طِطُس 2:14 - پنجابی نواں عہد نامہ نظرثانی شدہ چھپائی

¹⁴ جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

طِطُس 2:14 ပူးပေါင်းရင်းမြစ်များ

متّی 1:21

اوہ پُتر جمّے گی۔ تے تُوں اوہدا ناں یِسُوع رکھّیں کیوں جو اوہو اپنے لوکاں نُوں اوہناں دے گُناہاں توں بچائے گا۔

متّی 20:28

جیویں اِبنِ آدم سیوا کران نئیں سگوں سیوا کرن تے بتھیریاں دے تھاں ڈنڈ بھرن نُوں اپنی جان دین آیا اے۔

متّی 3:12

اوہدا چھج اوہدے ہتّھ وِچ اے۔ تے اوہ اپنے کھلواڑے نُوں چنگی طرح صاف کرے گا۔ تے اپنی کنک نُوں کوٹھی وِچ جمع کرے گا پر تُوڑی نُوں اوس اَگ نال ساڑ دے گا۔ جیہڑی کدی نئیں بُجھدی۔

یُوحنّا 10:15

جیویں باپ مَینُوں جان دا اے تے مَیں باپ نُوں جاننا آں۔ تے بھیڈاں لئی مَیں اپنی جان دینا آں۔

یُوحنّا 6:51

زِندگی دی روٹی مَیں آں جیہڑی اسمانوں لتّھی اے جے کوئی ایس روٹی وِچوں کھائے سدا تِیکر جئے گا۔ سگوں جیہڑی روٹی مَیں دُنیا دی زِندگی لئی دیاں گا اوہ میرا گوشت اے۔

اعمال 15:14

شمعُون بیان کِیتا اے۔ پئی کِیویں خُدا پہلوں غیر قوماں اُتّے نِگاہ کِیتی۔ پئی اوہناں وِچوں اِک اُمّت نُوں اپنے ناں دے لئی چُن لَوے۔

اعمال 15:9

تے اوہناں دے دِل اِیمان نال پاک صاف کر کے ساڈے تے اوہناں دے وِچ کُجھ فرق نا رکھیا۔

اعمال 20:28

تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔

اعمال 9:36

تے یافا وِچ اِک شاگِردنی سی جِہدا ناں تبِیتا سی جِہدا مطلب ہرنی اے۔ اوہ نیک کمّاں تے خَیرات کرن وِچ رُدھی رہندی سی۔

گلتِیوں 1:4

جِس ساڈیاں گُناہاں دے بدلے اپنے آپ نُوں قُربان کر دِتّا۔ ایس کر کے پئی ساڈے خُدا تے باپ دی مرضی دے سببّوں سانُوں ہُن وی بَھیڑی دُنیا توں چھڈائے۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

گلتِیوں 3:13

مسِیح ساڈے لئی لعنتی بن کے تے سانُوں مُل لے کے شریعت دی لعنت توں چھڈایا۔ کیوں جو لِکھیا ہویا اے پئی جیہڑا کاٹھ اُتّے ٹنگیا گیا اوہ لعنتی اے۔

اِفسِیوں 1:11

اوسے وِچ اسی وی اوسے اِرادے دے سببّوں جیہڑا اپنی مرضی دی صلاح نال سبھ کُجھ کر دا اے۔ مُڈھوں ای مُقرّر ہو کے وِرثہ بنے۔

اِفسِیوں 2:10

کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

۱-تِیمُتِھیُس 1:15

ایہہ سَچّی گلّ اے تے سبھنیں پاسیں مَنّن والی اے پئی مسِیح یِسُوع گُناہِیاں نُوں نجات دین واسطے دُنیا وِچ آیا جِنہاں وِچوں مَیں موہرلا آں۔

۱-تِیمُتِھیُس 2:10

سگوں جیویں خُدا دِیاں مَنّن والیاں نُوں پھبدا اے پئی اپنے آپ نُوں چنگے کمّاں نال سنگارن۔

۱-تِیمُتِھیُس 2:6

جِس سبھناں دی تھانویں ڈنڈ بھرن لئی اپنا آپ دے دِتّا۔ پئی ویلیاں سِر اوہدی گواہی دِتّی جاوے۔

۱-تِیمُتِھیُس 6:18

تے نیکی کرن تے چنگے کمّاں وِچ دَولتمند بنن تے سخی ہون نُوں تیار تے مدد کرن اُتّے قیم ہون۔

