رُومِیوں 8:30 - پنجابی نواں عہد نامہ نظرثانی شدہ چھپائی

³⁰ تے جِنہاں نُوں اوس اگّے توں مُقرّر کِیتا اوس اوہناں نُوں سدّیا وی۔ تے جِنہاں نُوں سدّیا اوہناں نُوں راستباز وی ٹھیرایا۔ تے جِنہاں نُوں راستباز ٹھیرایا اوہناں نُوں اوس جلال وی دِتّا۔

رُومِیوں 8:30 ပူးပေါင်းရင်းမြစ်များ

یُوحنّا 17:22

تے مَیں اوہناں نُوں اوہ جلال دِتّا اے جیہڑا تُوں مَینُوں دِتّا اے۔ تاں جو اوہ اِک ہون جیویں اسی اِک آں۔

یُوحنّا 17:24

اَے باپ مَیں چاہناں آں پئی جِتّھے مَیں آں اوہ وی جیہڑے تُوں مَینُوں دِتّے نیں۔ میرے نال ہون۔ تاں جو اوہ میرا جلال جیہڑا تُوں مَینُوں دِتّا اے ویکھن کیوں جو تُوں دُنیا دے بنن توں پہلا ای مَینُوں پیار کِیتا۔

یُوحنّا 5:24

مَیں تُہانوں سَچ سَچ آکھنا آں پئی اوہ جیہڑا میرا کلام سُندا اے تے اوہدے اُتّے جِس مَینُوں گھلّیا اے اِیمان لیاؤندا اے سدا دی زِندگی اوہدی اے۔ تے اوہ عدالت وِچ نئیں آؤندا سگوں مَوت توں لنگھ کے اوہ زِندگی وِچ جا اَپڑیا اے۔

رُومِیوں 1:6

اوہناں قوماں وِچوں تُسی وی یِسُوع مسِیح دے ہون لئی سَدّے گئے ہو۔

رُومِیوں 11:29

کیوں جو خُدا دِیاں نِعمتاں تے اوہدا بُلاوا مُڑن والیاں گلّاں نئیں۔

رُومِیوں 8:1

سو ہُن اوہناں اُتّے کُجھ وی سزا دا حُکم نئیں۔ جیہڑے مسِیح یِسُوع وِچ نیں۔

رُومِیوں 8:21

ایس آس اُتّے پئی خلقت فنا دے قبضے توں چُھٹ کے خُدا دے بچّیاں دی جلال والی خلاصی نُوں حاصِل کرے گی۔

رُومِیوں 8:28

تے اسی جاننے آں پئی سارِیاں شیواں اوہناں لئی جیہڑے خُدا نال مُحبّت رکھدے نیں رَل کے فائدہ پَیدا کر دیاں نیں ایہہ اوہ نیں جیہڑے خُدا دے اِرادے دے سببّوں سَدّے گئے نیں۔

۱-کُرِنتھِیوں 1:2

خُدا دی اوس کلِیسیا نُوں جیہڑی کُرِنتِھس وِچ اے۔ یعنی اوہناں نُوں جیہڑے مسِیح یِسُوع دی راہِیں پاک کِیتے گئے تے پاک لوک ہون دے لئی سَدّے گئے نیں تے اوہناں ساریاں نُوں وی جیہڑے سبھنیں تھائِیں ساڈے تے اپنے خُداوند یِسُوع مسِیح دا ناں لَیندے نیں۔

۱-کُرِنتھِیوں 1:9

خُدا سَچّا اے۔ جِس تُہانوں اپنے پُتر ساڈے خُداوند یِسُوع مسِیح دی سنگت لئی سدّیا اے۔

۱-کُرِنتھِیوں 2:7

سگوں اسی خُدا دی اوہ لُکی ہوئی حِکمت بھیت وانگر بیان کرنے آں۔ جِہنُوں خُدا نے دُنیا دے مُڈھ توں پہلاں ساڈے جلال واسطے مُقرّر کِیتا سی۔

۱-کُرِنتھِیوں 6:11

تے کئی تُہاڈے وِچ اجیہے اے سن وی۔ پر تُسی خُداوند یِسُوع مسِیح دے ناں اُتّے تے ساڈے خُدا دے رُوح نال دھوئے گئے تے پاک ہوئے تے راستباز ٹھہرے۔

