طِطُس 2:12 - پنجابی نواں عہد نامہ نظرثانی شدہ چھپائی

¹² تے سانُوں سِکھاؤندا اے۔ پئی بیدینی تے دُنیاوی خواہشاں نُوں چھڈ کے ایس جہان وِچ پرہیز تے نیکی تے دِینداری نال زِندگی کٹیئے۔

طِطُس 2:12 ပူးပေါင်းရင်းမြစ်များ

متّی 12:32

تے جیہڑا کوئی اِبنِ آدم دے برخلاف کوئی گلّ کرے اوہ اوہنوں بخشیا جائے گا۔ پر جیہڑا پاک رُوح دے برخلاف بولے اوہنوں بخشیا نا جائے گا۔ نا ایس جہان وِچ نا اگلے جہان وِچ۔

متّی 16:24

تَد یِسُوع نے اپنے شاگِرداں نُوں آکھیا۔ جے کوئی میرے پِچّھے آؤنا چاہے تے اپنے آپ دا اِنکار کرے تے اپنی صلِیب چُک کے میرے مگر ٹُر پئے۔

متّی 28:20

تے اوہناں نُوں سکھاؤ پئی اوہناں سارِیاں گلّاں دی پالنا کرن جِنہاں دا مَیں تُہانوں حُکم دِتّا سی۔ تے ویکھو دُنیا دے اخِیر تِیکر ہر ویلے مَیں تُہاڈے نال آں۔ آمِین۔

لُوقا 1:6

اوہ دوویں خُدا دے اگّے نیک سن۔ تے خُداوند دے سارے حُکماں تے قانُوناں اُتّے بے عیب چَلّن والے سن۔

لُوقا 1:75

پاکیزگی تے نیکی نال ساری عُمر اوہدے حضُور بے دھڑک اوہدی عبادت کریئے۔

یُوحنّا 14:30

ایدوں پِچّھوں مَیں تُہاڈے نال بُہت گلّاں نا کراں گا کیوں جو دُنیا دا سردار آؤندا اے تے میرے وِچ اوہدا کُجھ نئیں اے۔

یُوحنّا 6:25

تے اوہناں اوہنوں سمُندروں پار لَبّھ کے آکھیا اَے ربّی تُوں ایتھے کدوں آیا؟

اعمال 24:16

مَیں وی ایہدے وِچ کوشش کرنا آں۔ پئی خُدا تے بندیاں دے اگّے میرا دِل کَدے مَینُوں ملامت نا کرے۔

اعمال 24:25

تے جد اوہ نیکی تے پرہیزگاری تے آؤن والی عدالت دی بابت بیان پیا کر دا سی۔ تَد فیلِکس نے خَوف کھا کے جواب دِتّا۔ ایس ویلے تُوں جا۔ موقع ویکھ کے مَیں تینُوں سدّاں گا۔

رُومِیوں 12:2

تے ایس جہان دی شکل ورگے نا بنو۔ سگوں نَوِیں عقل ہون نال اپنی صُورت بدل دے جاؤ۔ تاں جو خُدا دی نیک تے چنگی لگّن والی تے کامِل مرضی تجربے نال معلُوم کر دے رہو۔

رُومِیوں 6:12

سو گُناہ تُہاڈے فانی بدن وِچ بادشاہی نا کرے۔ پئی تُسی اوہدیاں شہوتاں نُوں مَنّوں۔

رُومِیوں 6:19

تُہاڈے جِسم دی کمزوری دے سببّوں مَیں اِنسانی سبھا وانگُوں گلّ کرنا آں کیوں جو جیویں تُساں اپنے انگاں نُوں شرارت کرن لئی پلِیتی تے شرارت دی غلامی دے حوالے کِیتا اوسے طرح ہُن تُسی اپنے انگاں نُوں پاک ہون لئی راستبازی دی غلامی دے حوالے کر دیو۔

رُومِیوں 8:13

کیوں جو جے جِسم دے سببّوں زِندگی کٹّو تاں تُہانوں مرنا پئے گا۔ پر جے تُسی رُوح نال بدن دیاں کمّاں نُوں مار دے رہو۔ تے جِیوندے رہو گے۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

۲-کُرِنتھِیوں 7:1

سو اَے عزِیزو! ایس کر کے پئی ساڈے نال اجیہے وعدے کِیتے گئے۔ تے آؤ اپنے آپ نُوں ہر طرح دی جِسمانی تے رُوحانی گندگی توں پاک کریئے تے خُدا دے خَوف نال پاکیزگی نُوں کمال تِیکر پُچایئے۔

گلتِیوں 1:4

جِس ساڈیاں گُناہاں دے بدلے اپنے آپ نُوں قُربان کر دِتّا۔ ایس کر کے پئی ساڈے خُدا تے باپ دی مرضی دے سببّوں سانُوں ہُن وی بَھیڑی دُنیا توں چھڈائے۔

گلتِیوں 5:24

تے جیہڑے مسِیح یِسُوع دے نیں۔ اوہناں جِسم نُوں اوہدیاں چاہواں تے خواہشاں سَنے سُولی چاڑھ دِتّا اے۔

اِفسِیوں 1:4

تے اوس سانُوں دُنیا دے مُڈھ توں پہلاں اوہدے وِچ ایس لئی چُن لیا پئی اسی اوہدے سامھنے مُحبّت وِچ پاک تے بے نُقص ہوئے۔

اِفسِیوں 2:2

جِنہاں وِچ تُسی پہلاں ایس دُنیا دی چال اُتّے ٹُر دے سو۔ وَا دے پتّے دے حاکم یعنی اوس رُوح دے مگر مگر ٹُردے سو۔ جیہڑی ہُن نافرمان لوکاں وِچ اثر کر دی اے۔

