طِطُس 2:2 - پنجابی نواں عہد نامہ نظرثانی شدہ چھپائی

² ایہہ پئی بُڈّھے پرہیزگار سنجیدہ تے سُرت والے ہون۔ اوہناں دا اِیمان۔ تے مُحبّت۔ تے صبر ٹھیک ہوئے۔

طِطُس 2:2 ပူးပေါင်းရင်းမြစ်များ

مرقس 5:15

تے یِسُوع دے کول آ کے اوس دِیوانے نُوں جِہدے وِچ بدرُوحاں دا لشکر سی۔ بَیٹھیاں۔ ہویاں تے کپڑے پایاں ہویاں۔ تے سُرت سمبھالیاں ہویاں ویکھیا۔ تے ڈر گئے۔

لُوقا 8:35

تَد اوہ اوہدا حال ویکھن نُوں نِکلے۔ تے یِسُوع کول آئے تے اوس بندے نُوں جِہدے وِچوں بدرُوحاں نِکلیاں سن۔ کپڑے پائے تے سُرت سمبھالی یِسُوع دے پیراں کول بَیٹھیاں ویکھیا۔ تے اوہ ڈر گئے۔

اعمال 24:25

تے جد اوہ نیکی تے پرہیزگاری تے آؤن والی عدالت دی بابت بیان پیا کر دا سی۔ تَد فیلِکس نے خَوف کھا کے جواب دِتّا۔ ایس ویلے تُوں جا۔ موقع ویکھ کے مَیں تینُوں سدّاں گا۔

رُومِیوں 12:3

کیوں جو اوس فضل نال جیہڑا مَینُوں بخشیا گیا اے۔ مَیں تُہاڈے وِچوں ہر اِک نُوں آکھنا آں۔ پئی جیہڑا اپنی بابت تُہانوں خیال کرنا چاہیدا اے۔ اوہدے توں وَدّھ نا کرو۔ پر سُرت نال اوسے طرح خیال کرو۔ جیویں خُدا نے ہر اِک نُوں اِیمان دا حِصّہ ونڈ دِتّا۔

۱-کُرِنتھِیوں 15:34

اِیماندار ہون لئی ہوش وِچ آؤ۔ تے گُناہ نا کرو۔ کیوں جو کئیاں وِچ خُدا دی پچھان نئیں۔ مَیں تُہانوں شرمندیاں کرن لئی ایہہ آکھنا آں۔

۱-کُرِنتھِیوں 9:25

تے ہر اِک پہلوان سبھ طرح دا پرہیز کر دا اے۔ اوہ لوک تے کُملان والا سِہرا لین لئی ایہہ کر دے نیں۔ پر اسی اوس سِہرے لئی کرنے آں۔ جیہڑا کُملاؤندا نئیں۔

۲-کُرِنتھِیوں 5:13

جے اسی بے خود آں۔ تاں خُدا دے لئی آں۔ تے جے سُرت والے آں تے تُہاڈے لئی۔

گلتِیوں 5:23

حلِیمی پرہیزگاری اے۔ اجیہاں کمّاں دے برخلاف کوئی شریعت نئیں۔

فِلِپّیوں 4:8

بھراؤ! ہور ایہہ گلّ اے جیہڑیاں گلّاں سَچیاں نیں جیہڑیاں عِزّت جوگیاں نیں جیہڑیاں نیک نیں۔ جیہڑیاں سُدّھ نیں۔ جیہڑیاں پیاریاں نیں۔ جیہڑیاں بھلیاں نیں۔ جیہڑیاں گُن دِیاں نیں تے جیہڑیاں تعرِیف دِیاں نیں اوہناں اُتّے دھیان رکھو۔

۱-تھِسّلُنِیکوں 5:6

سو ہورناں وانگر سَوں نا رہئے۔ پر جاگدے تے ہوش وِچ رہئے۔

۱-تھِسّلُنِیکوں 5:8

پر اسی جیہڑے دِن دے آں اِیمان تے مُحبّت دی بکتر پا کے تے نجات دی آس دا خود پا کے ہُشیار رہئے۔