۲-کُرِنتھِیوں 4:17

کیوں جو ساڈی پَل کُو دی ہَولی جیہی مُصِیبت ساڈے لئی بُہت ای بھارا تے سدا دا جلال پَیدا کر دی جاندی اے۔

گلتِیوں 1:15

پر جدوں اوس خُدا دی جِس مَینُوں میری ماں دے ڈِھڈ توں وَکھریاں کِیتا تے اپنے فضل نال سدّیا ایہہ مرضی ہوئی۔

گلتِیوں 1:6

مَینُوں اچرج جاپدا اے پئی تُسی ایڈی چھیتی اوہدے ولّوں پھر کے جِس تُہانوں مسِیح دے فضل نال سدّیا کِسے ہور خُوشخبری ولّ دھیان کر دے ہو۔

گلتِیوں 5:8

ایہہ چُک تُہاڈے سَدّن والے ولّوں نئیں؟

اِفسِیوں 1:11

اوسے وِچ اسی وی اوسے اِرادے دے سببّوں جیہڑا اپنی مرضی دی صلاح نال سبھ کُجھ کر دا اے۔ مُڈھوں ای مُقرّر ہو کے وِرثہ بنے۔

اِفسِیوں 1:5

تے اوس اپنی مرضی دے نیک اِرادے نال سانُوں اپنے لئی پہلاں توں مُقرّر کِیتا۔ پئی یِسُوع مسِیح دی راہِیں اوہدے پُتریلے ہوئے۔

اِفسِیوں 2:6

تے مسِیح یِسُوع وِچ رَلا کے اوہدے نال جوالیا تے اسمانی تھانواں اُتّے اوہدے نال بٹھایا۔

اِفسِیوں 3:11

اوس ازلی اِرادے دے سببّوں جیہڑا اوس ساڈے خُداوند مسِیح یِسُوع وِچ کِیتا سی۔

اِفسِیوں 4:4

اِکّو ای بدن اے تے اِکّو ای رُوح اے۔ جیویں تُہانوں وی جیہڑے سَدّے گئے سو تُہاڈے سَدّے جان توں آس وی اِکّو ای اے۔

کُلُسِّیوں 3:4

جد مسِیح جیہڑا ساڈی زِندگی اے۔ ظاہر کِیتا جائے گا تے تُسی وی جلال وِچ اوہدے نال ظاہر کِیتے جاؤ گے۔

۱-تھِسّلُنِیکوں 2:12

تاں جو تُہاڈا چال چَلّن اوس خُدا دے وانگُوں ہوئے جیہڑا تُہانوں اپنی بادشاہی تے جلال وِچ سدّدا اے۔

۲-تِیمُتِھیُس 2:11

سَچّی گلّ ایہہ اے پئی جے اسی اوہدے نال مر گئے۔ تے اوہدے نال جی وی اُٹھاں گے۔

عِبرانیوں 9:15

تے ایسے سبّب اوہ نَوِیں عہد دا وچولا اے۔ تاں جو اوس مَوت دی راہِیں جو پہلے عہد دے قصوراں دی مُعافی لئی ہوئی اے۔ سَدّے ہوئے لوک وعدے دے سببّوں سدا دی وِرثہ پا لین۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

۱-پطرس 3:9

بدی دے بدلے بدی نا کرو۔ تے گال دے بدلے گال نا دیو۔ سگوں برکت منگو۔ کیوں جو تُسی برکت دے وارث ہون لئی سَدّے گئے ہو۔

۱-پطرس 5:10

ہُن تُہاڈے تھوڑے چِر تِیکر تکلیف سہن دے پِچّھوں جیہڑا سارے فضل دا خُدا اے جِس تُہانوں مسِیح وِچ اپنے سدا دے جلال واسطے سدّیا اے۔ آپ ای تُہانوں کامِل تے قیم تے مضبُوط کرے گا۔

۲-پطرس 1:10

سو بھراؤ! اپنے بُلاوے تے برگزیدگی نُوں ثابت کرن دی وَدّھ کے کوشش کرو۔ کیوں جو جے تُسی ایس طرح کرو۔ تے کدی وی ٹھیڈا نا کھاؤ گے۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔

مُکاشفہ 19:9

تے اوس مَینُوں آکھیا لِکھ۔ مُبارک نیں اوہ جیہڑے لیلے دے ویاہ دے میل وِچ سَدّے گئے نیں۔ فیر اوس مَینُوں آکھیا پئی ایہہ خُدا دِیاں سَچیاں گلّاں نیں۔