کُلُسِّیوں 1:22

جیہڑے پہلاں خارج تے بُریاں کمّاں دے سببّوں وَیری سو۔ تاں جو اوہ تُہانوں پاک تے بے نُقص تے بے الزام بنا کے اپنے اگّے حاضر کرے۔

۱-تھِسّلُنِیکوں 4:7

ایس لئی پئی خُدا سانُوں پلِیتی دے واسطے نئیں پر پاکیزگی دے واسطے سدّیا اے۔

۱-تھِسّلُنِیکوں 4:9

پر بھراواں دی مُحبّت ولّوں تُہانوں کُجھ لِکھن دی لوڑ نئیں۔ کیوں جو تُساں آپو وِچ مُحبّت رکھنا خُدا کولوں سِکھیا اے۔

۱-تِیمُتِھیُس 4:12

کوئی تیری جوانی ولّوں تیری حقارت نا کرے۔ سگوں اِیمان والیاں لئی گلّاں کرن تے چال چَلّن تے پیار تے اِیمان پاکیزگی وِچ نمونہ بن۔

۱-تِیمُتِھیُس 6:17

ہُن دے جہان دیاں دَولت منداں نُوں حُکم دے۔ پئی مغرُور نا ہون تے قیم نا رہن والی دَولت اُتّے نئیں سگوں خُدا اُتّے آس رکھن۔ جیہڑا سانُوں سواد لین واسطے سارِیاں شیواں کُھلے دِل نال دیندا اے۔

۱-تِیمُتِھیُس 6:9

پر جیہڑے دَولتمند بننا چاہندے نیں اوہ ایسے ای ازمایش تے پھاہی تے بُہت ساری واہیات تے نُقصان دین والِیاں خواہشاں وِچ پَھس جاندے نیں جیہڑیاں بندیاں نُوں بربادی تے مَوت دے دریا وِچ ڈوب دیندیاں نیں۔

۲-تِیمُتِھیُس 3:12

سگوں جِنّے مسِیح یِسُوع وِچ دِینداری دے نال زِندگی کٹنی چاہندے نیں۔ اوہ سارے ستائے جان گے۔

۲-تِیمُتِھیُس 4:10

کیوں جو دِیماس ایس دُنیا نُوں پیار کر کے مَینُوں چھڈ کے تھِسّلُنِیکے نُوں ٹُر گیا۔ تے کریسکینس گلِتیہ نُوں تے طِطُس دِلمتیہ نُوں۔

طِطُس 3:3

کیوں جو اسی وی پہلاں نادان۔ نافرمان۔ دھوکھا کھان والے تے بُریاں خواہشاں تے خُوشیاں دے غلام ساں۔ تے دُکھ۔ تے ساڑا کر دے ساں۔ نفرت دے لائق ساں تے آپو وِچ وَیر رکھدے ساں۔

عِبرانیوں 8:11

تے اوہناں ساریاں نُوں اپنے اپنے وطنی تے اپنے اپنے بھرا نُوں ایہہ تعلِیم نا دینی پَوے گی۔ پئی تُوں خُداوند نُوں جان کیوں جو نِکّے توں لے کے وڈّے تِیکر سارے مَینُوں جانن گے۔

یعقُوب 1:27

ساڈے خُدا تے باپ دے اگّے پاک تے بے نُقص دِینداری ایہہ اے پئی دُکھ دے ویلے یتِیماں تے رَنڈِیاں دی خبر لئیے۔ تے اپنے آپ نُوں دُنیا وِچ بے نُقص رکھیے۔

۲-پطرس 2:9

تے خُداوند دِینداراں نُوں ازمایش وِچوں کڈھ لینا تے بدکاراں نُوں عدالت دے دِن تِیکر سزا وِچ رکھنا جان دا اے۔

۲-پطرس 3:11

جد ایہہ سارِیاں شیواں ایس طرح پگھرن والِیاں نیں تے تُہانوں پاک چال چَلّن تے دِینداری وِچ کیہو جِہیا ہونا چاہیدا اے۔

۱-یُوحنّا 2:27

تے تُہاڈا اوہ مسَح جیہڑا اوہدے ولّوں کِیتا گیا تُہاڈے وِچ قیم رہندا اے۔ تے تُہانوں ایس گلّ دی لوڑ نئیں۔ پئی کوئی تُہانوں سِکھائے۔ سگوں جیویں اوہ مسَح جیہڑا اوہدے ولّوں تُہاڈے اُتّے کِیتا گیا۔ تُہانوں سارِیاں گلّاں سِکھالدا اے تے سَچّا اے۔ تے جُھوٹھا نئیں تے جیویں اوس تُہانوں سکھایا اے۔ اوسے طرح اوہدے وِچ قیم رہو۔

۱-یُوحنّا 2:6

جیہڑا ایہہ آکھدا اے۔ پئی مَیں اوہدے وِچ رہنا آں۔ تے اوہنوں اوسے طرح ٹُرناں چاہیدا اے۔ جیویں اوہ ٹُردا ہوندا سی۔

۱-یُوحنّا 5:19

سانُوں پتا اے پئی اسی خُدا ولّوں آں تے ساری دُنیا اوس شریر دے ہتّھ وِچ پئی ہوئی اے۔

یہُوداہ 1:18

اوہ تُہانوں آکھدے ہوندے سن پئی چھیکڑ دے ویلے اجیہے مخَول کرن والے ہون گے۔ جیہڑے اپنی بے دِینی دِیاں حِرصاں اُتّے ٹُرن گے۔

مُکاشفہ 14:12

پاک لوکاں یعنی خُدا دے حُکماں اُتّے عمل کرن والیاں تے یِسُوع اُتّے اِیمان لیاؤن والیاں دے صبر دا ایہو ویلا اے۔