رُومِیوں 8:9 - پنجابی نواں عہد نامہ نظرثانی شدہ چھپائی

⁹ پر تُسی جِسمانی نئیں سگوں رُوحانی ہو۔ جے خُدا دا رُوح تُہاڈے وِچ وَسدا ہوئے۔ پر جِہدے وِچ مسِیح دا رُوح نئیں اوہ اوہدا نئیں اے۔

رُومِیوں 8:9 ပူးပေါင်းရင်းမြစ်များ

لُوقا 11:13

سو جے تُسی بُرے ہو کے اپنے بالاں نُوں چَنگیاں شیواں دیناں جان دے ہو۔ تے اوہ باپ جیہڑا اسمان دا اے اوہناں نُوں جیہڑے اوہدے توں منگدے نیں۔ پاک رُوح ضرُور دیوے گا۔

یُوحنّا 14:17

یعنی سچیائی دا رُوح جِہنُوں دُنیا نئیں پا سکدی کیوں جو اوہ نا اوہنوں ویکھدی اے تے نا اوہنوں جاندی اے۔ تُسی اوہنوں جان دے ہو کیوں جو اوہ تُہاڈے نال رہندا اے تے تُہاڈے وِچ ہوئے گا۔

یُوحنّا 14:23

یِسُوع اوہنوں جواب دِتّا جے کوئی مَینُوں پیار کر دا اے اوہ میرے کلام نُوں مَنّے گا۔ تے میرا باپ اوہنوں پیار کرے گا۔ تے اسی اوہدے کول آواں گے تے اوہدے نال رہاں گے۔

یُوحنّا 3:34

کیوں جو جِہنُوں خُدا گھلّیا اوہ خُدا دِیاں گلّاں کر دا اے۔ ایس لئی پئی اوہ رُوح مِن کے نئیں دیندا۔

یُوحنّا 3:6

جیہڑا جِسم توں جمّیا اوہ جِسم اے تے جیہڑا رُوح توں جمّیا اوہ رُوح اے۔

اعمال 16:7

تے جد اوہ مُوسیہ دے نیڑے آئے۔ تَد بِتُونیہ وِچ جان دا حیلہ کِیتا پر یِسُوع دے رُوح اوہناں نُوں جان نا دِتّا۔

رُومِیوں 7:5

کیوں جو جد اسی جِسمانی ساں تَد گُناہ دِیاں خواہشاں جیہڑیاں شریعت دے سببّوں سن۔ ساڈے انگاں وِچ مَوت دے لئی پَھل لیاؤن نُوں زور کر دِیاں سن۔

رُومِیوں 8:1

سو ہُن اوہناں اُتّے کُجھ وی سزا دا حُکم نئیں۔ جیہڑے مسِیح یِسُوع وِچ نیں۔

رُومِیوں 8:11

پر جے اوہدا رُوح جِس یِسُوع نُوں مُردیاں وِچوں جوالیا تُہاڈے وِچ وَسدا اے تے اوہ جِس مسِیح یِسُوع نُوں مُردیاں وِچوں جوالیا تُہاڈیاں مرن والیاں بدناں نُوں وی اپنے رُوح دی راہِیں جیہڑا تُہاڈے وِچ وَسدا اے جوا لے گا۔

رُومِیوں 8:2

کیوں جو جیہڑی زِندگی مسِیح یِسُوع وِچ اے۔ اوہدے رُوح دی شریعت مَینُوں گُناہ تے مَوت دی شریعت توں چھڈا دِتّا۔

۱-کُرِنتھِیوں 15:23

پر ہر اِک اپنی اپنی واری سِر پہلا پَھل مسِیح فیر مسِیح دے آؤن اُتّے سارے لوک۔

۱-کُرِنتھِیوں 3:16

تُسی نئیں جان دے ہو۔ پئی تُسی خُدا دی ہیکل ہو تے خُدا دا رُوح تُہاڈے وِچ وَسدا اے؟

۱-کُرِنتھِیوں 6:17

تے جیہڑا خُداوند دی صُحبت وِچ رہندا اے اوہ اوہدے نال اِک رُوح ہو جاندا اے۔

۱-کُرِنتھِیوں 6:19

تُسی نئیں جان دے پئی تُہاڈا بدن پاک رُوح دی ہیکل اے جیہڑا تُہاڈے وِچ وَسدا اے۔ تے تُہانوں خُدا ولّوں مِلیا اے۔ تے تُسی اپنے نئیں۔