۱-تِیمُتِھیُس 1:10

تے زناہیاں تے مُنڈے بازاں تے بردہ فروشاں تے جُھوٹھیاں تے جُھوٹھی سَونہہ کھان والیاں تے جو کُجھ وی ہور ٹھیک تعلِیم دے اُلٹ ہوئے۔

۱-تِیمُتِھیُس 1:14

تے ساڈے خُداوند دا فضل اوس اِیمان تے پیار دی راہِیں جیہڑا مسِیح یِسُوع وِچ اے بُہت وَدّھ کے ہویا۔

۱-تِیمُتِھیُس 1:2

تِیمُتِھیُس دے ناں جیہڑا اِیمان وِچ میرا سَچّا پُتر اے خُدا باپ تے ساڈے خُداوند مسِیح یِسُوع ولّوں فضل رَحم تے تسلّی ہوئے۔

۱-تِیمُتِھیُس 1:5

حُکم دا مطلب ایہہ اے پئی پاک دِلی تے نیک نِیتی تے سَچّے اِیمان نال مُحبّت ہوئے

۱-تِیمُتِھیُس 3:11

ایسے طرح زنانِیاں وی سنجیدہ ہونیاں چاہیدیاں نیں۔ اُوج لان والِیاں نا ہون سگوں پرہیزگار تے سارِیاں گلّاں وِچ اِیمان دار ہون۔

۱-تِیمُتِھیُس 3:2

ایس لئی نگران بے نُقص تے اِک زنانی دا بندہ۔ تے پرہیزگار تے سُرت والا تے سُچجا تے مُسافراں دی سیوا کرن والا تے سکھان وِچ چَنگا ہوئے۔

۱-تِیمُتِھیُس 3:4

اپنے گھر دا چنگی طرح بندوبست کرن والا ہوئے تے اپنیاں بچّیاں نُوں پُوری سنجِیدگی نال تابعیاں رکھن والا ہوئے۔

۱-تِیمُتِھیُس 3:8

ایسے طرح معاونین نُوں وی سنجیدہ ہونا چاہیدا اے۔ نِگلّے تے شرابی تے ناجائز نفع لین دے لالچی نا ہون۔

۱-تِیمُتِھیُس 5:1

کِسے بُڈّھے نُوں نا جِھڑکیں۔ سگوں پئیو سمجھ کے نصِیحت کریں۔

طِطُس 1:13

ایہہ گواہی سَچّی اے۔ پر اوہناں نُوں چنگی طرح جھاڑ پئی اوہناں دا اِیمان ٹھیک ہوئے۔

طِطُس 1:8

پر مُسافراں دی تواضع کرن والا۔ نیکی نُوں پسند کرن والا۔ سُرت والا تے نیائِیں۔ پاک تے پرہیزگار ہوئے۔

طِطُس 2:7

سارِیاں گلّاں وِچ اپنے آپ نُوں نیک گلّاں دا نمونہ بنا۔ تیری تعلِیم وِچ صفائی تے سنجِیدگی ہوئے۔

فلِیمون 1:9

تے وی مَینُوں ایہہ بُہتا چَنگا لگدا اے۔ پئی مَیں بُڈّھا پَولُس سگوں ایس ویلے مسِیح یِسُوع دا قیدی ہو کے پیار نال مِنّتاں کراں۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 4:7

سارِیاں شیواں ہُن مُک چلیاں نیں ایس لئی سُرت والے ہوؤ تے دُعاواں لئی تیار رہو۔

۱-پطرس 5:8

تُسی ہوش رکھو تے جاگدے رہو تُہاڈا وَیری ابلیس گرجن والے شیر وانگر لَبّھدا پِھردا اے پئی کِنوں پاڑ کھاواں۔

۲-پطرس 1:6

تے عِلم اُتّے پرہیزگاری تے پرہیزگاری اُتّے صبر تے صبر اُتّے دِینداری۔