رُومِیوں 8:6 - پنجابی نواں عہد نامہ نظرثانی شدہ چھپائی

⁶ کیوں جو جِسمانی نِیّت مَوت اے پر رُوحانی نِیّت زِندگی تے چَین اے۔

رُومِیوں 8:6 ပူးပေါင်းရင်းမြစ်များ

یُوحنّا 14:27

سُکھ مَیں تُہانوں دیئی جاناں آں۔ اپنا سُکھ مَیں تُہانوں دینا آں۔ جیویں دُنیا دیندی اے اوس طرح تُہانوں نئیں دیندا۔ تُہاڈا دِل نا گھبرائے تے نا ڈرے۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 17:5

تے ہُن اَے باپ تُوں مَینُوں اپنے نال جلال دے اوسے جلال نال جیہڑا مَیں دُنیا دے ہون توں پہلاں ای تیرے نال رکھدا ساں۔

رُومِیوں 13:14

سگوں خُداوند یِسُوع مسِیح نُوں پا لوؤ تے جِسم دِیاں خواہشاں پُوریاں کرن لئی سوچ فِکر نا کرو۔

رُومِیوں 14:17

کیوں جو خُداوند دی بادشاہی کھانا پِینا نئیں اے۔ سگوں راستبازی تے میل ملاپ تے پاک رُوح وِچ خُوشی اے۔

رُومِیوں 5:1

سو جد اسی اِیمان توں راستباز ٹھہرائے گئے تے اسی اپنے خُداوند یِسُوع مسِیح دی راہِیں خُدا نال صُلح رکھیے۔

رُومِیوں 5:10

کیوں جو جے اسی وَیری ہو کے خُدا نال اوہدے پُتر دی مَوت دی راہِیں مِلائے گئے تے ہُن جد میل ہوگیا اسی اوہدی زِندگی وِچ ضرُور ای بچائے جاواں گے۔

رُومِیوں 6:21

سو اودُوں تُہانوں اوہناں گلّاں دا جِنہاں توں ہُن شرماؤندے ہو کِیہ پَھل لَبّھیا؟ کیوں جو اوہناں دا اوڑک تے مَوت اے۔

رُومِیوں 6:23

کیوں جو گُناہ دی مزدُوری مَوت اے۔ پر خُدا دی بخشِش ساڈے خُداوند یِسُوع مسِیح وِچ ہمیشہ دی زِندگی اے۔

رُومِیوں 7:11

کیوں جو گُناہ حُکم دی راہِیں موقع پا کے مَینُوں دھوکھا دِتّا تے اوسے دی راہِیں مَینُوں مار سُٹّیا۔

رُومِیوں 7:5

کیوں جو جد اسی جِسمانی ساں تَد گُناہ دِیاں خواہشاں جیہڑیاں شریعت دے سببّوں سن۔ ساڈے انگاں وِچ مَوت دے لئی پَھل لیاؤن نُوں زور کر دِیاں سن۔

رُومِیوں 8:13

کیوں جو جے جِسم دے سببّوں زِندگی کٹّو تاں تُہانوں مرنا پئے گا۔ پر جے تُسی رُوح نال بدن دیاں کمّاں نُوں مار دے رہو۔ تے جِیوندے رہو گے۔

رُومِیوں 8:27

تے اوہ جیہڑا دِلاں دا جانن والا اے جان دا اے۔ پئی رُوح دی کِیہ نِیّت اے۔ کیوں جو اوہ خُدا دی مرضی دے سببّوں پاک لوکاں دی سفارِش کر دا اے۔

رُومِیوں 8:7

ایس لئی پئی جِسمانی نِیّت خُدا دے برخلاف اے۔ کیوں جو اوہ خُدا دی شریعت دی تابعدار نئیں اے۔ تے نا ہو سکدی اے۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

گلتِیوں 6:8

جیہڑا اپنے جِسم لئی بِیجدا اے اوہ جِسم توں ہلاکت دا پَھل وَڈّھے گا۔ تے جیہڑا رُوح لئی بِیجدا اے۔ اوہ رُوح توں سدا دی زِندگی دا پَھل وڈّے گا۔