۲-کُرِنتھِیوں 10:7

تُسی تے اوہناں شیواں نُوں ویکھدے ہو۔ جیہڑیاں اَکھّیاں اگّے نیں۔ جے کِسے نُوں اپنے اُتّے بھروسا ہوئے۔ پئی اوہ مسِیح دا اے۔ تے اپنے دِل وِچ ایہہ وی سوچ لَوے۔ پئی جیویں اوہ مسِیح دا اے۔ اوسے طرح اسی وی آں۔

۲-کُرِنتھِیوں 6:16

تے خُدا دے مَقدِس نُوں بُتاں نال کِیہ تعلق اے؟ کیوں جو اسی زِندہ خُدا دا مَقدِس آں۔ جیویں خُدا آکھیا اے پئی مَیں اوہناں وِچ وَسّاں گا تے اوہناں وِچ ٹُراں پھراں گا۔ تے مَیں اوہناں دا خُدا ہوواں گا۔ تے اوہ میری اُمّت ہون گے۔

گلتِیوں 4:6

تے تُسی پُتر جو ہوئے ایس کر کے خُدا اپنے پُتر دا رُوح ساڈیاں دِلاں وِچ گھلّیا جیہڑا ابّا یعنی اَے باپ کر کے پُکار دا اے۔

گلتِیوں 5:24

تے جیہڑے مسِیح یِسُوع دے نیں۔ اوہناں جِسم نُوں اوہدیاں چاہواں تے خواہشاں سَنے سُولی چاڑھ دِتّا اے۔

اِفسِیوں 1:13

تے تُساں وی جدوں سچیائی دا کلام سُنیا جیہڑا تُہاڈی نجات دی خُوشخبری اے۔ نالے اوہدے اُتّے اِیمان لیاندا تے مسِیح وِچ تُہاڈے اُتّے وعدہ کِیتے ہوئے پاک رُوح دی مُہر لگّی۔

اِفسِیوں 2:22

تے تُسی وی اوہدے وِچ رَل کے اُسارے جاندے ہو۔ تاں جو رُوح وِچ خُدا دا گھر بنو۔

اِفسِیوں 3:17

تے اِیمان دی راہِیں مسِیح تُہاڈے دِلاں وِچ وَسّے پئی مُحبّت وِچ گڈ کے تے ٹُھک کے۔

فِلِپّیوں 1:19

کیوں جو مَیں جاننا آں پئی تُہاڈی دُعا تے یِسُوع مسِیح دے رُوح دے اِنعام توں ایہدا انت میری نجات ہوئے گا۔

۲-تِیمُتِھیُس 1:14

اوس پاک رُوح دی راہِیں جیہڑا ساڈے وِچ وسّیا ہویا اے۔ اوس چنگی امانت دی حفاظت کر۔

۱-پطرس 1:11

اوہ ایس گلّ دی چھان بِین کر دے سن پئی مسِیح دا رُوح جیہڑا اوہناں وِچ سی۔ اوہنے اگیتریاں مسِیح دی تکلیفاں دی خبر دِتّی تے اوس جلال دی وی جیہڑا اوہناں توں پِچّھے آؤن والا سی۔ کیہڑے یا کہیو جِہے ویلے دی گلّ دا ذِکر کر دا سی۔

۱-یُوحنّا 3:24

تے جیہڑا اوہدے حُکماں نُوں مَندا اے اوہ ایہدے وِچ رہندا اے۔ تے ایہہ اوہدے وِچ۔ تے اوس رُوح توں جیہڑا اوس سانُوں دِتّا اے اسی جاننے آں پئی اوہ ساڈے وِچ رہندا اے۔

۱-یُوحنّا 4:13

ایس گلّ توں پئی اوہ سانُوں اپنے رُوح وِچوں دیندا اے اسی جاننے آں۔ پئی اسی اوہدے وِچ رہنے آں تے اوہ ساڈے وِچ۔

۱-یُوحنّا 4:4

بچّیو! تُسی خُدا ولّوں ہو تے تُساں اوہناں نُوں جِت لیا اے کیوں جو جیہڑا تُہاڈے وِچ اے اوہ اوہدے نالوں وَڈا اے جیہڑا دُنیا وِچ اے۔

مُکاشفہ 13:8

تے زمین دے اوہ سارے رہن والے اوہدی پُوجا کرن گے جِنہاں دے ناں اوس لیلے دی حیاتی دی کتاب وِچ لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔

مُکاشفہ 20:15

تے جِس کِسے دا ناں حیاتی دی کتاب وِچ نا لَبّھیا۔ اوہ اَگ دی جِھیل وِچ سُٹّیا گیا۔