoni maso akal, tapi ngoni tara gampang taiko.

1 Tesalonika 1:5

karna pertama kali waktu torang kase tau Kabar Bae tentang Yesus Kristus pa ngoni, ngoni bukang cuma dengar torang pe kata-kata saja, tapi ngoni me lia Tuhan pe kuasa dari Roh Kudus. Roh Kudus yang kase yakin sampe ngoni jadi percaya Kabar Bae itu. Ngoni me lia torang pe kalakuang yang bae, sampe ngoni tau Kabar Bae itu butul.

1 Petrus 1:12

Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.

2 Petrus 1:16

Torang so kase tau pa ngoni tentang torang pe Tuhan Yesus Kristus pe kuasa, deng tentang Dia mo datang ulang di dunia ini. Yang torang kase tau itu bukang carita-carita dulu-dulu yang torang karang sandiri, tapi tong tau samua itu karna torang so lia Dia pe hebat deng torang pe mata kapala sandiri.

2 Petrus 2:18

Barang, dorang kalu bicara, makang puji skali, padahal yang dong bicara itu tara ada guna. Dorang buju orang-orang yang baru percaya pa Tuhan supaya dorang biking barang yang tara bae iko manusia pe napsu saja. Padahal orang-orang yang dapa buju itu bolong lama talapas dari dong pe percaya yang sala.