1 Korintus 11:3 - Perjanjian Baru Bahasa Melayu Maluku Utara

³ Tapi ada yang kita masi mo kase inga pa ngoni lagi: yang jadi kapala pa samua laki-laki yang percaya, itu Yesus Kristus. Kong yang jadi kapala pa parampuang yang percaya, itu laki-laki. Baru, yang jadi kapala pa Yesus Kristus, itu Tuhan Allah.

1 Korintus 11:3 ပူးပေါင်းရင်းမြစ်များ

Matius 28:18

Yesus badekat pa dorang kong bilang, “Kita so tarima samua kuasa di sorga deng di bumi.

Yohanes 14:28

Ngoni so dengar Kita ada bilang pa ngoni bagini: Kita mo pigi, tapi Kita mo datang ulang pa ngoni. Jadi kalu ngoni sayang pa Kita, pasti ngoni pe hati sanang skali, karna Kita pigi pa Kita pe Bapa. Barang, Kita pe Bapa itu lebe hebat dari Kita.

1 Korintus 3:23

Kong ngoni ini Yesus Kristus punya, kong Yesus Kristus itu Tuhan Allah punya.

Efesus 4:15

Tapi torang bilang yang butul pa orang laeng karna torang sayang pa dorang. Kong dalam samua hal, torang pe sifat lebe hari lebe tamba bae sampe sama deng Yesus Kristus pe sifat. Dia itu torang samua yang percaya pe pemimpin, sama deng Dia itu torang pe kapala.

Kolose 1:18

Yesus Kristus itu suda pemimpin yang ator Dia pe jemaat, sama deng kapala ator dia pe badan. Dia itu suda yang kamuka hidup ulang dari samua orang yang perna mati, jadi Dia yang paling penting dari samua yang ada.

Kolose 2:10

Kong karna ngoni so satu hati deng Yesus Kristus, samua yang ngoni perlu, so ada pa Dia. Dia itu suda yang lebe berkuasa dari samua yang bapimpin deng dari samua kuasa yang ada di langit deng di bumi.

Kolose 2:19

Orang-orang macam bagitu so tara butul-butul lagi iko pa Yesus Kristus. Padahal Yesus Kristus itu Kapala dari samua Dia pe umat. Dia yang biking pa torang jadi satu, deng supaya torang pe percaya pa Tuhan lebe tamba kuat. Ini bole kase sama deng kapala deng badan yang jadi satu karna ada sendi-sendi yang tara biking tapisa satu deng yang laeng.

Kolose 3:18

Ngoni bini-bini, ngoni musti dengar-dengaran pa ngoni pe laki, karna itu memang pantas untuk parampuang yang so percaya pa Tuhan.

1 Petrus 3:1

Bagitu lagi deng ngoni bini-bini, ngoni musti dengar-dengaran pa ngoni pe laki. Deng bagitu, kalu ada dari ngoni pe laki yang tara percaya Tuhan pe firman, ngoni tara perlu bilang apa-apa pa dorang, tapi ngoni pe cara hidup yang bae itu yang jadi conto la biking dong jadi percaya.