طِطُس 1:11 - پنجابی نواں عہد نامہ نظرثانی شدہ چھپائی

¹¹ اوہناں دا مُنھ بند کرنا چاہیدا اے اوہناں لوکاں ناجائز نفع لئی بَھیڑیاں گلّاں سِکھا کے گھراں دے گھر اُجاڑ چھڈے۔

طِطُس 1:11 ပူးပေါင်းရင်းမြစ်များ

متّی 23:13

پر ہائے افسوس تُہاڈے اُتّے فقِیہو تے فرِیسیو مکّارو۔ ایس لئی پئی تُسی اسمان دی بادشاہی نُوں لوکاں اُتّے بند کر دے اوہ۔ تُسی تے نا آپ وِچ وڑدے تے نا وڑن والیاں نُوں وڑن دیندے اوہ۔

لُوقا 20:40

کیوں جو اوہناں نُوں فیر کُجھ سوال پچُھّن دا حَوصلہ نا پیا۔

یُوحنّا 10:12

پر مزدُور تے اوہ جیہڑا ایّالی نئیں اے تے نا بھیڈاں اوہدیاں اپنیاں نیں۔ بگھیاڑ نُوں آؤندیاں ویکھدا تے بھیڈاں نُوں چھڈ کے نَسّ جاندا اے تے بگھیاڑ اوہناں نُوں پاڑ دا تے وکھیر دیندا اے۔

رُومِیوں 3:19

ہُن اسی جاننے آں پئی شریعت جو کُجھ آکھدی اے شریعت والیاں ای نُوں آکھدی اے تاں جو ہر اِک دا مُنھ بند ہو جائے۔ تے ساری دُنیا خُدا دی عدالت دے ہیٹھ آ جائے۔

۲-کُرِنتھِیوں 11:10

مسِیح دی سچیائی دی سَونہہ جیہڑی میرے وِچ اے۔ اَخیہ دے علاقے وِچ کوئی بندہ مَینُوں ایہہ فخر کرن توں نا روکے گا۔

۱-تِیمُتِھیُس 5:13

تے نالے گھر گھر پِھرکے وِھلِیاں رہناں سِکھ جاندِیاں نیں تے نِریاں وِھلِیاں ای نئیں رہندیاں سگوں بکواس کر دیاں رہندیاں نیں تے دُوجیاں دے کمّاں وِچ دخل وی دیندیاں نیں تے ناجائز گلّاں آکھدیاں نیں۔

۱-تِیمُتِھیُس 5:4

تے جے کِسے رَنڈی زنانی دے پُتر پوترے ہون تے پہلاں اپنے گھرانے نال دِینداری دا ورتاؤ کرنا سِکھّن تے ماں باپ دا حق دین۔ کیوں جو ایہہ خُدا نُوں پسند اے۔

۱-تِیمُتِھیُس 6:5

تے اوہناں بندیاں وِچ جھگڑے ہوندے نیں جِنہاں دی عقل وِگڑ گئی اے۔ تے سچیائی توں خالی نیں۔ تے دِینداری نُوں نفع لین دا وسیلہ سمجھدے نیں۔

۲-تِیمُتِھیُس 2:18

اوہ ایہہ آکھ کے پئی قیامت ہوگئی اے سچیائی توں پھر گئے نیں۔ تے بعضیاں دا اِیمان وگاڑ دے نیں۔

۲-تِیمُتِھیُس 3:6

اوہناں ای وِچوں اوہ لوک نیں جیہڑے گھراں وِچ چُپ چاپ وڑے ہوئے نیں۔ تے اوہناں بَھیڑیاں زنانِیاں نُوں وی وَس وِچ کر لَیندے نیں۔ جیہڑیاں گُناہ وِچ پھسیاں ہویاں نیں۔ تے ہر طرح دی خواہشاں دے وِچ نیں۔

طِطُس 1:7

کیوں جو نِگہبان ایس واسطے پئی خُدا دا مُختِیار اے بے الزام ہونا چاہیدا اے۔ نا ضِدی ہوئے۔ نا غُصّے والا۔ نا نشئی ہو کے شور کرن والا۔ نا مارن والا۔ نا ناجائز نفع دا لالچی۔

طِطُس 1:9

تے اِیمان دے کلام نُوں جیہڑا ایس تعلِیم دے سببّوں اے پَھڑی رکھّے۔ پئی ٹھیک تعلِیم نال نصِیحت وی کرے۔ تے مخالفاں نُوں وی منائے۔

طِطُس 3:10

اِک دو واری نصِیحت کر کے بِدعتی بندے توں وکھرا ہو جا۔