طِطُس 2:7

سارِیاں گلّاں وِچ اپنے آپ نُوں نیک گلّاں دا نمونہ بنا۔ تیری تعلِیم وِچ صفائی تے سنجِیدگی ہوئے۔

طِطُس 3:8

ایہہ گلّ سَچ اے۔ تے مَیں چاہناں آں پئی تُوں ایہہ گلّاں بڑا پَکّ کر کے دسیں۔ تاں جو جِنہاں خُدا نُوں مَنّیا اے۔ اوہ چنگے کمّاں وِچ لگّے رہن دا خیال رکھن۔ ایہہ گلّاں بندیاں لئی چَنگیاں تے فائدے والِیاں نیں۔

عِبرانیوں 1:3

اوہ اوہدے جلال دا لشکارا تے اوہدی ذات دا ٹھپّہ ہو کے سارِیاں شیواں نُوں اپنی قُدرت دے کلام نال سمبھالدا اے۔ اوہ ساڈے گُناہاں نُوں دھو کے بلندی اُتّے جناب باری دے سَجّے پاسے جا بَیٹھا۔

عِبرانیوں 10:24

تے مُحبّت تے نیک کمّاں ولّ اُکسان لئی اِک دُوجے دا خیال رکھیے۔

عِبرانیوں 9:14

تے مسِیح دا لہو جِس اپنے آپ نُوں سدا دی رُوح دی راہِیں خُدا دے اگّے بے عیب قُربان کِیتا۔ تُہاڈے دِلاں نُوں مُردہ کمّاں توں کِنّاں کُو چوکھا پاک کرے گا۔ تاں جو تُسی جِیوندے خُدا دی بندگی کرو۔

یعقُوب 4:8

خُدا دے نیڑے جاؤ تے اوہ تُہاڈے نیڑے آوے گا۔ گُناہیو۔ اپنے ہتّھاں نُوں صاف کرو تے دو دِلیؤ اپنے دِلاں نُوں پاک کرو۔

۱-پطرس 1:18

کیوں جو تُسی جان دے ہو پئی تُہاڈا نکمّا چال چَلّن جیہڑا پئیو دادیاں توں لگا آؤندا سی۔ اوہدے توں تُہاڈی خلاصی ناس ہون والِیاں شیواں یعنی سونے چاندی نال نئیں ہوئی۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

۱-پطرس 2:12

تے غیر قوماں وِچ اپنا چال چَلّن نیک رکھو۔ تاں جو جیہڑیاں گلّاں وِچ اوہ تُہانوں بدکار جان کے تُہاڈے اُتّے عیب لاندے نیں تُہاڈے نیک کمّاں نُوں ویکھ کے اوہناں دے سببّوں پڑتال دے دِہاڑے خُدا دی وڈیائی کرن۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

۱-پطرس 3:18

ایس لئی پئی مسِیح وی راستباز ناراستاں دے لئی اِکّو وار دُکھ اُٹھایا۔ تاں جو سانُوں خُدا دے کول اَپڑائے۔ اوہ جِسم ولّوں ماریا گیا پر رُوح ولّوں جوالیا گیا۔

۱-یُوحنّا 1:7

پر جے اسی چانن وِچ ٹُر نیں آں۔ جیویں اوہ چانن وِچ اے تے ساڈی آپو وِچ سنگت اے تے اوہدے پُتر یِسُوع مسِیح دا لہو سانُوں ساریاں گُناہاں توں پاک کر دا اے۔

۱-یُوحنّا 1:9

جے اپنے گُناہ مَن لَئے تے اوہ ساڈے گُناہ مُعاف کرن۔ تے سانُوں ساری بُریائی توں پاک کرن وِچ سَچّا تے نیائِیں اے۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔

مُکاشفہ 1:5

تے یِسُوع مسِیح ولّوں جیہڑا سَچّا گواہ تے مُردیاں وِچوں جی اُٹھن والیاں دا پلیٹھا اے۔ تے دُنیا دے بادشاہاں دا حاکم اے۔ جیہڑا ساڈے نال مُحبّت رکھدا اے تے جِس اپنے خُون دی راہِیں سانُوں گُناہ توں خلاصی بخشی۔

مُکاشفہ 5:9

تے اوہ نواں گِیت گاؤن لگّے پئی تُوں ای اوس کتاب دے لین تے اوہدیاں مُہراں توڑن دے لائق ایں۔ کیوں جو تُوں ہلال ہو کے اپنے خُون توں ساریاں گھرانیاں تے زبان والیاں تے اُمّتاں تے قوماں وِچوں خُدا دے لئی لوکاں نُوں مُل لیا۔