طِطُس 1:15 - پنجابی نواں عہد نامہ نظرثانی شدہ چھپائی

¹⁵ پاک لوکاں واسطے سارِیاں شیواں پاک نیں۔ پر پلِیت تے بے اِیمان لوکاں واسطے کُجھ وی پاک نئیں۔ پر اوہناں دی عقل تے دِل دونویں پلِیت نیں۔

طِطُس 1:15 ပူးပေါင်းရင်းမြစ်များ

متّی 15:18

پر جیہڑیاں گلّاں مُنھوں باہر آؤندیاں نیں سو دِل وِچوں نِکل دِیاں نیں۔ تے اوہ ای بندے نُوں پلِیت کر دیاں نیں۔

اعمال 10:15

تے دُوجی واری اوہنوں اواز آئی پئی جِہنُوں خُدا پاک کِیتا اے۔ تُوں ناپاک نا بنا۔

رُومِیوں 14:14

مَیں جاننا آں تے خُداوند یِسُوع وِچ مَینُوں یقِین ہویا اے۔ پئی کوئی شے اپنے آپ وِچ ناپاک نئیں اے۔ پر جیہڑا کِسے شے نُوں ناپاک گندا اے۔ اوہدے لئی ناپاک اے۔

رُومِیوں 14:20

کھان دے سبّب خُدا دے کمّ نُوں نا وگاڑ۔ سارِیاں شیواں تے پاک نیں پر اوس بندے دے لئی بُریاں نیں جِہنُوں کھان نال ٹھوکر لگدی اے۔

رُومِیوں 14:23

پر جیہڑا شک رکھ کے کھاندا اے۔ اوہ گُنہگار ٹھہریا۔ ایس لئی پئی اِیمان نال نئیں کھاندا تاں جو کُجھ اِیمان نال نئیں۔ سو گُناہ اے۔

۱-کُرِنتھِیوں 10:23

سارِیاں شیواں روا تے ہَین۔ پر سارِیاں شیواں فائدے والیاں نئیں۔ سارِیاں شیواں روا تے ہَین۔ پر سارِیاں ترقی دا سبّب نئیں۔

۱-کُرِنتھِیوں 10:25

جو کُجھ قصائِیاں دی دُکاناں اُتّے وِکدا اے۔ سو کھاؤ۔ تے دِین دا خیال کر کے کُجھ نا پُچھو۔

۱-کُرِنتھِیوں 10:31

سو تُسی کھاؤ یا پِیو جو کُجھ کرو سبھ کُجھ خُدا دے جلال لئی کرو۔

۱-کُرِنتھِیوں 8:7

پر سبھناں نُوں ایہہ عِلم نئیں۔ سگوں کئیاں نُوں اجے تِیکر بُت پُوجن دی عادت اے۔ ایس لئی اوس ماس نُوں بُت دی قُربانی جان کے کھاندے نیں۔ تے اوہناں دا دِل ایس کر کے پئی کمزور اے پلِیت ہو جاندا اے۔

۱-تِیمُتِھیُس 6:5

تے اوہناں بندیاں وِچ جھگڑے ہوندے نیں جِنہاں دی عقل وِگڑ گئی اے۔ تے سچیائی توں خالی نیں۔ تے دِینداری نُوں نفع لین دا وسیلہ سمجھدے نیں۔

عِبرانیوں 10:22

تے فیر اسی سَچّے دِل تے پُورے اِیمان نال تے دِل دے الزام نُوں دُور کرن لئی دِل اُتّے چھٹّے مار کے تے بدن نُوں سُتھرے پانی نال صاف کر کے خُدا دے کول چلّئے۔

عِبرانیوں 12:15

دھیان نال ویکھدے رہو۔ پئی کوئی بندہ خُدا دے فضل توں خالی نا رہ جائے۔ اینج نا ہوئے۔ پئی کوئی کَوڑی جڑ پُھٹ کے تُہانوں دُکھ دے تے اوہدے سبّب بُہتے لوک پلِیت ہو جان۔

عِبرانیوں 9:14

تے مسِیح دا لہو جِس اپنے آپ نُوں سدا دی رُوح دی راہِیں خُدا دے اگّے بے عیب قُربان کِیتا۔ تُہاڈے دِلاں نُوں مُردہ کمّاں توں کِنّاں کُو چوکھا پاک کرے گا۔ تاں جو تُسی جِیوندے خُدا دی بندگی کرو۔