1 Korintus 1:1 - Perjanjian Baru Bahasa Melayu Maluku Utara

¹ Salam dari kita Paulus, Kristus Yesus pe utusan yang orang sebut rasul. Kita jadi rasul, itu karna Tuhan Allah pili pa kita iko Dia pe mau. Surat ini lagi dari Sostenes, torang pe sudara yang percaya.

1 Korintus 1:1 ပူးပေါင်းရင်းမြစ်များ

Roma 1:1

Sudara-sudara yang percaya di kota Roma. Salam dari kita Paulus. Kita ini orang yang jaga biking apa yang Kristus Yesus suru. Dia pili pa kita jadi Dia pe utusan yang orang jaga sebut rasul, deng Dia me kase tugas kusus pa kita untuk kase tau Kabar Bae dari Tuhan Allah pa orang-orang.

Efesus 1:1

Sudara-sudara yang so jadi Tuhan Allah pe umat di kota Efesus, ngoni yang so percaya pa Kristus Yesus. Salam dari kita Paulus. Kita ini Kristus Yesus pe utusan yang orang sebut rasul, kong kita jadi rasul karna Tuhan Allah pe mau.

2 Korintus 1:1

Sudara-sudara Tuhan Allah pe jemaat yang ada di kota Korintus, deng ngoni samua orang yang so jadi Tuhan Allah pe umat yang ada di seluru daera Akhaya. Salam dari kita Paulus, deng dari Timotius, torang pe sudara yang percaya. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau.

Kolose 1:1

Surat ini dari kita Paulus. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau. Surat ini me dari torang pe sudara Timotius yang sama-sama percaya pa Kristus Yesus.

Kisah Para Rasul 18:17

Kong orang-orang Yahudi yang ada di situ langsung tangka pa kapala ruma ibada agama Yahudi yang pe nama Sostenes. Dorang pukul pa dia pa gubernur pe muka, tapi gubernur tara peduli pa dorang.

2 Timotius 1:1

Timotius, salam dari kita Paulus. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau. Tuhan Allah pili pa kita untuk kase tau pa orang-orang Tuhan Allah pe janji. Tuhan Allah janji, kalu orang percaya pa Kristus Yesus, orang itu mo dapa hidup deng Dia slama-lamanya.

1 Timotius 2:7

Untuk kase tau pa orang-orang Kabar Bae itu, Tuhan Allah pili pa kita jadi Dia pe utusan yang orang sebut rasul. Dia suru pa kita pigi kase tau deng kase ajar pa orang-orang yang bukang Yahudi, supaya dorang percaya pa Yesus deng iko ajaran yang butul. Samua yang kita bilang ini butul, kita tara bafoya.

1 Timotius 1:1

Timotius, salam dari kita Paulus, Kristus Yesus pe utusan yang orang sebut rasul. Kita jadi rasul, itu karna iko Tuhan Allah deng Kristus Yesus pe parenta. Tuhan Allah itu yang kase slamat pa torang, deng Kristus Yesus itu yang jadi torang pe harapan.

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

Galatia 1:1

Surat ini dari kita Paulus. Kita ini Yesus Kristus pe utusan yang orang sebut rasul. Kita jadi rasul, bukang karna manusia yang suru, atau karna manusia yang pili pa kita, tapi Yesus Kristus deng Tuhan Allah yang pili pa kita. Tuhan Allah itu suda torang pe Bapa, yang kase hidup ulang pa Yesus Kristus waktu Dia mati.

Kisah Para Rasul 22:21

Tapi Tuhan bilang pa kita, ‘Pigi suda, barang Kita mo utus pa ngana pigi jao dari sini untuk kase tau tentang Kita pa orang-orang yang bukang Yahudi la dorang percaya.’ ”

Yohanes 15:16

Bukang ngoni yang pili pa Kita, tapi Kita yang pili pa ngoni jadi Kita pe murit. Kita so kase tugas pa ngoni, supaya ngoni pigi untuk biking hal-hal bae yang dia pe hasil mo ada turus. Deng bagitu, apa saja yang ngoni minta pa Kita pe Bapa pake Kita pe nama, Dia mo kase itu pa ngoni.

2 Korintus 12:12

Waktu kita masi sama-sama deng ngoni, kita so kase bukti, kita ini memang Yesus Kristus pe utusan, karna kita biking mujizat-mujizat, deng tanda-tanda laeng yang kase tunju Tuhan Allah pe kuasa sampe orang-orang jadi herang. Kong samua yang kita biking itu, kita biking deng sabar.

2 Korintus 11:5

Dorang yang datang ajar pa ngoni itu, orang bilang dorang itu, “Tuhan pe utusan-utusan yang hebat”, tapi menurut kita, dorang itu tara lebe hebat dari kita.

1 Korintus 15:9

Sebenarnya kita ini tara pantas dapa bilang rasul, barang dulu itu, so kita ini suda yang jaga siksa pa Tuhan Allah pe jemaat. Karna itu, dari samua rasul, kita ini suda yang paling tara arti.

1 Korintus 3:9

Torang dua ini me sama-sama karja untuk Tuhan Allah. Kong ngoni itu sama deng Tuhan Allah pe kobong, tampa yang tong dua bakarja. Deng ngoni lagi bole kase sama deng Tuhan Allah pe ruma.

Roma 1:5

Kong karna Yesus Kristus itu, Tuhan Allah kase Dia pe bae pa kita sampe Dia pili pa kita jadi rasul untuk kase tau Kabar Bae tentang Yesus Kristus pa samua suku bangsa, supaya samua orang bole percaya, deng bole iko Yesus Kristus pe mau.

Kisah Para Rasul 1:2

sampe waktu Dia taangka ka atas di sorga. Sebelum Yesus taangka, Dia pasáng pa Dia pe utusan-utusan yang orang sebut rasul-rasul, apa yang dorang musti biking. Dorang itu yang Dia so pili, kong Dia pasáng pa dorang itu pake Roh Kudus pe kuasa.

Yohanes 20:21

Kong Yesus bilang ulang pa dorang, “Tuhan Allah biking ngoni hidup deng hati tenang! Kita pe Bapa so utus pa Kita, bagitu lagi Kita utus pa ngoni skarang.”

Lukas 6:13

Pe beso pagi, Yesus pangge pa orang-orang yang jaga iko pa Dia, kong Dia pili dua blas orang dari dorang. Dua blas orang itu yang jadi Dia pe utusan-utusan yang Dia sebut rasul-rasul. Ini dorang pe nama-nama:

Kisah Para Rasul 1:15

Satu kali bagini, waktu orang-orang yang percaya pa Yesus bakumpul sama-sama, dorang itu pe banya mangkali saratus dua pulu orang. Turus Petrus badiri pa dong pe tenga-tenga kong bilang,

Roma 1:10

Waktu kita berdoa, kita minta pa Tuhan Allah supaya kalu itu Tuhan pe mau, Dia kase kesempatan pa kita untuk pigi pa ngoni skarang.

2 Korintus 8:5

Doi sumbangan yang dorang kase itu, lebe banya dari yang torang harap dong kase. Tapi dorang so lebe kamuka kase dong pe hidup pa Tuhan Yesus, turus dorang kase lagi dong pe hidup pa torang, karna itu yang Tuhan Allah mau.