طِطُس 1:12 - پنجابی نواں عہد نامہ نظرثانی شدہ چھپائی

¹² اوہناں وِچوں اِکّی آکھیا اے۔ جیہڑا سگوں اوہناں دا اپنا نبی سی۔ پئی کریتی سدا جُھوٹھے بَھیڑے پشُو۔ آہلکی پیٹُو ہوندے نیں۔

طِطُس 1:12 ပူးပေါင်းရင်းမြစ်များ

اعمال 17:28

کیوں جو اوہدے وِچ اسی جِیوندے تے ٹُردے پِھرے دے تے موجُود رہنے آں۔ جیویں بعضے تُہاڈے اپنے شاعِراں نیں وی آکھیا اے۔ پئی اسی تاں اوسے دی نسل آں۔

اعمال 2:11

کریتی تے عربی آں تے اپنیاں اپنیاں بولیاں وِچ ایہناں نُوں خُدا دِیاں وڈّیاں گلّاں بولدے سُننے آں۔

اعمال 27:12

تے ایس لئی پئی اوہ پتّن سِیال ٹپان لئی چَنگا نئیں سی بتھیریاں دی صلاح سی پئی ایتھوں ٹُر چلّئے۔ پئی کِسے طرح فِینِکس نُوں اَپڑ سکِئے۔ تے اوتھے سِیال لنگھائیے اوہ تاں کریتے دا اِک پتّن اے۔ تے اوہدا مُہاڑ پہاڑ چڑھدے تے دَکھّن چڑھدے ولّ اے۔

اعمال 27:13

تے جدوں دکھنی وَا ہَولی ہَولی وَگن لگّی۔ تَد ایہہ سمجھ کے پئی ساڈا مطلب ہتّھ آیا اوہناں لنگر نُوں چُک لیا۔ تے کریتے دے کنڈھے دے نال نال ٹُرے۔

اعمال 27:7

تے جد بُہت دِن تِیکر ہَولے ہَولے ٹُر کے اسی مَساں کَنِدُس دے سامھنے اَپڑے تے ایس واسطے پئی وَا سانُوں اگّے نئیں سی جان دیندی۔ اسی سلمونے دے ساہمنیوں ہو کے کریتے دے اوہلے اوہلے چلّے۔

رُومِیوں 16:18

کیوں جو ایہو جِہے ساڈے خُداوند مسِیح دے غلام نئیں سگوں اپنے ڈِھڈ دے غلام نیں۔ تے چوپڑیاں چاپڑیاں گلّاں نال اوہ بھولیاں دیاں دِلاں نُوں بھچلاندے نیں۔

فِلِپّیوں 3:19

اوہناں دا انت ہلاکت اے۔ ڈِھڈ اوہناں واسطے خُدا اے۔ اوہ اپنی شرم دِیاں گلّاں اُتّے پُھلدے نیں۔ تے دُنیا دِیاں شیواں ولّ دھیان رکھدے نیں۔

۱-تِیمُتِھیُس 4:2

ایہہ اوہناں جُھوٹھیاں بندیاں دے فریب دے سببّوں ہوئے گا۔ جِنہاں اپنے دِلاں نُوں گویا تّتے لوہے نال داغی کِیتا۔

طِطُس 1:5

مَیں کریتے وِچ تینُوں ایس لئی چھڈیا سی پئی تُوں جِنہاں گلّاں وِچ کسر رہ گئی سی ٹھیک کریں۔ تے جیویں مَیں حُکم دِتّا ساریاں شہراں وِچ اجیہے بزُرگ نامزد کر۔

۲-پطرس 2:12

سگوں ایہہ لوک بے عقل جنَوراں وانگر نیں جیہڑے پھڑے جان تے ہلاک ہون لئی پَیدا ہوئے نیں۔ جِنہاں گلّاں توں ناواقِف نیں اوہناں دی بابت ہورناں نُوں طعنے مِہنے دیندے نیں۔ پر اپنی خرابی وِچ آپ ای خراب کِیتے جان گے۔

۲-پطرس 2:15

اوہ سِدّھا راہ چھڈ کے بدراہ ہوگئے نیں۔ تے بعُور دے پُتر بِلعام دے راہ اُتّے ٹُرے جِس ناراستی دی مزدُوری نُوں پیارا جانیا۔