1 Korintus 11:2 - Perjanjian Baru Bahasa Melayu Maluku Utara

² Sudara-sudara, kita puji pa ngoni, karna ngoni inga samua yang kita jaga biking, deng ngoni me tetap pegang kuat ajaran yang kita so kase ajar pa ngoni.

1 Korintus 11:2 ပူးပေါင်းရင်းမြစ်များ

Lukas 1:6

Dorang dua laki bini ini hidup butul pa Tuhan Allah pe muka, deng dong iko samua Dia pe parenta deng aturan-aturan, kong tarada yang bisa kase sala pa dorang.

1 Korintus 11:17

Skarang kita mo kase tau babarapa hal pa ngoni, tapi dalam hal-hal ini kita tara bisa puji pa ngoni. Barang, waktu ngoni bakumpul untuk ibada, ngoni tara biking barang yang bae, tapi yang ngoni biking itu, barang yang tara bae.

1 Korintus 11:22

Bikiapa kong ngoni sampe jadi bagitu? Pa ngoni pe ruma ada makanang, to? Yang ngoni biking itu, ngoni biking malu pa Tuhan Allah pe jemaat deng pa orang-orang miskin, barang orang-orang miskin itu tara ada apa-apa untuk dong makang di ruma! Yang ngoni biking itu kita sama skali tara puji.

1 Korintus 15:2

Kalu ngoni tetap percaya Kabar Bae yang kita so kase tau pa ngoni itu, ngoni mo dapa slamat. Tapi kalu tarada, ngoni pe percaya itu jadi parcuma.

1 Korintus 4:17

Itu suda yang biking sampe kita utus Timotius pa ngoni, la dia kase inga ulang pa ngoni, bagimana kita pe cara hidup yang iko pa Kristus Yesus. Cara hidup itu yang kita so kase ajar pa samua jemaat di samua tampa yang kita pigi. Timotius itu kita so anggap kita pe ana. Dia kita sayang, deng dia lagi setia pa Tuhan.

1 Korintus 7:17

Tiap orang percaya musti hidup iko apa yang Tuhan Yesus so kase pa dia, jadi dia bole hidup bagitu turus, sama deng waktu Tuhan Allah pangge pa dia untuk jadi percaya. Itu suda parenta yang kita kase ajar di tiap jemaat yang kita pigi.

1 Tesalonika 1:6

Turus, torang pe cara hidup itu ngoni iko. Conto itu dari Tuhan sandiri. Biar ada orang yang siksa pa ngoni, Roh Kudus bantu pa ngoni sampe ngoni tetap tarima Kabar Bae deng sanang.

1 Tesalonika 3:6

Tapi skarang Timotius so bale dari ngoni di Tesalonika, kong dia kase tau kabar tentang ngoni yang biking torang sanang. Dia carita, ngoni tetap percaya pa Yesus deng baku sayang. Ngoni me inga pa torang deng rasa sanang. Kong ngoni suka mo baku dapa ulang deng torang, sama deng torang me suka baku dapa deng ngoni.

2 Tesalonika 2:15

Jadi sudara-sudara, ngoni musti tetap iko turus pa Tuhan! Pegang bae-bae samua ajaran yang torang so ajar pa ngoni, bae itu yang torang bilang langsung deng yang torang bilang deng surat.

2 Tesalonika 3:6

Sudara-sudara, karna kita Tuhan Yesus Kristus pe utusan, kita minta pa ngoni supaya ngoni bajao dari sudara-sudara yang sama-sama percaya yang tara mancari deng tara iko ajaran yang torang so kase ajar pa ngoni.